1 Samwili 22:2 - Luganuzi Luswanu Kuli Wanhu Wose 2002

² Ne wanhu wose wono wali wali mu wugaye, na wono wali wena migawa, na wose wono wali wena wukalale mu zinhumbula zawo, wose wakamubitila Dawudi, nawo wali waficile nha wanhu magana mane we cilume. Nayo Dawudi yakawa mulongola wawo.

1 Samwili 22:2 ပူးပေါင်းရင်းမြစ်များ

2 Samwili 17:8

Hambi nagwe nha wumanyile manyi manyi, vyono sogo Dawudi citung'ati muno mu milewo, hamonga ne wanhu wakwe wono yena nawo. Kanyhi wakali muno wehwanile dubu lyono walihizize mana gayo. No sogo yo musilikale mono yazoweye muno wulugu, hamba si kagonaga ku cilo hamonga ne wanhu wakwe.

2 Samwili 5:2

hamba baho katali lono Sawuli yali yakali yacitemile, agwe wawalongozaga i wanhu wa Isilayeli ku wulugu. No Muwaha Mulungu yakwihuwiza vyono agwe yo kowalongoza wanhu wakwe Waisilayeli, na kanyhi yo kowa wuli mutemi mu Isilayeli.”

2 Watemi 20:5

yawuye ne nyuma kanyhi kuli mutemi Hezekiya, u mutemi we wanhu wo Muwaha Mulungu, yakamulonjele yatye, “Ane no Muwaha Mulungu, no Mulungu wo sogo Dawudi, nicihulika cililo cako, hamonga no wulombe wako. Holeka alu nokuponya, nagwe mu vilo vidatu kojenda no kobita ko ku Nyumba yo Mulungu.

2 Watemi 4:1

U mucekulu mufwile mono yali mucekulu wa yumonga wa mu cipuga ce wawizi, yakamubitila Elisha, yakamulonjela yakatya, “Gwe muwaha, mulume wangu yakondya kufwa! Nha vyono wumanyile, mwene mulume wangu, yali yo munhu mogopa Mulungu. Ninga lu, yali yena mugawa wa mapesa kuli munhu yunji. Alu munhu yuyo kaza ho yawasole wanangu wejete, wawe lye lipo lyo mugawa wuwo wo mulume wangu, yabite yakawanoze wawe wawanda wakwe.”

Zimbazi 31:6

“Holeka, wugalo 'jimbi, wuwanojeye wanhu wono wakufwa, na wono wali mu wukalale.

Matayo 11:12

Kuwulawilila mu vilo vya Yohana sunga nalu, u Wutemi wa ku wulanga wukwinjilwa kwe vilungo muno muno, ne wanhu i wahidimbazi, wo wakujela kuwutuga kwe vilungo.

Matayo 11:28

Ale, muze kuli'ne anye wose mono mukugazika, na mono muvunice ne mitegulo yenyu, nane nomucehezenyi.

Wahebelaniya 2:10

Nayo yali yili ling'ani, vyono u Mulungu mono kaviwumbaga i vinhu vyose no kuvibatiliza, yo yamunoza Yesu yawe yakwilaniciye mu nzila yo wugazwe wakwe, ho yasume kuwaleta wana wenji ku lukumyo lwakwe. Hambi Yesu nha yo yakuwatonga ku mhonelo.

Walamuzi 11:3

Hodu nayo Yefuta yakawa kuwuka mu kaya, yakawa kubita kwikala mu yisi ya Tobu. Na lono yali yali kuko, yakakwega cipuga ce wanhu we cakacaka, wakawa wakujendana nayo.

Walamuzi 18:25

Nawo i wanhu wa Dani wakamutya, “Gwe Mika, ciba wali wunyamale, hamba kulonga nghani yo yose, na hono si nhavivyo kowakalaza wanhu awa, nawo wokuhoma. Nagwe kofwa hamonga na we mhuga yako wose.”

1 Samwili 1:10

akuno yali mu wusungu wuwaha muno muno, yakalila muno lono yalombaga kuli Muwaha Mulungu. Akuno nayo Eli mukohani yekaye ha wikalo wakwe du ha mulango.

1 Samwili 22:3

Hanyuma Dawudi yakawa kuwuka baho ha mhango, behi ne likaya lya Adulamu, yakawa kubita ku Mizipa mu yisi ya Mowabu. Yakawa kumulonjela u mutemi wa Mowabu yakatya, “Nghukunena wumvumile niwalete wa baba na yaya waze mwikalane nawo hono hako, sunga kolo nakondya kuzimanya zono Mulungu yakusaka yanhendele.”

1 Samwili 23:13

Hobaho Dawudi hamonga ne wanhu wakwe magana mutandatu, wakawa kuwuka mbela mbela mwi'kaya lya Keyila. Nayo Sawuli yali yeza kuhulika vyono Dawudi yakondya kuwuka mwi'kaya lya Keyila, hodu wiwikanize wakwe wukawa kudumanjila.

1 Samwili 25:13

Nayo Dawudi yakawalajiliza wanhu wakwe yakatya, “Ale, mwiwopaje munhu na mumaje wakwe!” Nawo wanhu wakwe, wakanoza nha vyono yawalajiliza. Nayo Dawudi nhavivyo, yakewopa mumaje wakwe, yakawa kutuluka hamonga ne wanhu wakwe waficile nha magana mane, na kono nyuma wakasigala wanhu magana mejete, wakekala ne viya.

1 Samwili 30:6

Alu nhondo, Dawudi yakenjila mu magayo mawaha, sunga ne wanhu wakwe wose mwipango lilyo, wakawa na wusungu wuwaha muno muno mu zinhumbula zawo so wajiliza i wana wawo we cilume na we cicekulu. Sunga nhondo wasakaga wamutowanje Dawudi ne mabwe. Ninga Muwaha Mulungu, u Mulungu wakwe, yakamupela vilungo.

1 Samwili 9:16

“I mitondo, mu mapango gono genha gaga, ane nokuletela munhu yakulawa mu mulango wa Benyamini, holeka nhondo mwitile mafuta munhu yuyo, yawe mutemi muli wanhu wangu Waisilayeli. Mwene yo kowaponya mu miwoko ye Wafilisiti. Hambi nha nakondya kuwuwona wugaye we wanhu wangu. Kanyhi nakondya kucihulika ne cililo cawo, vyono wakusaka wutazi.”