1 Samwili 5:3 - Luganuzi Luswanu Kuli Wanhu Wose 2002

³ Nawo wanhu wa Ashidodi, wali weza kusinhuka hakali mitondo muno muno mwi'zuwa lye kejete, walanje nhavi, wakawa kuwona u mulungu wawo Dagoni, yagwiye wugubama ha mwande ye Lisanduku lye Cilagane lyo Muwaha Mulungu. Ale du, wakawa kumwinula yuyo mulungu wawo Dagoni, wakawa kumusimya kanyhi hanhu hayo hono yali.

1 Samwili 5:3 ပူးပေါင်းရင်းမြစ်များ

1 Watemi 18:26

Ale, nawo wawizi wa Baali wakayisola ng'ombe yono wali waletelwa, wakayiwulaga. Wakalomba kuli Baali, sunga mu misi mugati. Wazozaga wakutya, “Gwe Baali wucipitulaje!” Nawo walombaga nhavivyo, akuno wakuzumhazumha wakupilima cikumbicilo cono wazenga. Ninga hakawa hasina hamba yipitulo lyolyose lyono watuga.

Zabuli 115:7

'gwe, sunga ne miwoko yose yina nayo, ninga si yisumaga hamba no kwalabata bwete du, ati sunga ne magulu gose yina nago, ninga hamba si yikusuma kujenda yaye. Si yikusumila lukulu hamba kulavya yizi du kose.

Zabuli 97:7

Na wose wono wakuhemba vihwani, wakukozwa cevu, heya, sunga na wose wono wakwikumizya milungu, yono yisina cambuzi, milungu yose nha yimuhembaga Muwaha Mulungu du.

Wutuluce 12:12

“Nane mu cilo cico nokola mu yisi yose ya Misili, niwawulaje wana walume wose, walongozi kulelwa. I wana we wanhu, hamonga ne zinyana ze mitugo. Kanyhi noyilipiciza milungu yose yo wulambi ya mu yisi ya Misili. Ane yo nene Muwaha Mulungu.

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Isaya 40:20

Nayo munhu mono yakuwona nha vyono si kosuma wuguzi we fweza, hamba zahabu, mwene kahagulaga mubici we nghulunje wono si wufukunywaga yaye. Nayo kamulondolaga musesi munghula ho yamunozeze cihwani ciseswe cono si cosuma kung'anuka yaye no kugwa hasi.

Isaya 41:7

I waselemala nawo, wakuwalonjela i watyana zahabu wakutya, ‘Ale mwetuma mulimo muswanu!’ Nayo mono yakucikulunjiza cihwani, yakumusindamika mono yakucilunza-lunza hamonga ne misumali, yakutya, ‘Ka! Mwene wacilunza viswanu si.’ ” Na hanyuma, wawa kuvipanga vihwani hanhu hamonga no kuvitowela ne misumali.

Isaya 46:7

Na hanyuma yayo wawa kumupika mu mawega gawo mulungu yuyo wakumudinghula. Wakumusimya hanhu hanji, kawa kwima baho du hamba kusuma kutela hanji hamba hadodo. Na hono munhu yabite baho yakamulombe, mulungu yuyo we fweza, si yakusuma kumupitula, hamba kumupela wutazi wo wose wa mu magayo gakwe.

Yelemiya 10:8

Wose nha walele du, kanyhi wasina mahala. Ale wene, wakwihwesa hamba wosuma kwiyijiza cicici, mumo mu vihwani lo vye mabici?

Zefaniya 2:11

U Muwaha Mulungu, kolowogofya muno. Hambi nha koloyimala milungu yose ya mono yinze, ne makungugo gose golomuhemba mweneco du, wanhu na yisi yawo weneco.

Maluko 3:11

Ne wanhu wono wali wena i macisi mavu, waza kumuwona, wakagwa hali mwene no kuzoza, wakutya, “Agwe yo gwegwe Mwana wo Mulungu!”

1 Samwili 6:1

Nalyo Lisanduku lye Cilagane lyo Muwaha Mulungu, lyali lyeza lyekala mu yisi ye Wafilisiti myezi mupunghati.

1 Samwili 6:5

Ale, munoze vihwani vye mapu genyu, ne vihwani vye magule genyu, vyono vihodangaga yisi yenyu. Kanyhi mumupele Muwaha Mulungu we Waisilayeli cogopo. Holeka lunji nayo koleka kumulipicizenyi nyenye, ne milungu yenyu hamonga ne yisi yenyu.