1 Samwili 3:9 - Luganuzi Luswanu Kuli Wanhu Wose 2002

⁹ Holeka Eli yakawa kumulonjela Samwili yakatya, “Alu wubite kanyhi wukagone, na hono wuhulice yakucema kanyhi, agwe wumupitulaje wutye, ‘Wulonje Muwaha, u mwitumami wako yakuhulika.’ ” Nayo Samwili yakawa kubita kugona.

1 Samwili 3:9 ပူးပေါင်းရင်းမြစ်များ

Zabuli 85:8

Nghuhulika zono yakutya Mulungu, u Muwaha Mulungu, yakwihuwiza kuwapela mulamu wanhu wakwe wehuwilwa, hono walece kuwuwuyila kanyhi wulele wawo.

Zabuli 85:9

Mbeka, mwene yewikanize kuwaponya wose, wono wamogopile, no lukumyo lwakwe, lokwikala mu yisi yetu.

Wutuluce 20:19

Wakamulonjela Musa wakatya, “Gwe Musa, agwe yo gwegwe du mono weze kulongana nase, nase cokuhulika du, ninga Muwaha Mulungu yalece kulongana nase, ho cilece kufwa.”

Isaya 6:8

Hanyuma ya zizo, nghahulika Muwaha Mulungu yakutya, “Alu, nomutuma nani? Hamba nani mono kobita ku soko yetu?” Nane nghamupitula nghatya, “Nili baha! Wunhumaje nene.”

Danyeli 10:19

Yakawa kunyitya, “U Mulungu yakwendile 'gwe Danyeli, holeka wulece kogofywa na cinji co cose, hamba kuwa na mahwele.” Nayo yali yeza kukondya kuzilonga zizi, nane nghewona nhondo vilungo vyangu vyose vyakondya kumbuyila kanyhi, nane nghamutya, “Gwe muwaha wangu, wulonje zono wina, hambi nha wakondya kumhela vilungo.”

Metumo ge Watumwa 9:6

Ninga winukaje wukenjile mwi'kaya, na kuko kolonjelwa yono yikunojeye witume.”

Yoshuwa 5:14

Nayo munhu yuyulya yakamupitula yakatya, “Aa! Ng'o. Ane niza, ho niwe citung'ati wo kulilongoza lipuga lye wasilikale wo wulugu lyo Muwaha Mulungu.” Yoshuwa yakafugama, no wusu wakwe wukapamiza ho hasi, yakahemba. Hanyuma yakamutya, “Gwe muwaha, ane nili mwitumami wako, alu wukuhila nitumeci?”

1 Samwili 3:10

Muwaha Mulungu yakaza yakema bahalya kanyhi, yakawa kucema, nha vyono yakacema halulongozi yakatya, “Samwili! Samwili!” Nayo Samwili yakedika yakatya, “Wulonje Muwaha, u mwitumami wako yakuhulika.”

1 Samwili 3:8

Muwaha Mulungu yakamucema Samwili kanyhi lwe kadatu. Nayo Samwili yakenuka, yakamubitila Eli mukohani, yakamutya, “Ane naza, hambi nha hulika wukunyhema.” Nhondo baho Eli mukohani, yakezuka vyono yo Muwaha Mulungu mono yali kumucema mudodo.