1 Samwili 4:9 - Luganuzi Luswanu Kuli Wanhu Wose 2002

⁹ Holeka alu anye nyo Wafilisiti mweze muli vilungo, kanyhi mwihome cilume-lume, ho cilece kuwa wawanda we Wahebelaniya, nha vyono wene wali wawanda wetu. Holeka mwihome cilumelume!”

1 Samwili 4:9 ပူးပေါင်းရင်းမြစ်များ

2 Samwili 10:12

Ninga weze ne vilungo no wutung'ati! Hambi nha yicinojeye ase cihome kwe vilungo ku soko ye wanhu wetu, na ku soko ye makaya go Mulungu wetu. Nayo Muwaha Mulungu yetume zono zikuwa swanu ha meso gakwe.”

Isaya 14:2

Sunga ne makungugo menji, golowataziliza i wanhu wa Isilayeli, ho wawuye ku yisi yono Muwaha Mulungu yawapela, na hanyuma kanyhi i makungugo gago, golowa nha wawanda, golowetumamila i Waisilayeli. Na wawo wono wawateka Waisilayeli, alu nawo woletekwa ne Waisilayeli no kuwatema wene wono wali wawewoneye.

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

1 Wakolinto 16:13

Ale, mwikalaje meso, kanyhi mwimaje mukamile mu wihuwilo, akuno musina woga, kanyhi mweze muli vilungo.

Walamuzi 10:7

Na ku soko yiyo, Muwaha Mulungu yakawakolelwa yikuwo yiwaha muno muno Waisilayeli, yakawa kuwaleka. Yakawa kuwakombola Wafilisiti ne Waamoni, wawasume no kuwatema.

Walamuzi 13:1

Ninga Waisilayeli waketuma kanyhi wubi hali Muwaha Mulungu. Nayo Muwaha Mulungu, yakawatajila mu miwoko ye Wafilisiti, wakawatema myaka makumi mane.

1 Samwili 14:21

Sunga ne Wahebelaniya wanji wono wali vyelumvya ne Wafilisiti, no kuwalonda sunga ko ku nghambi yawo, nawo wakapituka wakawa kwilunza na Sawuli na Yonazani.

1 Samwili 4:8

Alu nani mono kosuma kuciponya wulawa mu milungu yiyo ye vilungo? Hambi nha yo milungu yono yawongomeza Wamisili mu nyika!