1 Samwili 8:3 - Luganuzi Luswanu Kuli Wanhu Wose 2002

³ Ninga hamba siwatyatya zinzila zo sogo yawo yaye. Langa wene wakatyatya zinzila zawo weneco du zo wulondola mapesa. Na mu wuwe wuwo, wakawa wakubocela mafupo, holeka hamba si wasuma kulamula vyalo vye wanhu mu nzila ye ling'ani.

1 Samwili 8:3 ပူးပေါင်းရင်းမြစ်များ

2 Samwili 15:4

Nane nghusulumila hono nali niwe nene nili mulamuzi. Na muli wose mono yena nghani, yali yawe kunyiziza nene, nane niwa kumulamulila mu ling'ani.”

Zabuli 15:5

Kanyhi mwene kakopeshaga hamba kudaya cambuzi yaye, hamba si kabocelaga mafupo ho yamutamise munhu, mono yasina wuhoswe, no munhu we liwala lilino, kowa yakamile cibitilila.

Zabuli 26:10

i wanhu wono wekalaga wakulya mafupo vilo vyose.

Wutuluce 18:21

Ninga hamonga na zizo, ko muno, wuhagule wanhu wono wakwilaniciye mu Waisilayeli, wanhu wono wali cogopo hali Mulungu, kanyhi wehuwilwa, wono si wendezwaga ne mafupo. Nagwe wuwapele wawo wulajilize, wawe wawaha mu wanhu, wawaha we maelufu, na we magana, na we makumi mahano, na we wanhu yikumi yikumi.

Wutuluce 23:6

“Wulece kuyiwajiza ling'ani yono yimunojeye u munhu muciwa mu calo cakwe.

Wutuluce 23:8

Wulece kubocela mafupo, hambi mafupo nha gabofuzaga wawaha no kwajiliza zinghani za we ling'ani.

Muganuzi 2:19

Hambi nani kanyhi, mono komanya vyono yuyo mono kotema kowa munhu we mahala, hamba kowa mulele? Ninga hamba yiwe nhavivyo, mwene kotema muli zose zono netuma mu mahala gangu baha mono'nze. Ninga hamba yiwe nhavivyo, azo zose nha nghani ya bwete du.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Isaya 33:15

Ninga yene, kosuma kupona hono wuwe wuli mwituma ze ling'ani no kulonga ze ling'ani. Holeka wulece kwitumamila wuwaha wono wina nawo ho wuwakonje-konje waciwa, hamba wulece kubocela mafupo. Kanyhi wulecele lukulu kwilunza ne wanhu wono wehwesaga zo wuwulaji, hamba kwituma zimbi.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Wukumbucize wo Wulajilize 16:19

Walece kuwa no wuwaguzi hamba kuwewonela wanhu. Kanyhi walecele lukulu kubocela mafupo. Hambi mafupo hamonga ne vipegwa, nha vibofuzaga meso ge wanhu we mahala, ne wanhu wenenenyhezi. Sunga viwa kuwanoza wawa kulavya wulamuzi wono si wuli ling'ani.

1 Timoteyo 3:3

yalece kuwa mukolwa, hamba munhu we ciwuma wuma, langa yeze mupolo, mono yendile mulamu, kanyhi yalece kuwa munhu mwenda pesa,

1 Timoteyo 6:10

Hambi u wenda muno we zipesa nha wo mwamulizo wo wubi wose. Iwanhu wanji wasulumilaga muno kutuga mapesa, sunga wawuleka no wihuwilo wawo, no kudumanjila dumanjila ako na ako, kutali no wihuwilo wawo no kutukuwika i mitima yawo ko wusungu wuwaha muno.

1 Samwili 12:2

Sunga nalu mwina nayo yamutonjenyi. Ninga ane nakombipa natuga ne zimvwi, ne wanangu we cilume wali muli nyenye. Nane nali nili mulamuzi wenyu ku wulawa wuzelelo wangu sunga nalu.

1 Samwili 2:35

Nane nolomuhagula mukohani mono kowa mwihuwilwa kuli'ne, mono kosuma kwituma zose, nha vyono nomulajiliza yetume. Kanyhi nolomupela wana wono wowa kwitumama hali mutemi wangu muhagulwa wangu.