1 Samwili 23:3 - Luganuzi Luswanu Kuli Wanhu Wose 2002

³ Ninga i wanhu wakwe wakamutya, “Lanje ta, ahano du Yuda cikuyogopa, alu waco, ho yowa wule nhondo, ho cibite kuko ku Keyila cikehome ne mapuga ge wasilikale we Wafilisiti!”

1 Samwili 23:3 ပူးပေါင်းရင်းမြစ်များ

Zabuli 11:1

U Muwaha Mulungu wo wutizizo wangu Alu anye mosuma nhawule kunyitya, “Ale wuguluce nha ndeje sunga ko kwi'tunda?

Yelemiya 12:5

Nayo Muwaha Mulungu yakatya nhavi, “Alu mwene 'gwe Yelemiya, hono i wanhu du wono wajendaga kwe migulu, wakukukataza no lumangho, alu ho kokatalila hayi waco, hono mwitije lumangho ne zifwalasi? Na hono wuwe si wukusuma kwima wukamile mu yisi yono yipolile, alu ho kosuma wule mu yisi ya Yoludani yono yina widunhumuzi?

1 Samwili 23:15

Nayo Dawudi yakamanya du vyono Sawuli yena wuhile wo kumuwulaga. Holeka Dawudi yakajendelela kuwa kuko ku Holeshi mu nyika ya Zifu.

1 Samwili 23:2

Hodu Dawudi yakawa kumuwuza Muwaha Mulungu yakatya, “Alu wule, mbite nghawahome Wafilisiti?” Muwaha Mulungu yakamupitula yakamutya, “Heya, wubite wukawahome wuyiponye Keyila.”

1 Samwili 23:23

Musunjilile sunga muwuwone wihuwindiko wakwe wose mono kehundikaga, hanyuma ho muze kanyhi munonjele lwa kamonga. Nane ho nobitana hamonga nanye. Na hono yawe yakali yali mumo mu yisi yenyu, ale, nomusepasepa sunga nimwibate, hamba yiwe yinojeye nimulondole mu yisi yose ya Yuda.”

1 Samwili 23:26

Sawuli hamonga ne wanhu wakwe wakawa wali ku lubavu luyagwe ye litunda, litunda likawa liwatemanuye hagati. Nayo Dawudi hamonga ne wanhu wakwe, nawo wakawa wali ku lubavu luyagwe ye litunda. Ninga wakawa wasunhile, wawuce ho wamutize Sawuli hamonga ne wanhu wakwe. Sawuli ne wanhu wakwe wali wasejelela weza wali behi no kuwebata.

1 Samwili 23:4

Ninga Dawudi yakamuwuza kanyhi Muwaha Mulungu, nayo Muwaha Mulungu yakamutya, “Wubite wukayihome Keyila, hambi ane nha nokupela wusume kuli Wafilisiti.”