1 Samwili 26:11 - Luganuzi Luswanu Kuli Wanhu Wose 2002

¹¹ Hambi Muwaha Mulungu nha yanemeza, ndece kwijelela kumutamisa munhu wo wose mono mwene Muwaha Mulungu yamwitiye mafuta, no kumunoza yawe mutemi! Langa ane nghuwona, ciwusolaje mugoha wakwe du, hamoga ne ciya cakwe ce malenga, hodu ciwe kubita.”

1 Samwili 26:11 ပူးပေါင်းရင်းမြစ်များ

2 Samwili 1:14

Dawudi yakamuwuza kanyhi yakatya, “Alu 'gwe, nhawule kuwa kwijelela kumuwulaga u munhu mono Muwaha Mulungu yamuhagula yawe mutemi?”

2 Samwili 1:16

Dawudi yakamutya yuyo Mwamaleki, “Mbali yiyi kwiletela gwegwe go mweneco. Hambi nha kwihomelela vyono kumuwulaga mono Muwaha Mulungu yali yamwitiye mafuta yawe mutemi.”

2 Samwili 19:22

Ninga mutemi Dawudi yakawalonjela Abishayi no nduguye Yowabu, yakawatya, “Mwene 'nye, nani mono kamuwuzenyi mulavye mahweso genyu? Anye kumbe mukuhila mundetele magazo hongo? Ane yo nene no mutemi we Waisilayeli izuwali, holeka hasina Mwiisilayeli wo wose mono kowulagwa izuwali.”

Zabuli 17:4

Kuli ze metumo ge wanhu, ane sinongaga zimbi, nha vyono wanozaga wanji, nilibate lilajilizo lyako, singhutyatya nzila ze wawulaji.

Walumi 12:17

Mulece kwiyilipiciza wubi na wubi, munhu na muyagwe. Mweze kwituma i ziswanu zono zinojeye hali wanhu wose.

Walumi 12:19

Mo wendece wangu, mulece kwilipiciza, langa mumulecelaje u Mulungu inghani yiyi, hambi i Mandiko Gono Gelile nha gakutya, “U mulimo wo kulipiciza wo mulimo wangu, yo nene du mono nolipiciza, vyo yakutya u Muwaha.”

1 Petelo 3:9

Mulece kuwagomolezeza wanhu wubi na wubi, hamba yiligo ne 'ligo, langa muwalombele wumoteswe, hambi anye nha mwacemwa no Mulungu ho muwubocele wumoti.

1 Samwili 12:3

Alu, ane yone. Nghusaka munonjele hono yiwe namunozezenyi zimbi, ale muhomelele zuwali hali Muwaha Mulungu, hamonga no mutemi mono yamuhaguye. Hono niwe nasola ng'ombe ya munhu, hamba ndogowe yakwe? Hamba hono niwe namusolela yunji cinhu cakwe ko wusugu, hamba lunji namwiwonela yunji? Hamba lunji nabocela mafupo kuli yunji wa muli'nye? Na hono niwe netuma limonga lya muli makani gaga, ale nane nohaliza muli cinhu co cose cono nacisola.”

1 Samwili 24:12

Holeka alu, Muwaha Mulungu mweneco yo koling'aniza no kulajila nani mubi muli sese co wejete! Ciba le, yali yakulipicize so litumo lyako kuli'ne. Vyono ane si nosuma hamba hadodo kukutamisa.

1 Samwili 24:4

Nawo wanhu wakamulonjela Dawudi wakatya, “Ale, nhondo, acino co cilejeho cako cono Muwaha Mulungu yakulonjela nha vyono, komuwika mulugu wako mu miwoko yako, nagwe kosuma kumutendela nha vyono wendile go mweneco!” Hodu Dawudi yakawa kumusepa Sawuli mhola mhola, yakawa kulitema cinyele limhembo lyo mwenda wa Sawuli, mwene Sawuli hamba kumanya yaye.

1 Samwili 24:6

yakawa kuwalonjela i wanhu wakwe, yakawatya, “Muwaha Mulungu, yanyhitile, ho ndece kwituma nghani yo yose ye citamisi kuli muwaha wangu, mono Muwaha Mulungu yamuhagula yawe mutemi! Holeka si yinojeye ane nimutamise hamba hadodo, hambi nha mutemi muhagulwa no Muwaha Mulungu!”