1 Samwili 20:3 - Luganuzi Luswanu Kuli Wanhu Wose 2002

³ Ninga Dawudi yakamupitula yakatya, “U sogo yamanyile mbeka mbeka, nha vyono agwe wunyendile muno, na ku soko yiyo si yali yadahile kukulonjela zono yakuhila kunhendela, hambi nagwe nha wali wutamiswe muno mu nhumbula yako. Ninga nghwihuwiza hali'gwe mwi'tagwa lyo Mulungu mumi, vyono yisigaye nghanzo monga du ha ciligati yangu ne lifwa!”

1 Samwili 20:3 ပူးပေါင်းရင်းမြစ်များ

2 Samwili 15:21

Ninga Itayi nayo yakapitula yakatya, “Gwe Mutemi! Ane nghukwilahiza mwi'tagwa lyo Muwaha Mulungu, nha vyono cowa cili hamonga nagwe du ko kose kono kowa kubita, hamba si nokulecela lukulu yaye, hamba yiwe yinojeye kufwa hamba kuwumipa ku soko yiyo.”

2 Watemi 2:2

na lono wali wali mu nzila, Eliya yakamulonjela Elisha yakatya, “Alu Elisha, agwe wikalaje bahano wunindile, ane Muwaha Mulungu kandajiliza mbite ku Beteli.” Ninga Elisha nayo yakamupitula yakatya, “Nane nghwilahiza, nha vyono nimogopile Muwaha Mulungu mumi sunga na gwegwe, ane si nokuleka yaye.” Hodu, wakawa kubitana wose sunga ko ku Beteli.

2 Watemi 2:4

Hanyuma kanyhi Eliya yakamulonjela Elisha yakatya, “Alu Elisha, agwe wikalaje bahano wunindile, ane Muwaha Mulungu kandajiliza mbite ku Yeliko.” Ninga Elisha yakamupitula yakatya, “Nane nghwilahiza nha vyono nimogopile Muwaha Mulungu mumi, sunga na gwegwe, ane si nokuleka yaye.” Hodu wakawa kubitana wose sunga ko ku Yeliko.

2 Watemi 2:6

Hanyuma kanyhi, Eliya yakamulonjela Elisha yakatya, “Gwe Elisha, agwe wikalaje bahano wunindile, ane Muwaha Mulungu kandajiliza mbite kwi' kolongo lya Yoludani.” Nayo Elisha yakamupitula Eliya yakatya, “Nane nghwilahiza nha vyono nimogopile Muwaha Mulungu mumi sunga na gwegwe, ane si nokuleka yaye.” Hodu wakawa kubitana wose hamonga,

Zabuli 116:3

Zimbali ze lifwa zali zimhilime, no wogofywe we citenjelo wukanyibata, nghawa no wugazice hamonga no wukalale.

Yelemiya 38:16

Ninga mwene mutemi Zedekiya, yakanyihuwiza cinyele yakutya, “Ane nghwilahiza kuli Mulungu mumi, u Mulungu mono kaciwumifyaga, vyono ane si nokuwulaga yaye. Hamba si nokutajila yaye mu miwoko ye wanhu wono wakukulondola wakuwulaje.”

Yelemiya 4:2

ale, yowa viswanu kuli'nye mwilahizize mwi'tagwa lyangu. Na mu nzila yiyo i makungugo gose wosaka'ne, niwapele wulugutwe, nawo womhela lukumyo.”

Wukumbucize wo Wulajilize 28:66

No wumi wenyu wolowa wuli mu mbali nhondo zose. Na mu vilo vyose, cilo ne misi, molowa mumemigwe no woga, nanye mowa mwikaye akuno mwina no woga we lifwa.

Wukumbucize wo Wulajilize 6:13

Munojeye mweze ne cogopo kuli Muwaha Mulungu, u Mulungu wenyu, mumuhembe mweneco du yali wene, sunga no wihuwizo wenyu wose, mweze kuwunozeza mwi'tagwa lyakwe mweneco du.

Wahebelaniya 6:16

I wanhu lono wakwilahiza, welahizizaga kuli muwaha mono yawacizize, no wilahize wuwo wumalaga u wuwanji wose.

1 Samwili 1:26

Nayo Hana yakamulonjela Eli mukohani yakutya, “Gwe muwaha wangu, ane nghukulomba wunenele. Mwene wunghumbuciye? Ane yo nene mucekulu yulya, mono wambona nimile bahano, nghulomba kuli Muwaha Mulungu.

1 Samwili 17:55

Sawuli yali yeza kumuwona Dawudi yakubita vikehome na Goliyati, yakawa kumuwuza Abineli u mulongola we lipuga lye Wasilikale wakwe, yakatya, “Ati gwe Abineli, mwene mwana yuyu mwana nani?” Abineli yakamupitula Sawuli yakatya, “Agwe go Mutemi, hamba na nene mbeka si nimanyile.”

1 Samwili 20:2

Nayo Yonazani yakamupitula yakatya, “Ng'o ye! Hali Mulungu, agwe si kofwa yaye! Hambi baba nha kanonjelaga zose zono yakwituma, zimbaha ne zindodo, holeka si kosuma kuhundicila zono zinha zizi. Holeka zizo hamba si za mbeka yaye!”

1 Samwili 20:4

Yonazani yakatya, “Nane nokwituma nghani yo yose yono agwe kosaka nitume.”

1 Samwili 25:26

Hambi nha Muwaha Mulungu du yo yakwimiye ho wulece kuwalipiciza no kuwawulaga i walugu wako. Alu nane zuwali, nghukwilahiza hali Muwaha Mulungu mumi, nha vyono i walugu wako sunga na wose wono wakusaka wakutendele vibi, wose wolipicizwa nha Nabali.

1 Samwili 27:1

Hanyuma ya zizi, Dawudi yekehwesa yakatya, “Ninga yidahice lizuwa linji Sawuli kolombulaga du. Holeka nghuwona nghani swanu ciba nhizize ku yisi ye Wafilisiti, nghekale kale kuko. Lunji holeka Sawuli si konondola kanyhi mu yisi ya Isilayeli, nane nopona.”