1 Samwili 26:10 - Luganuzi Luswanu Kuli Wanhu Wose 2002

¹⁰ Ninga ane manyile vyono, mbeka u Muwaha Mulungu mweneco yo komuwulaga Sawuli, lunji kofwa mwi'zuwa lyakwe du lyo kufwa, hamba lunji kowulajilwa ku wulugu.

1 Samwili 26:10 ပူးပေါင်းရင်းမြစ်များ

Mwamulizo 47:29

Lipango lyakwe lyo kufwa lyaza kusejelela, Yakobo yakamucema mwanagwe Yusufu, yakamutya, “Alu manangu, hono wuwe mbeka wunyendile, ale, wuwice muwoko wako hagati ye vima vyangu, wihuwize vyono konhendela kwe cogopo ne ling'ani. Wulecele lukulu kunzika ku kuno kono Misili,

Jobu 14:14

Alu mwene hono munhu yawe yakondya kufwa, ho kowumipa kanyhi? Ninga ane nolindila sunga kono cokuziza cipango cono cinojeye, nolindila sunga cipango cici ce magayo cipulute.

Jobu 14:5

Hambi wuwale we vilo vyakwe, nha watemezezwa lukulu, ne myezi yo wikale wakwe. Agwe wakondya kuviwaga, hamba si vyopitulwa yaye.

Jobu 7:1

“Mikalile yo munhu, yihwanile mulimo we wasilikale ku wulugu. Yinha mikalile yo munhu mono yakwituma milimo kwe vilungo.

Zabuli 37:10

Hambi nha cikali cidaha cidodo du, nayo mubi kowa yajililila lukulu, nagwe komulondola hanhu hono yali yekaye, hamba si kohawona kanyhi.

Zabuli 37:13

Ninga mwene Muwaha Mulungu, kamusekaga u mubi, hambi nha yamanyile du vyono u mudumo wakwe weza wuli behi.

Zabuli 94:23

Nayo kowagomolezeza weneco wubi wawo, kanyhi kowapatila lukulu ku soko yo wubi wawo. Heya, Muwaha Mulungu, u Mulungu wetu, kowongomeza!

Muganuzi 3:2

Mulungu yapanjile cipango co kulelwa ne cipango co kufwa, cipango co kuhadika, ne cipango co kududula,

Luka 18:7

Alu ma, Mulungu nayo, si kowalamulila wahagulwa wakwe wono wamulililaga misi ne cilo? Hambi kocela kuwataza?

Walumi 12:19

Mo wendece wangu, mulece kwilipiciza, langa mumulecelaje u Mulungu inghani yiyi, hambi i Mandiko Gono Gelile nha gakutya, “U mulimo wo kulipiciza wo mulimo wangu, yo nene du mono nolipiciza, vyo yakutya u Muwaha.”

Wukumbucize wo Wulajilize 31:14

Hanyuma Muwaha Mulungu yakawa kumulonjela Musa yakatya, “Vilo vyo wikale wako vyasigala vicefu, holeka wumucemaje Yoshuwa winjile nayo mwi 'Hema lyono lyelile, ho nimupele malajilizo vyono yowa yimunojeye yetume.” Ale du, Musa na Yoshuwa wakawa kwinjila mwi 'Hema lyono lyelile.

Wukumbucize wo Wulajilize 32:35

Muwaha Mulungu kowalipiciza wulipicizwe wuwaha. Lipango lyofika du lyono wosumilwa lukulu, hambi lipango lyo wugaye wawo nha lili behi kuza.

Wahebelaniya 10:30

Hambi nha cimumanyile ayulya mono yatya, “U wulipicize wina nene, ane nolipiciza.” Na kanyhi mono yatya, “U Muwaha kolowaling'aniza i wanhu wakwe.”

Wahebelaniya 9:27

Ale nha vyono wanhu wose wafwizaga kamonga du, na lono wakondya kufwa wakwima ha mwande yo wuling'anizwe wo Mulungu,

Wugubule 18:8

Na ku soko yiyo, i magazo gakwe gomwagana mwizuwa limonga, wutamwa, wukalale, ne nzala. Nayo konyanywa mu moto, hambi u Muwaha Mulungu mono yakumuling'aniza, nha yo Mudaha vyose.”

1 Samwili 24:12

Holeka alu, Muwaha Mulungu mweneco yo koling'aniza no kulajila nani mubi muli sese co wejete! Ciba le, yali yakulipicize so litumo lyako kuli'ne. Vyono ane si nosuma hamba hadodo kukutamisa.

1 Samwili 24:15

Muwaha Mulungu yo koling'aniza, kanyhi yo kolamula yalajile nani mubi muli sese co wejete. Muwaha Mulungu yayilanje nghani yiyi, yandime, kanyhi yamhonye kuli'gwe.”

1 Samwili 25:26

Hambi nha Muwaha Mulungu du yo yakwimiye ho wulece kuwalipiciza no kuwawulaga i walugu wako. Alu nane zuwali, nghukwilahiza hali Muwaha Mulungu mumi, nha vyono i walugu wako sunga na wose wono wakusaka wakutendele vibi, wose wolipicizwa nha Nabali.

1 Samwili 25:38

Na vyali vyeza kupuluta vilo yikumi, Muwaha Mulungu yakamutowa Nabali, yakafwa.

1 Samwili 25:39

Nayo Dawudi yali yeza kuhulika vyono Nabali yakondya kufwa, hodu yakawa kutya, “Muwaha Mulungu yalumbwe! Vyono yakondya kumulipiciza Nabali so maligo gono yakandiga, kanyhi kanyhitila ane no mwitumami wakwe ho ndece kusutya. Muwaha Mulungu kamulipiciza Nabali so wubi wakwe.” Hanyuma ya zizo, Dawudi yakawatuma wanhu wakamupogozeze Abijeli, ho yamutole.

1 Samwili 31:4

Nayo Sawuli yali yeza kuwona vyono yatamiswa muno, hodu yakawa kumulonjela muzelelo mono yali yamudinghuliye vitwalo vyakwe, yakatya, “Ale, wukweje mumaje wako mu njasulu, wumbulaje, i Wafilisiti ho walece kunyibata no kumbulaga.” Ninga muzelelo yu yulya yakebatwa no woga muno yakalema kuyituma nghani yiyo. Hodu, Sawuli yakawusola mumaje wakwe mweneco, yakawugwila.

1 Samwili 31:6

Ale, nhavivyo vyo wakafwa, Sawuli, ne wanagwe wadatu we cilume, hamonga no muzelelo u mudinghula vitwalo vya Sawuli. Ne wanhu wose wa Sawuli, wakawulagwa mwi'zuwa lilyo.