1 Samwili 26:12 - Luganuzi Luswanu Kuli Wanhu Wose 2002

¹² Hodu, Dawudi yakawa kuwukula mugoha baho hasi, yakawa kuwusola hamonga ne ciya ce malenga, navyo vyose vyali vili behi muno, ha mhelo yo mutwe wa Sawuli. Dawudi na Abishayi, hodu wakawa kutuluka. Na mwi'daha lilyo hakawa hasina munhu hamba monga mono yawawona, hamba kumanya zono zetumwaga, wose wali wagonile nhongo ze fwefwe, hambi Muwaha Mulungu nha yali yawaletela wose nhongo nzito muno muno.

1 Samwili 26:12 ပူးပေါင်းရင်းမြစ်များ

Mwamulizo 15:12

Ne lizuwa lyaza kuswa, Abulamu yakebatwa na nhongo nyinji muno muno, woga hamonga ne citi ciwaha, vikamuziza.

Mwamulizo 2:21

Holeka u Muwaha Mulungu yakawa kumupela u mulume yuyo nhongo nyinji muno muno. Yakawa kugona nhongo nzito. Na lono yali yali mu nhongo, u Mulungu yakamusopola u mulume yuyo lubavu lwakwe lumonga, ne hanhu hayo, yakawa kuhagubika ne nyama.

Esita 6:1

Mu cilo cicilya, mutemi hamba si yagona nhongo yaye, hobaho yakalajiliza wawaha wose wa mu yisi yakwe, hamonga ne vitung'ati wose wa mu wutemi wakwe, wamuletele citabu ce mandiko ge zinghani zamu yisi yakwe, ho mitondo yaco wayisome ha mwande yakwe.

Isaya 29:10

Hambi Muwaha Mulungu nha kamupelenyi nhongo ze lifwefwe, ho mugone hawaha. Kanyhi yali yiwanojeye wawizi wawe go meso ge wanhu, ninga Mulungu yakondya kuwabofuza meso gawo.

1 Samwili 24:4

Nawo wanhu wakamulonjela Dawudi wakatya, “Ale, nhondo, acino co cilejeho cako cono Muwaha Mulungu yakulonjela nha vyono, komuwika mulugu wako mu miwoko yako, nagwe kosuma kumutendela nha vyono wendile go mweneco!” Hodu Dawudi yakawa kumusepa Sawuli mhola mhola, yakawa kulitema cinyele limhembo lyo mwenda wa Sawuli, mwene Sawuli hamba kumanya yaye.

1 Samwili 26:13

Hanyuma ya zizo, Dawudi yakawa kulowoka ku nhumbi ye kejete ye lilolo, yakawa kubita kucanyha ye citunda cono cali cili kutali na baho.

1 Samwili 26:7

Ale, na mu cilo cico, Dawudi na Abishayi, wakenjila mu nghambi ya Sawuli. Wakamwagana Sawuli yagonile mugati ye nghambi akuno yena no mugoha wakwe mukomwe hasi behi no mutwe wakwe. Nayo Abineli hamonga ne mhuga yose ye wasilikale, wali wagonile nhongo, wamupilime Sawuli kose kose.