1 Samwili 28:4 - Luganuzi Luswanu Kuli Wanhu Wose 2002

⁴ I mapuga ge wasilikale we Wafilisiti, wakekonghola, wakasita nghambi yawo behi ne cikaya ca Shunemu. Nayo Sawuli yakawakonghola Waisilayeli, nawo wakasita nghambi yawo he tunda lya Gilibowa.

1 Samwili 28:4 ပူးပေါင်းရင်းမြစ်များ

1 Samwili 31:1

Wafilisiti ne Waisilayeli wakehomela mucanyha ye litunda lya Gilibowa. Ne Waisilayeli wenji muno muno wawulagwa, na wono wasigala hamonga no mutemi Sawuli, ne wanagwe we cilume, wose wakatiga.

Yoshuwa 19:18

Mupaka wawo wukawa wina makaya aga: Yezeleli, Cesuloti, Shunemu,

2 Watemi 4:8

Hanyuma lizuwa linji, Elisha yakabita ku Shunemu, hono yekalaga mucekulu yunji mugoli. No mucekulu yuyo yakamucemela Elisha ku zindigwa. Na ku wulawa mwi'zuwa lilyo, lono Elisha yabitaga kuko ku Shunemu, yalizaga ndigwa ko mucekulu yuyo.

2 Samwili 21:12

hodu, yakawa kubita kugasola mafupa ga Sawuli, hamonga na go mwanagwe Yonazani ku wulawa kuli wanhu wa Yabeshi ku Gileyadi. (Hambi nha wali wagahiza mu nzila ya Beti Shani, lono Wafilisiti wayitumbicila miwili, mwizuwa lono wamuwulajila Sawuli mwitunda lya Gilibowa.)

2 Samwili 1:21

“Halece kuwa buhe hamba mvula, mu matunda ga Gilibowa, ne migunda yayo yose yeze hakavu! Hambi zingula ze citung'ati, nha ho hanhu hono zatajililwa wavufywe, ne ngula ya Sawuli, hamba si mbace ne mafuta yaye.

2 Samwili 1:6

Nayo yakatya, “Ane nali nili mwi'tunda lya Gilibowa, niwa kuwona Sawuli yawegamiye mugoha wakwe, na vyono matuka go wulugu, hamonga ne wasilikale wapanda zifwalasi we walugu wakumubitila.

1 Samwili 28:5

Nayo Sawuli yali yeza kuliwona lipuga lye wasilikale we Wafilisiti, yakenjilwa na woga wuwaha muno muno.

1 Watemi 1:3

Hobaho wakawa kwanza kumulondola mu Isilayeli yose, u muhinza muswanu muno ku wulangwe, hanyuma wakamuwona muhinza litagwa lyakwe Abishagu, munya Shunami. Wakawa kumuleta kuli mutemi.

1 Samwili 31:8

Kukawa i mitondo yaco, i Wafilisiti wakawa kubita kuvisola mateka i vinhu vya wono wali wawulagwa, kumbe wakawa kuwuwona sunga no muvimba wa Sawuli, hamonga ne mivimba ye wanagwe wadatu we cilume, yibiligaye mwi'tunda lya Gilibowa.