1 Samwili 4:3 - Luganuzi Luswanu Kuli Wanhu Wose 2002

³ Nawo Waisilayeli wono wasigala wakawuya ku nghambi yawo ku Ebene-zeli, i wawaha wawo wakawa kwanza kwiwuza wakutya, “Alu mwene 'nye, nhawule Muwaha Mulungu kacileceleza cisumwe ne Wafilisiti i zuwali? Ale, lu, ciba, cibite ku Shilo cikalisole Lisanduku lye Cilagane lyo Muwaha Mulungu, cililete ku kuno, u Muwaha Mulungu ho yawe yali hamonga nase, yaciponye mu walugu wetu.”

1 Samwili 4:3 ပူးပေါင်းရင်းမြစ်များ

2 Samwili 15:25

Mutemi yakamulonjela Zadoki yakatya, “Alu, wusole Lisanduku lye Cilagane wuligomoleze mwi'kaya. Hono Muwaha Mulungu yawe yendezwe nane, ale mwizuwa linji kolongomola kanyhi kono Yelusalemi nize nililanje, hamonga ne hanhu hono liwicigwe.

1 Zinghomo 17:1

Na lono Dawudi yali yekala mu kaya yakwe, mwizuwa linji yakamucema muwizi Natani, yakamulonjela yakutya, “Lanje ta! Ane nikaye mu kaya yono nzenje ne mibici yo muhagata, ninga Lisanduku lye Cilagane lyo Muwaha Mulugu, yiwice mwi'hema!”

Zabuli 74:1

Go Mulungu, alu nhawule wacitajila lukulu? Alu so cici likuwo lyako likwaka kuli zingholo zako!

Zabuli 74:11

So cici lo wukulema kucitaza lu? Nhawule wuyiwicile ku mugongo miwoko yako?

Isaya 50:1

Muwaha Mulungu yakutya, “Alu mukwihwesa nha vyono nali nawawinga wanhu wangu, nha vyono munhu kamupelaga mucekulu wakwe talaka? Alu ceti ce talaka ho cili hayi lo? Hamba mukwihwesa nha vyono nali nawaguza ku wuhamywe lo, nho munhu mono kaguzaga wanagwe ku wuwanda? Ng'o ye! Anye mwabita ku wuhamywe ku soko yo wubi wenyu, mwabita kuko, ku soko ye masutya genyu.”

Isaya 58:3

Ninga kanyhi akuno wanhu wakuwuza wakutya, “Alu nhawulenyi cilece kulya zindigwa, kumbe nayo Muwaha Mulungu nha si yakuwona yaye, hamba nhawule cikale cisina ndigwa lono mwene si yakucitonganiza?” Nayo Muwaha Mulungu yakuwapitula yakutya, “Ninga i mbeka yoyi, vyono anye mwi'pango lyono mukuleka kulya, mwiyendezaga du nyo weneco, no kuwewonela wetumami wenyu.

Isaya 59:1

Ninga mulece kwihwesa nha vyono Muwaha Mulungu musocele, mono si kosuma kumuponyenyi, hamba lunji yali ciziwi mono si kosuma kumuhulicenyi lono mukumucemeleza mukusaka wutazi!

Isaya 59:2

Heya, ku soko yo wubi wenyu, holeka nayo siyakumuhulicenyi yaye. Hambi nha wubi wenyu wono wukumutemanulenyi no Mulungu lono mukujela kumuhemba.

Yelemiya 3:16

Nanye kolo mweza kuwa mwenjipa, no kuwa wenji muno mu yisi yiyo, ne wanhu hamba si wololonga kanyhi ze Lisanduku lyangu lye Cilagane yaye, hamba si wolowa kulihwesa kanyhi hamba kulikumbucila kose, hamba kulisaka kanyhi, hamba kuwa no wuhile wo kunoza Lisanduku linji kanyhi lye Cilagane.

Yelemiya 7:4

Mulecele lukulu kwitumbila zinghani zizo zo wulambi, zo wutya ‘Ase cipolile, hambi ayi nha yo Nyumba yo Mulungu! Nha yo Nyumba yo Mulungu! Nha yo Nyumba yo Mulungu!’

Wuwale 10:33

Nawo wanhu wali weza kuwuka he 'tunda lyono lyelile lya Sinayi, wajenda vilo vidatu. Nalyo Lisanduku lye Cilagane lyo Muwaha Mulungu, nhondo zose lyawalongolelaga ku mwande, ho liwatonje i hanhu hono woyisimya nghambi yawo.

Wuwale 10:35

Na mwipango lono Lisanduku lye Cilagane lyatulukaga, Musa yalongaga yakutya, “Ale, winuce go Muwaha Mulungu, wuweyagaze walugu wako, nawo wono wakusulile, wose wakutize 'gwe!”

Wuwale 31:6

Nayo Musa yakawa kuwasola, yakawa kuwategula ku wihomi, hasi yo wulanjilizi wa Finehasi u mwana wa Eleyezali u mukohani, mono yali yo mulanjilizi we viya vyose vyono vyelile, hamonga ne zindulele zono wetumamilaga so kuwasugula nha vyono zinha.

Wukumbucize wo Wulajilize 29:24

Baho, ne makungugo gose golokwiwuza gawe kutya, ‘Alo nhawule Muwaha Mulungu kazinoza zizi mu yisi yawo?’

Wukumbucize wo Wulajilize 31:26

“Ale, solenyi citabu aci cono candicigwe Lilajilizo lyo Muwaha Mulungu, muciwice ha lubavu lwe Lisanduku lye Cilagane co Muwaha Mulungu, u Mulungu wenyu, ciwe kwikala baho nhondo zose, ho ciwe wuhomelezi kuli wanhu wakwe.

2 Timoteyo 3:5

Kunze yawo wokwijela nha wanhu wono wamogopilo Mulungu, ninga akuno ho wakuvilema ivilungo vyakwe. Holeka wilejelaje lukulu ne wanhu we liwala lilyo.

Wahebelaniya 9:4

Mumo mo mwali cifusizo ca zahabu so kufusiza wuvumba ne lisanduku lye cilagane, nalyo lyali yihiliwe zahabu mbavu zose, na mugati yalyo, mwali na ciya ca zahabu cono cali cina mana, ne nghome ya Haluni yono yali yitulile mahamha, hamonga na azilya i zimbawo zi nyejete zono zali zandicigwe i cilagane.

Yoshuwa 4:7

nanye ho molowalonjela vyono i malenga ga Yoludani, gakema gakaleka kuhuluma, mwi'zuwa lyono Lisanduku lye Cilagane lyo Muwaha Mulungu, lyalowocela mwi'kolongo. Kanyhi i mabwe gaga, gowa kuwakumbuciza wanhu Waisilayeli Cibitilila, zono zawejelela baho.”

Yoshuwa 6:6

Yoshuwa u mwana wa Nuni, yakawacema wakohani wose, yakawatya, “Ale mulidinghule Lisanduku lye Cilagane, na muli nyenye, wayenyu wanji mupunghati, walongole ku mwande ye Lisanduku, akuno wazidinghuye ne zindulele.”

Yoshuwa 7:7

Yoshuwa yakatya, “Gwe go Muwaha Mulungu! So cici wukacilowosa kwi'kolongo lya Yoludani? Ho wucitajile mu miwoko ye walugu wetu Waamoli wacongomeze? Alo nhawule sicekalilila ku nhumbi nzagwe ya Yoludani?

Yoshuwa 7:8

Gwe Muwaha Mulungu, alu nonje ci, lono Waisilayeli, nhondo weza kusumwa ne walugu wawo?

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenye'lu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezwaga mu ciselinji ciswanu. Cikumuponyenyi mu nzila yo wuzuce wa Yesu Kilisito,

Yuda 1:5

Aluno nghusaka nimukumbucizenyi zinghani zono muzimanyiye lukulu, mukumbucile vyono u Muwaha yawaponya i wanhu wa Isilayeli, yakawawusa na mu yisi ya Misili, ninga hanyuma kanyhi yakawongomeza wose wono si wehuwila.

1 Samwili 1:24

Nayo yali yeza kumulesa mwana, hodu, yakawa kumutegula ku Shilo, yakasoleleza hamonga na nzeku monga ya myaka midatu, na kilo yikumi za wusaje, hamonga no mufuko wa nyhingo wumemile divayi. Yakawa kumusola Samwili yakali mudodo du, yakawa kumutegula ku Shilo, ku Nyumba yo Muwaha Mulungu.

1 Samwili 14:18

Hodu Sawuli yakawa kumulonjela Ahiya u mukohani, yakatya, “Ale, wuyiletaje ahano efodi.” (Na mwi'zuwa lilyo Ahiya mukohani yali yayidinghuye efodi mu mawoko, ha mwande ye Waisilayeli.)

1 Samwili 4:2

Ale, wakawa kwanza kuwahoma Waisilayeli, no wulugu wukawa wukali muno, nawo Wafilisiti wakawawulaga Waisilayeli, wanhu elufu yine mu wulugu wawo.