1 Samwili 26:6 - Luganuzi Luswanu Kuli Wanhu Wose 2002

⁶ Hobaho Dawudi yakawa kuwacema Ahimeleki u Muhiti, hamonga na Abishayi u mwana wa Zeluya, u mwanakwawe wa Yowabu, yakawa kuwawuza yakutya, “Alu nani wa muli nyenye mo wejete, mono kokwenda cibitane nane ku nghambi ya Sawuli?” Abishayi yakapitula yakatya, “Cobitana na nene.”

1 Samwili 26:6 ပူးပေါင်းရင်းမြစ်များ

Mwamulizo 10:15

Nayo Kanani yali, yo kukuye wa Sidoni, u mwanagwe u mulongozi kulelwa, na Heti,

Mwamulizo 15:20

Wahiti, Wapelizi, Walefayi,

Mwamulizo 23:3

Ale, Abulahamu yakawa kuwuwika u muwili wa malehemu mugolece wakwe baho, yakawa kubita kulongana ne Wahiti, yakawatya,

Mwamulizo 26:34

Nayo Esawu, lono yali yaficila myaka makumi mane, yakatola wacekulu wejete Wahiti, Yuditi mwana wa Beli, na Basemati mwana wa Eloni.

2 Samwili 11:21

Hamba si mwakumbucila za Abimeleki u mwana wa Gideyoni vyono yawulagwa lo? Nghani yiyi, yejela ku Tebezi, kono mucekulu yagumila luzala hasi, ku wulawilila mwi'jinji mucanyha yakawa kumuwulaga. Alu nhawulenyi nanye muwa kubita sunga behi ne lijinji?’ Holeka hono mutemi yakuwuze mawuzo gaga, ale nagwe wumulonjele wutye, ‘Sunga no mwitumami wako Uliya, nayo kawulagwa nhavivyo.’ ”

2 Samwili 11:24

Hanyuma wene wawa kuciguma ne zisonga mu wulawa mwijinji, na wanji wa muli wetumami wako go mutemi, wawulagwa. Sunga no mwitumami wako Uliya, nayo kawulagwa.”

2 Samwili 11:6

Nayo Dawudi yali yeza kuzihulika zizo, hodu yakawa kutuma munhu kuli Yowabu yakamutye, “Wumugomolaje kono kwangu yuyo Uliya u Muhiti.” Ale, nayo Yowabu yakawa kumugomola kuli Dawudi.

2 Samwili 12:9

Ninga 'lu nhawule kuwubedegala wulajilize wangu? Kanyhi nhawule kwituma nghani yiyi 'mbi muno muno? Alu lanje vyono kumuwulaga Uliya ku wulugu, kuwaleka Waamoni wamuwulaje, na hanyuma kuwa kumusola sunga no mugolece wakwe!

2 Samwili 18:5

Mutemi Dawudi yakawalajiliza wa Yowabu, na Abishayi hamonga na Itayi, yakawatya, “Mulanjilile, mulecele lukulu kumutamisa muzelelo Abusalomu.” Sunga ne vipuga vyose vye wasilikale vikahulika nha vyono Dawudi yawalajilizaga zizo wetumami wakwe.

2 Samwili 2:13

Nayo Yowabu, mu nghalo nyina mono yacemwaga Zeluya, hamonga ne wetumami wanji wa Dawudi, wakawa kubita, wakawa kuwagana he lamba, wose wekaye hasi, mhuga yinji yikaye ku lubavu aluno lwe lilamba, ne mhuga nzagwe nayo, yikaye ku lubavu luyagwe.

2 Samwili 2:18

Nayo Yowabu hamonga na Abishayi na Asaheli, i wana wa Zeluya, wali wali baho. Nayo Asaheli yali mumanyhi kotya nzimba ya mu nyika.

2 Samwili 23:18

Nayo Abishayi nduguye wa Yowabu (u nyina yawo yacemwaga Zeluya.) Mwene Abishayi yakawa yo mulongola muwaha mutambule we “Watambule vitung'ati makumi madatu.” Nayo yakehoma na wanhu magana madatu, yakawawulaga wose ko mugoha wakwe. Holeka nayo yakawa mwi'walo lye “Watambule vitung'ati wa walya i wadatu.”

2 Samwili 23:34

Elifeleti u mwana wa Ahasibayi munya Maka, na Eliyamu u mwana wa Ahitofeli munya Gilo.

2 Samwili 23:39

Uliya u Muhiti. Hali howali wasilikale watambule makumi madatu na mupunghati wose hamonga.

1 Watemi 10:29

no kuwaguziza i watemi wose we Wahiti, ne Wasiliya. Wa waguzizaga matuka go wulugu, fweza magana mutandatu kwe'tuka limonga, na fweza yigana limonga na makumi mahano kwa fwalasi monga.

2 Watemi 7:6

Hambi Muwaha Mulungu nha yawanoza Wasiliya wahulice nha mukukunzo we misindo ye wasilikale wenji muno muno wakuwaziza, hamonga ne zifwalasi, ne matuka go wulugu. Holeka Wasiliya wakehwesa nha vyono, mutemi wa Isilayeli kawalalika u mutemi we Wahiti, na we Wamisili, hamonga ne wasilikale wawo wo wulugu, waze wamutaze, ho wawahome Wasiliya.

Yoshuwa 3:10

Munghango yono mocila kwinjila, u Muwaha Mulungu nayo vyo kocila kuwawinga Wakanani, Wahiti, ne Wahivi, ne Wapelizi, hamonga ne Wayebusi, ne Wagiligashi, ne Waamoli. Ho momanya vyono u Mulungu mumi yali hamonga nanye.

1 Samwili 26:7

Ale, na mu cilo cico, Dawudi na Abishayi, wakenjila mu nghambi ya Sawuli. Wakamwagana Sawuli yagonile mugati ye nghambi akuno yena no mugoha wakwe mukomwe hasi behi no mutwe wakwe. Nayo Abineli hamonga ne mhuga yose ye wasilikale, wali wagonile nhongo, wamupilime Sawuli kose kose.