1 Samwili 19:4 - Luganuzi Luswanu Kuli Wanhu Wose 2002

⁴ Nayo Yonazani yakamukumya muno muno Dawudi kuli Sogwe Sawuli, yakamulonjela yakutya, “Gwe mutemi, nghukunena wulece kumutendela vibi mwitumami wako Dawudi. Hambi nha yakali nakusutizya nghani hamba monga yaye. Langa mwene zose zono yetuma zali wutazi wuwaha kuli'gwe.

1 Samwili 19:4 ပူးပေါင်းရင်းမြစ်များ

Mwamulizo 42:22

Nayo Lubeni u muwaha wawo yakawalonjela yakatya, “Wulenyi wandugu zangu, si kotya nghamulonjelenyi nghatya, cilece kumutamisa ayu muzelelo Yusufu? Ninga anye mukazezepa! Alu mulanje vyono ceza kutuga wulipicizwe ku soko yo wumi wakwe.”

Mwamulizo 9:6

“Hambi u munhu nha yawumbwa ku futa yo Mulungu. Holeka munhu wo wose mono komuwulaga munhu, u munhu yuyo nayo kowulagwa na munhu muyagwe.”

2 Zinghomo 6:22

“Na lono munhu yasitakwe vyono kamusutizya muyagwe, na hono yaletwe hono cikumbicilo yelahizwe mono Nyumba yako, na hono yelahe nha vyono mwene si musutyi.

Zabuli 35:12

Wene wakundipa zimbi kuli zangu ziswanu, nane nekala nili mu wuciwa,

Zabuli 59:4

Lanje vyono wakumangha, wakwiwikaniza ku soko yangu, 'gwe go Muwaha Mulungu, kumbe nane ho sina lisutya, hamba wuhoswe, hamba wubi muli'ne, holeka winuce 'gwe go Muwaha Mulungu wunhaze!

Zimbazi 17:13

Hono wuwe kulipaga ziswanu ku zimbi, nagwe si kotujila lukulu yinji 'mbi mu kaya yako.

Yelemiya 18:20

Alo 'mbi u wuswanu, wukuwa kulipwa i zimbi? Hambi nha wakondya kuhimbila likombo, ane ho ngwile mumo. Ninga wukumbucile nha vyono, nakuziza nghalongana nagwe ku soko ya wene, nghukunena, nha vyono wulece kuwatendela mwi'kuwo lyako.

1 Wakolinto 8:12

Na hono muwasutizye wandugu zenyu nhavivyo, no kuvitajila makomele viselinji vyawo, vyono visoceye, mowa mwamusutizya Kilisito.

1 Yohana 3:15

Na mono yamusulile u nduguye, yuyo muwulaji, nanye mumanyile vyono u muwulaji wo wose, musina wumi we cibitilila muli mwene.

1 Samwili 2:25

Hambi nha hono munhu yamusutizye munhu muyagwe, u Muwaha Mulungu nha komutetela. Ninga hono munhu yamusutizya Muwaha Mulungu, alu nani mono komutetela?” Ninga wene hamba si wasaka wamuhulice u sogo yawo, hambi Muwaha Mulungu nha yali yakondya kulamula yawawulaje.

1 Samwili 20:32

Nayo Yonazani yakamuwuza sogwe yakatya, “Yanojeye yawulagwe ku sokoci, nghanici 'mbi yono yetumile?”

1 Samwili 22:14

Nayo Ahimeleki yakamupitula yakatya, “Ayu Dawudi yo mwitumami du mwihuwilwa yali wene, mono wina nayo! Mwene yo mukwemulima wako, kanyhi yo mulongola we walindilizi wako, kanyhi yo munhu mono yena lilumbo yiwaha kuli wanhu wose wa mu kaya yako.