1 Samwili 2:2 - Luganuzi Luswanu Kuli Wanhu Wose 2002

² “Hasina mono yelile nha vyono Mulungu yelile, hambi nha hasina yunji, langa gwegwe du, hamba hasina mudimi yunji mono yehwanile no Mulungu wetu.”

1 Samwili 2:2 ပူးပေါင်းရင်းမြစ်များ

2 Samwili 22:3

Mulungu wangu wo wutizizo wangu, nane nikaye mholile muli mwene. Yakuwa kunyhitila kotya ngula, kandimaga no kumbika mholile. Kanyhi yo mukombozi wangu, kanyhitilaga no kumhonya mu zimbali.

2 Samwili 22:32

“Nayo Muwaha Mulungu, yo Mulungu du yali wene, Mulungu du yali wene yo mudimi wetu.

2 Samwili 7:22

Gwe go Muwaha Mulungu, yo gwegwe du Muwaha wuli wene! Hasina kanyhi hamba yunji wo wose mono yehwanile gwegwe, nase cimanyile vyono yo gwegwe Mulungu du wuli wene.

1 Watemi 8:23

yakalomba yakutya, “Gwe go Muwaha Mulungu, go Mulungu wa Isilayeli, hasina Mulungu yunji mono yehwanile gwegwe kuko ku wulanga, hamba mono 'si hasi! Hambi agwe nha kukamisaga wihuwizo wako kuli wanhu wako, no kuwulajila u lusungu lwako kuli wene, lono wakukuhulika kwe zinhumbula zawo zose.

Zabuli 111:9

Mwene yawakomboza wanhu wakwe, kanyhi yakanoza cilagane nawo ce cibitilila. Mwene yelile, kanyhi wa kogofya muno muno.

Zabuli 18:2

Muwaha Mulungu, gwegwe wo wutizizo wangu, ne ligomawakali lyangu. Yo gwegwe Mulungu wangu, ne litalawe lyangu, nghutiziza kuli mwene ho niwe mholile, mwene yo ngula yangu, yo Mukombozi wangu mono yali vilungo.

Zabuli 18:31

Alu nani 'mbi kanyhi Mulungu, hamba nani 'mbi, kanyhi mono lye 'talawe lyo wutizizo, hono si gwegwe du go Mulungu wetu?

Zabuli 71:19

Gwe go Mulungu i vilungo vyako, hamonga no wiling'ano wako, vificile ko ku mavunde. Agwe yo gwegwe mono wanoza zimbaha muno. Alu go Mulungu yo nani 'mbi, kanyhi mono yehwanile gwegwe?

Zabuli 71:3

Weze wuli wutizizo, no wihundiko wangu, ne vilungo vyono vikamile vyo kumhonya, hambi 'gwe nha yo gwegwe go mudimi wangu, kanyhi yo gwegwe go wihundiko wangu.

Zabuli 73:25

Alu nani 'mbi kanyhi ku wulanga, mono kosuma kunhaza, langa hono si gwegwe du? Na hono niwe nili hamonga nagwe mono'nze, hamba sinosuma kwanjila cinji yaye.

Zabuli 86:8

Gwe Muwaha Mulungu, hasina mulungu mono yehwanile gwegwe, hamba hasina mono kosuma kuzinoza, zono agwe kuzinozaga.

Zabuli 89:6

Alo nani 'mbi ku wulanga, mono kokwihwananizwa no Muwaha Mulungu? Hasina hamba monga mu viwumbwa vyose, vya ku wulanga, mono kokwihwananizwa nagwe!

Zabuli 89:8

Gwe go Muwaha Mulungu go Mulungu we mihanga, Alo nani mbi mono yena vilungo, nha gwegwe go Muwaha Mulungu? Agwe mono wuli mwihuwilwa muli zose.

Zabuli 99:3

Wanhu wose walikumye litagwa lyakwe, lyono lilawiliciye kanyhi lyo wogofye. Hambi Mono Yelile, nha yo mweneco du!

Zabuli 99:5

Mukumyenyi Muwaha Mulungu, u Mulungu wetu, mugwe funama hali mwene. Hambi Mono Yelile, nha yo mweneco du!

Zabuli 99:9

Mukumyenyi Muwaha Mulungu, u Mulungu wetu, muhembe mwi'tunda lyakwe lyono lyelile! Muwaha Mulungu, u Mulungu wetu mwene, yo Mulungu mono yelile.

Wutuluce 15:11

“Gwe go Muwaha Mulungu, Alo nani 'mbi mono yehwanile gwegwe mu milungu yose? Hamba nani mono yehwanile gwegwe go Muwaha Mulungu mono Welile, mono wukogofya so mapoto gako, ne milimo yako ye vilungo no wizine?

Isaya 40:18

Alu mwene, kosuma kumwihwananiza Mulungu nha nani? Hamba si kosuma yaye kumulolosa nha vyono yenha hamba kumwihwananiza yaye.

Isaya 44:6

Nayo Muwaha Mulungu mono yatemile, kanyhi mono kawadimaga Waisilayeli u Muwaha Mulungu we mihanga, yakutya nhavi, “Ane yo nene mulongozi, na wo mundumo, ane mono nili Mulungu nili wene, na hasina kanyhi mulungu yunji langa nene du.

Isaya 44:8

Holeka anye wanhu wangu, mulece kogopa! Hambi nha mumanyile nha vyono ku wulawilila mu vilo vye katali sunga nalu, ane nali nakondya kuwila, nha vyono zizi zolokwijela, kanyhi yo nyenye wahomelezi wangu. Wulenyi, hambi ho yuli mulungu yunji kanyhi? Hamba ho yuli mulungu yunji mono nayo yali vilungo mono ane nghali namuhulika?”

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 6:3

Ne Wamalayika wawo wakawa wakwimba wakwiboceza, wakutya, “Welile, welile, welile! Go Muwaha Mulungu we mihanga. Ne yinze yose nha yimemile nhojo yako.”

Yelemiya 10:6

Gwe go Muwaha Mulungu, nha hasina yunji wo wose kanyhi, mono yehwanile gwegwe, agwe wuli vilungo. Ne litagwa lyako likumucile muno, na mu wusume.

Walawi 11:44

Hambi 'ne, nha yo nene mono nili Muwaha Mulungu wenyu. Holeka munojeye mweze mwelile, hambi 'ne nha nelile.

Walawi 11:45

Hambi 'ne nha yo nene Muwaha Mulungu wenyu, mono namuwusenyi ku yisi ya Misili, ho niwe Mulungu wenyu. Holeka munojeye mweze mwelile, hambi 'ne nha nelile.

Walawi 19:2

yawalonjele wanhu we mhuga ya Isilayeli yatye nhavi, “Mweze mwelile hambi 'ne no Muwaha Mulungu wenyu, nha nelile.

Walumi 15:4

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupegwa ne Mandiko gago Gono Gelile, ho ciwe no witumbilo.

Walumi 4:8

Yo mumoti munhu mono u Muwaha si yakuwukumbucila u wubi wakwe.”

Wukumbucize wo Wulajilize 3:24

‘Gwe go Muwaha Mulungu mono wutemile vyose, ane manyile manyi manyi, nha vyono wakondya kundajila u mwamulizo we zimbaha na zo wizine, zono kozituma. Hambi mbeka nha hasina mulungu yunji wo wose hono yinze hamba ku wulanga, mono kosuma kwituma metumo gago ge vilungo viwaha gono wagetuma gwegwe!

Wukumbucize wo Wulajilize 32:20

Yakawa kutya, ‘Alu hodu, nane hamba si nojendelela kanyhi kuwapela wutazi. Hanyuma ho mbone cono cowagana, i wanhu wawano wono wasina cihuliko, kanyhi si wehuwilwa.

Wukumbucize wo Wulajilize 32:39

“ ‘Alu mulanje! Ane yo nene Mulungu du nili wene, hamba hasina mulungu yunji kanyhi, langa nene du. Yo nene mono nghuwulaga, kanyhi nghuwumifya, nghutajila nghomele kanyhi nghuponya. Na hasina munhu mono konyimila muli yono nghwituma.

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Wukumbucize wo Wulajilize 4:35

Muwaha Mulungu yazinoza zizi zose, ho yamulajilenyi vyono, hasina mulungu yunji kanyhi, langa yo mweneco du yo Mulungu yali wene.

Wukumbucize wo Wulajilize 4:39

Holeka izuwali, mukumbucile, mulece kusemwa. Vyono Muwaha Mulungu, yo Mulungu mono yali ku wulanga sunga na mononze. Hasina mulungu yunji kanyhi wowose.

1 Petelo 1:16

Hambi i Mandiko nha gakutya, “Mweze mwelile, nha vyono ane nyelile.”