1 Samwili 28:3 - Luganuzi Luswanu Kuli Wanhu Wose 2002

³ Ale, Samwili yali yakondya kufwa ne Waisilayeli wose wali wamulilila, wakondya no kumuzika ku Lama mu kaya yakwe mweneco. Nayo Sawuli yali yakondya kuwawusiza lukulu we macisi ne wahawi wose mu Isilayeli.

1 Samwili 28:3 ပူးပေါင်းရင်းမြစ်များ

Wutuluce 22:17

Na hono sogwe wo muhinza yalemele lukulu kumutoza muhinza wakwe ko mulume yuyo, ale munhu yuyo kolipa mu nghango ye cigumo cono cinojeye kuli muhinza mono yakali si namumanya mulume yaye.

Wutuluce 22:18

“Wulece kumuleka muhawi we cicekulu yekale mumi.

Walawi 19:31

“Mulece kuwabitila we macisi, hamba i wahawi, no kulondola wutazi kuli wene. Hambi hono munoze zizo, nha mowa mweza wavufywe. Ane yo nene Muwaha Mulungu wenyu.

Walawi 20:27

“No munhu wo wose hono yawe mulume hamba mucekulu, hono yabite kuli we macisi ne wahawi kulondola wutazi kuko, munhu yuyo yatowangwe ne mabwe sunga yafwe. No munhu wo wose mono kokwituma zono zinha zizi, kokwisacila lifwa mweneco.”

Walawi 20:6

“Hono munhu wo wose yabite kuli we macisi, hamba kuli wahawi, kulondola wutazi kuli wene, nane nomwizila, hamba si nomuwaliliza kanyhi hamonga ne wanhu wangu.

1 Samwili 15:23

Hambi u wula cihuliko kuli mwene, nha nghani 'mbi muno muno, yihwanile no wubi wo wuhawi. Na yo wuhemba vihwani, nayo yo nghani 'mbi muno muno yihwanile no wubi wo wusenyha. Holeka agwe lu vyono wakondya kulibedegala lilajilizo lyo Muwaha Mulungu, ale, nayo kakondya kukulema wulece kujendelela kuwa mutemi.”

1 Samwili 25:1

Samwili yakafwa, nawo wa Isilayeli wose wakekonghola, wakamulilila, wakamuzika mu kaya yakwe ku Lama. Hanyuma ya zizo, Dawudi yakawa kubita ku nyika ya Palani.

1 Samwili 28:9

Mucekulu yuyo yakamupitula yakatya, “Ninga wumanyile zono yanoza Sawuli, vyono yawawusiza lukulu we macisi wose, sunga ne wahawi wose, mu yisi ya Isilayeli! Alu so cici agwe wukusaka wunhajile mu mutego wunyambuze mbulagwe?”

1 Samwili 7:17

Na hanyuma kawa kuwuya kanyhi ku wikalo wakwe ku Lama, hono naho yawalamulaga Waisilayeli nhavivyo. Yakamuzenjela ne cikumbicilo Muwaha Mulungu baho ha Lama.