1 Samwili 28:9 - Luganuzi Luswanu Kuli Wanhu Wose 2002

⁹ Mucekulu yuyo yakamupitula yakatya, “Ninga wumanyile zono yanoza Sawuli, vyono yawawusiza lukulu we macisi wose, sunga ne wahawi wose, mu yisi ya Isilayeli! Alu so cici agwe wukusaka wunhajile mu mutego wunyambuze mbulagwe?”

1 Samwili 28:9 ပူးပေါင်းရင်းမြစ်များ

1 Samwili 28:3

Ale, Samwili yali yakondya kufwa ne Waisilayeli wose wali wamulilila, wakondya no kumuzika ku Lama mu kaya yakwe mweneco. Nayo Sawuli yali yakondya kuwawusiza lukulu we macisi ne wahawi wose mu Isilayeli.

2 Watemi 5:7

Nayo mutemi wa Isilayeli yali yeza kukondya kuyisoma yiyo baluwa, hodu yakavidemulanga vivwalo vyakwe ko woga, akuno yakuzoza yakutya, “Alu mwene, u mutemi wa Siliya yalanjiliye vyono ane nosuma kumuponya munhu yuyu? Alo mwene yakwihwesa ane nili Mulungu lo, mono nowa nina wulajilize wo wumi ne lifwa? Ane nghuwona ayu, yakusaka ho cigombane nayo du!”

2 Samwili 18:13

Holeka hono nali nimubeze mutemi, nimuwulaje Abusalomu, nayo mutemi yali yazihulice zizi, hambi mwene nha muhulici ku zinghani, nagwe hamba si wali wusume kunhaziza yaye.”

Walawi 19:31

“Mulece kuwabitila we macisi, hamba i wahawi, no kulondola wutazi kuli wene. Hambi hono munoze zizo, nha mowa mweza wavufywe. Ane yo nene Muwaha Mulungu wenyu.

1 Samwili 28:10

Nayo Sawuli yakamwilahila ko Muwaha Mulungu yakatya, “Mbeka nghukwihuwiza mwi'tagwa lyo Muwaha Mulungu mumi, vyono agwe si kolipicizizwa lukulu so nghani yiyi.”