1 Samwili 27:2 - Luganuzi Luswanu Kuli Wanhu Wose 2002

² Hodu Dawudi, hamonga ne wanhu wakwe magana mutandatu, lolulo lulo wakawa kutuluka, wakawa kubita kuli Akishi u mwana wa Mawoci u mutemi we yisi ya Gati.

1 Samwili 27:2 ပူးပေါင်းရင်းမြစ်များ

1 Zinghomo 12:1

Ale, mu madaha gago Dawudi yali yehundice ku Zikilagi, yamutizaga mutemi Sawuli. Ne wasilikale wenji we vilungo, kanyhi wono wali vitung'ati mu wulugu,

1 Samwili 21:10

Hobaho Dawudi yakawa kutuluka yakumutiza Sawuli. Yakawa kubita sunga kuli mutemi Akishi wa ku Gati.

1 Samwili 21:11

Nawo i wetumami wo mutemi, wakamulonjela Akishi wakatya, “Alu mwene, si yo yuyu Dawudi u mutemi we yisi yakwe? Ayu yo yuyu u munhu mono, ne wacekulu lono wavinaga wakamwimba wakutya, ‘Sawuli kawulaga maelufu gakwe, ninga Dawudi makumi elufu gakwe.’ ”

1 Samwili 25:13

Nayo Dawudi yakawalajiliza wanhu wakwe yakatya, “Ale, mwiwopaje munhu na mumaje wakwe!” Nawo wanhu wakwe, wakanoza nha vyono yawalajiliza. Nayo Dawudi nhavivyo, yakewopa mumaje wakwe, yakawa kutuluka hamonga ne wanhu wakwe waficile nha magana mane, na kono nyuma wakasigala wanhu magana mejete, wakekala ne viya.

1 Samwili 30:8

Dawudi yakawa kumuwuza Muwaha Mulungu mu nzila ya Ulimu na Tumimu, yakutya, “Go Muwaha Mulungu hono niwatyatye wanhu wawo, nowebata?” Muwaha Mulungu yakamutya, “Heya wuwatyatyaje, nagwe kowebata, wuwaboce ye na vyose vyono wavitecile.”

1 Samwili 30:9

Hobaho Dawudi, hamonga ne wanhu wakwe magana mutandatu, wakawa kutuluka. Nawo wali weza kufika ha cikolongo ca Besoli, wanhu wanji wakasigala baho.