1 Samwili 4:4 - Luganuzi Luswanu Kuli Wanhu Wose 2002

⁴ Ale, wakawa kutuma wanhu ku Shilo, wakawa kulisola Lisanduku lye Cilagane co Muwaha Mulungu we Mihanga, mono kekalaga haciligati ye makelubi, wakawa kulileta kuko ku nghambi yawo. Nawo wana wa Eli wejete we cilume, Hofuni na Finehasi, vikazana ne Lisanduku lye Cilagane lyo Muwaha Mulungu kuko ku nghambi.

1 Samwili 4:4 ပူးပေါင်းရင်းမြစ်များ

2 Samwili 15:24

Nayo Zadoki u mukohani yali yali hamonga nawo, ne walawi wakawa walidinghuye Lisanduku lye Cilagane. Wakalisimya Lisanduku lye Cilagane hasi, wakalindila sunga wanhu wose wakawuka mwi kaya. U mukohani Abiyatali, nayo yali yali hamonga nawo.

2 Samwili 6:2

yakawa kuwategula ku Bala, mu yisi ya Yuda, ho wakalisole Lisanduku lyo Mulungu lye Cilagane, mono litambulilwagwa litagwa lyo Muwaha Mulungu we mihanga vilungo, mono kekalaga mucanyha ye makelubi.

2 Watemi 19:15

yakalomba yakutya, “Gwe go Muwaha Mulungu, go Mulungu we Waisilayeli, mono wikaye mu makelubi, nha yo gwegwe Mulungu mono wutemile mu watemi wose wa mono'nze. Yo gwegwe mono wawumba wulanga ne yinze.

Zabuli 80:1

Wucihulicize 'gwe go mudimi wa Isilayeli, mono kuwatongaga wana wa Yusufu, nhe zingholo. Agwe mono wikaye mwi'goda lyako lyo wuwaha, mucanyha ye makelubi,

Zabuli 80:2

Wuwamulicilaje ku mwande wa Efulayimu, Benyamini, na Manase. Wulajile vilungo vyako, wuze wuciponye!

Zabuli 99:1

Muwaha Mulungu yo yatemile, nago makungugo gakucicima! Mwene yekaye mu makelubi, nayo yinze yikusinjisika!

Isaya 37:16

“Gwe go Muwaha Mulungu we mihanga, go Mulungu wa Isilayeli, mono wikaye kucanyha ha ciligati ye Makelubi. Yo gwegwe du Mulungu wuli wene, mono wutemile mu matemi gose ge yinze.

Malaki 1:9

Alu nanye nyo wakohani, mono mukumulomba Mulungu yawe muswanu kuli'se. Mwene sikowupitula wulombe wenyu, na lili lyowa yisutya lyenyu.

Wuwale 4:15

Nayo Haluni ne wanagwe, kolo wakondya kuvivunjiliza no kuviwopeleza vinhu vyose, vyono vikwitumamilwa i Hanhu hono helile, lono weza kutuluka wakulawa mu nghambi yiyo, ale, i wana wa Kohati, wo wavidinghule i viya vivyo. Langa walanjilile walece kuvipamiza viya vivyo, na hono wejelele du wavipamize, wofwa. “No mulimo wuwo wo wudinghuzi we viya vivyo, wowa wo mulimo wawo du i wana we Wakohati, ho hose hono mowa kulihamizya Lihema lyono Lyelile.

Wuwale 4:5

Nayo Muwaha Mulungu yakamulajiliza Musa yakatya, “Kolo weza kuwuka mu nghambi yiyo, ale, Haluni ne wanagwe we cilume, wanojeye wenjile mwi 'Hema, wapambule libupa lyo mwenda lyono lili ha mwande ye Lisanduku lye Cilagane. Wawe kulivunjiliza Lisanduku lye Cilagane no mwenda wuwo.

Wuwale 7:89

Nayo Musa yali yeza kwinjila mugati ye Lihema lyono Lyelile, ho yakalongane no Muwaha Mulungu, yakamuhulika Muwaha Mulungu yakulongana nayo, mu wulawa hacanyha ye cigubiko ce Lisanduku lye Cilagane, haciligati ye makelubi mejete.

1 Samwili 1:24

Nayo yali yeza kumulesa mwana, hodu, yakawa kumutegula ku Shilo, yakasoleleza hamonga na nzeku monga ya myaka midatu, na kilo yikumi za wusaje, hamonga no mufuko wa nyhingo wumemile divayi. Yakawa kumusola Samwili yakali mudodo du, yakawa kumutegula ku Shilo, ku Nyumba yo Muwaha Mulungu.

1 Samwili 14:3

(Na Ahiya u mwana wa Ahitubu, u mwanakwawe wa Ikabodi, mwana wa Finehasi, u mwizukulu wa Eli, mukohani wo Muwaha Mulungu ku Shilo, yuyo yo yali yavwalile Efodi.) Ninga wanhu hamba si wamanya vyono, Yonazani yali yakondya kuwuka, yabita ku nghambi ye Wafilisiti.

1 Samwili 2:22

Nayo Eli mukohani, lono yali yakombipa muno, yakazihulika zinghani zose ze wanagwe we cilume zono wawatendelaga Waisilayeli. Kanyhi na vyono wagonaga ne wacekulu, wono wetumaga milimo ya ha mulango we Lihema lyono Lyelile.