1 Samwili 7:3 - Luganuzi Luswanu Kuli Wanhu Wose 2002

³ Nayo Samwili yakawalonjela Waisilayeli yakawatya, “Hono muwe mbeka mukumuwuyila Muwaha Mulungu, kwe zinhumbula zenyu zose, ale munojeye muwusize lukulu milungu yenyu yose ye cijenzi, hamonga ne vihwani vyose viseswe vye cihwani co mulungu we cicekulu Asitaloti. Mwiyilavizye lukulu nyo weneco kuli Muwaha Mulungu, mumuhembe mweneco yali wene du. Nayo komuponyenyi mu miwoko ye Wafilisiti.”

1 Samwili 7:3 ပူးပေါင်းရင်းမြစ်များ

Mwamulizo 35:2

Hodu Yakobo yakawa kuwalonjela mhuga yakwe na wose wono yali yena nawo, yakawatya, “Ale, mutajile lukulu kutali vihwani vye milungu mijenzi vyono mwina navyo, mwiyeze, kanyhi mukawanize ne vivwalo vyenyu.

1 Watemi 11:33

Nane nghwituma zizi, vyono Solomona yakondya kunema 'ne, alu yakuhemba milungu yinji, ye Asitalite, u mulungu mucekulu wa wanya Sidoni, hamonga no mulungu Cemoshi, u mulungu we Wamowabi, na Moleki u mulungu we Waamoni. Alu Solomona yakondya kungaluka, yetuma vibi, kanyhi hamba si yawibate no wulajilize wangu, hamonga ne malajilizo gangu, nha vyono u sogwe Dawudi yali yagebate.

1 Watemi 8:48

Na hono wanene kwe nhumbula ye mbeka lono wali ku yisi yiyo, ho wakulombe akuno wadomizye wusu wawo ku lubavu lwa kono yisi yiyi, yisi yono wawapela i walezi wetu, ne likaya lili lyono gwegwe walihagula, ne Nyumba yiyi yono nakuzenjela gwegwe,

2 Watemi 17:39

Mweze muli cihuliko kuli'ne no Muwaha Mulungu u Mulungu wenyu, nane ho nomuponyenyi mu walugu wenyu.”

2 Watemi 23:15

Mutemi Yosiya, yakawumwagula no wuhembelo wono mutemi Yelobowamu mwana wa Nebati, yali yawuzenjile ku Beteli, mono yawanoza Waisilayeli wetume wubi hali Mulungu. Yosiya, yakacimwagula cikumbicilo, yakagatulanjiza mabwe gayo, yakagatindya, gakawa manghundi. Yakacikongoga cihwani co mulungu we cicekulu Ashela.

1 Zinghomo 22:19

Holeka alu, mumwitumamile Muwaha Mulungu, u Mulungu wenyu, kwe nhumbula yenyu yose na ko mutima wenyu wose. Mwanze mulimo wo wuzenji we Nyumba yo Mulungu, ho musume kulinjiza mugati Lisanduku lye Cilagane lyo Muwaha Mulungu, hamonga ne viya vinji vyose vyono vyelile, vyono vikwitumamilwa mu wuhembi wakwe.”

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

2 Zinghomo 19:3

Ninga hamba nhavivyo, zinji ziswanu, zikali zili muli'gwe. Vyono waviwusa vihwani vyose vyo mulungu we cicekulu Ashela mu yisi yose, na kanyhi vyono wukali wujendeleye kuwutyatya wuhile wo Mulungu.”

2 Zinghomo 20:33

Ninga hanhu ho wuhembelo ha wanhu wono si wamumanyile u Muwaha Mulungu si hawuswa yaye. Ne wanhu wakekala si wamuwuyiye Muwaha Mulungu kwe zinhumbula zawo zose, na mu wuhembi wo kumuhemba u Mulungu we walezi wawo.

2 Zinghomo 30:19

go Mulungu we walezi wetu, ko wuswanu wako, nghukulomba wuwanenele wose wono wali baha, wono wakukuhemba kwe zinhumbula zawo zose, hamba wawe si weyezize ng'o.”

Zimbazi 16:1

Ase cihwesaga zetu, ninga Mulungu yo yena nghani ye ndumilizo.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Yelemiya 24:7

Nane nowasikamya, ho wamanye ane, vyono yo nene u Muwaha Mulungu. Nawo wowa wanhu wangu, nane nowa Mulungu wawo. Hambi lulo, nha wolombuyila 'ne, ko mutima wawo wose.”

Yelemiya 36:3

Na lunji i wanhu wa Yuda, kolo wakuhulika ze magazo mawaha gono nghusaka niwatendele, lunji wopituka wagalece metumo gawo mabi. Nane niwanenele masutya gawo hamonga no wubi wawo.”

Yelemiya 4:1

U Muwaha Mulungu yakutya nhavi, “Nye nyo wanhu wa Isilayeli, hono muwe mukusaka kumbuyila, ale heya mumbuyilaje. Na hono musace kuwa wehuwilwa kuli'ne, muwe kuviwusa ne vihwani vyenyu viseswe, vyono nane si nivyendile,

Ezekiyeli 14:6

“Holeka aluno, wuwalonjele Waisilayeli zono nghuwalonjela ane no Muwaha Mulungu, nghutya, ‘Ale mbuyilenyi 'nye nyo wanhu wangu, mumhitucile nene, muwuce mu vihwani vyenyu vye mawifyo.’

Ezekiyeli 18:31

Muwutajilaje lukulu u wubi wenyu wose wono mwetumaga, mwinozeze nhumbula mhya, no muhe mupya. Alu anye nyo Waisilayeli, nhawulenyi mukwiyambalila ne lifwa?

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Matayo 15:8

“U Mulungu yakutya, Iwanhu awa wakuwa kunumba kwe milomo yawo du. Ninga i zinhumbula zawo, zili kutali nane.

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Matayo 6:24

“Hasina mwitumami mono kosuma kuwetumamila watwa wejete. Ku soko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.”

Luka 4:8

Nayo Yesu yakapitula yakamutya, “I Mandiko gakutya, ‘Komuhemba Mulungu wako, no komwitumamila mweneco yali wene du.’ ”

Yohana 4:24

U Mulungu wo Muhe, ne wanhu wosuma kumuhemba mu mbeka, kwe vilungo vyo Muhe wakwe.”

Wukumbucize wo Wulajilize 10:20

Holeka munojeye mweze ne cihuliko kuli Muwaha Mulungu, u Mulungu wenyu, muwe kumuhemba mweneco yali wene du. Kanyhi mweze muli wehuwilwa kuli mwene, kanyhi mweze kwilahiziza mwitagwa lyakwe mweneco du.

Wukumbucize wo Wulajilize 13:4

Ninga anye mumutyatye du Muwaha Mulungu, mumupele cogopo, kanyhi mumuhulice mwene, mwibate ne malajilizo gakwe, mumuhembe mweneco du yali wene, kanyhi mweze muli wehuwilwa kuli mwene.

Wukumbucize wo Wulajilize 4:29

Na kuko nanye, molowa kumulondola Muwaha Mulungu, u Mulungu wenyu. Na hono muze mumulondole kwe nhumbula yose na ko mutima wose, molomuwona.

Wukumbucize wo Wulajilize 6:13

Munojeye mweze ne cogopo kuli Muwaha Mulungu, u Mulungu wenyu, mumuhembe mweneco du yali wene, sunga no wihuwizo wenyu wose, mweze kuwunozeza mwi'tagwa lyakwe mweneco du.

Yoshuwa 13:31

Yikasola sunga ne nusu ya Gileyadi, hamonga na Ashitaloti na Edeleyi, i makaya mawaha ga mu wutemi wa Ogu ku Bashani. Azi zose, wakapegwa hamonga ne nusu ye we mhuga yono yali ya Macili u mwana wa Manase.

Yoshuwa 24:14

Ale, Yoshuwa yakajendelela kuwalonjela yakutya, ‘Mumogopaje Muwaha Mulungu, kanyhi mumwitumamilaje kwe cogopo na ko wihuwilwa. Muwusize lukulu milungu yose, yono wayihembaga i walezi wenyu ku Mesopotamiya na ku Misili. Langa mumwitumamilaje Muwaha Mulungu du yali wene.

Yoshuwa 24:23

Nayo Yoshuwa yakawatya, “Ale, lu, wusenyi milungu mijenzi yono yili muli'nye, mumupele cogopo Muwaha Mulungu, u Mulungu we Waisilayeli.”

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.

Walamuzi 10:6

Waisilayeli waketuma wubi kanyhi hali Muwaha Mulungu, so wuhemba milungu ya Baali na Ashitaloti hamonga ne milungu ya ku Siliya ya Zidoni. Ne milungu ya Wamowabi ne milungu ye Waamoni, na ye Wafilisiti. Wakamuleka Muwaha Mulungu, wakapela no kumuhemba.

Walamuzi 2:11

Hobaho i wanhu wa Isilayeli waketuma wubi hali Muwaha Mulungu, wakanza kanyhi kuyihemba Milungu ya Mabaali.

Walamuzi 2:13

Wakaleka kumuhemba Muwaha Mulungu wakamwitumamila mulungu Baali na Ashitaloti.

1 Samwili 31:10

Hanyuma ya zose, wakawa kuviwika vitwalo vyakwe mu nyumba ye milungu ya Ashitaloti, ninga u muwili wakwe wakawukomanhila mwi'jinji lye likaya lya Bete-shani.