1 Samwili 26:14 - Luganuzi Luswanu Kuli Wanhu Wose 2002

¹⁴ Yakawa kuzoza ne yizi yiwaha yakugacemeleza mapuga ga Sawuli ge wasilikale, hamonga na Abineli, yakutya, “Abineli 'gwe, wule, ane wukuhulika?” Nayo Abineli yakamupitula yakatya, “Alo gwegwe nani mono wukuzoza, wukumusinhusa mutemi?”

1 Samwili 26:14 ပူးပေါင်းရင်းမြစ်များ

1 Samwili 14:50

U mugolece wakwe yacemwaga Ahinowamu, u mwana we cicekulu wa Ahimazi. Ne litagwa lyo muwaha we lipuga lye wasilikale wakwe wo wulugu, yacemwaga Abineli, u mwana wa Neli mono yali yo sogwe mudodo wa mwene Sawuli.

1 Samwili 26:13

Hanyuma ya zizo, Dawudi yakawa kulowoka ku nhumbi ye kejete ye lilolo, yakawa kubita kucanyha ye citunda cono cali cili kutali na baho.

1 Samwili 26:15

Dawudi yakamupitula yakatya, “Gwe Abineli, si yo gwegwe mono wuli munhu mutambule muli Isilayeli? Alu nhawule si wukusuma kumudima muwaha wako u mutemi? Kanyhi wumanyile vyono yunji kenjila mu nghambi lulu baha, ho yamuwulaje mutemi?

2 Samwili 2:8

U mulongola we cipuga ce wasilikale wa Sawuli, mono yacemwaga Abineli u mwana wa Neli, yali yakondya kutiza hamonga na Ishibosheti, wakawa walowoka likolongo lya Yoludani wabita ku Mahanayimu.