1 Samwili 26:5 - Luganuzi Luswanu Kuli Wanhu Wose 2002

⁵ Ale, Dawudi yakawa kubita kuko lwa kamonga, yakaficila i hanhu bahalya du, hono Sawuli, hamonga na Abineli u mwana wa Neli, u mulongola muwaha we wasilikale wa Sawuli, wali wagonile. Nayo Sawuli yali yagonile mugati ye nghambi, ne wanhu wakwe wali wamupilime.

1 Samwili 26:5 ပူးပေါင်းရင်းမြစ်များ

2 Samwili 3:27

Abineli yali yeza kufika du ku Hebuloni, hodu Yowabu yakawa kumukwejela ha mhelo ye lilango lye likaya, yakawa kwinoza nha kotya yakusaka kulongana nayo cinyele, baho yakawa kumuhoma munda, yakawa kufwa. Abineli yawulagwa na Yowabu, vyono Abineli yamuwulaga Asaheli u nduguye wa Yowabu.

1 Zinghomo 9:39

Neli yakamulela Kishi, nayo Kishi yakamulela Sawuli, nayo Sawuli yakalela wana wane, Yonazani, Malikishuwa, Abinadabu, na Eshibali.

1 Samwili 17:20

Nayo Dawudi i mitondo yaco, yakawa kwilawa hakali mitondo muno muno, yakamulecela yunji yazilanjilile zingholo. Mwene yakawa kuzisola zindigwa zi zilya, yakawa kubita ku nghambi nha vyono sogwe Yese yamulajiliza. Yakafika ha nghambi mwidaha lyono Waisilayeli watulukaga akuno wakuzoza so milewo wewikanize so wihomi.

1 Samwili 17:55

Sawuli yali yeza kumuwona Dawudi yakubita vikehome na Goliyati, yakawa kumuwuza Abineli u mulongola we lipuga lye Wasilikale wakwe, yakatya, “Ati gwe Abineli, mwene mwana yuyu mwana nani?” Abineli yakamupitula Sawuli yakatya, “Agwe go Mutemi, hamba na nene mbeka si nimanyile.”

1 Samwili 26:4

hodu mwene yakawa kuwatuma wapelelezi, nawo wakawona vyono mbeka Sawuli yali baho.

1 Samwili 9:1

Kwali na munhu citung'ati kanyhi we vilungo, litagwa lyakwe Kishi, mulawa mulango wa Benyamini. Munhu yuyu, yali mwana wa Abiyeli, kanyhi yali mwizukulu wa Zeloli, Zeloli yali mwana wa Bekolati, Bekolati yali mwana wa Afiya.