1 Samwili 17:52 - Luganuzi Luswanu Kuli Wanhu Wose 2002

⁵² Nawo i Waisilayeli, hamonga ne wanhu wa Yuda, wakawa kuzoza akuno wakuwalondelela Wafilisiti, sunga wakawafisa ko ku Gati, sunga ha milango ya Ekiloni. Nayo mivimba ye Wafilisiti, yikawa yigwiye caka, mu nzila yose yono yibitile ku Shalimu, sunga ko ku Gati, sunga ku Ekiloni.

1 Samwili 17:52 ပူးပေါင်းရင်းမြစ်များ

2 Samwili 23:10

Langa mwene Eleyezali, yakema cilumelume, yakajendelela kwihoma ne Wafilisiti, hamba si yasuma kuwulecela mumaje. Muwaha Mulungu yaketujila wusume wuwaha muno muno mwi'zuwa lilyo. No wulugu wali weza wamalika, i Waisilayeli nawo ho wakawa kuza kuli Eleyezali, wakawa kuwahambula wono wafwiye, no kuvisola i vinhu vyawo.

1 Watemi 20:21

Mutemi Ahabu yakayisola migunda ne zifwalasi, hamonga ne matuka go wulugu, yakawahoma muno muno wanhu wa Siliya no kuwasuma.

Yoshuwa 15:11

U mupaka wukajendelela kanyhi sunga mwitunda ku lubavu lwa kusumuka ya Ekiloni, wukawuya ne nyuma kanyhi, wukakolela Shikeloni he 'tunda lya Baala, sunga ku Jabineli. Nawo mupaka wukadumila he 'lenga lya Meditelaneya

Walamuzi 7:23

Hobaho i wanhu wo mulango wa Nafutali, na wa Asheli na wa Manase wa kucilima na wa kumwezi, wakacemwa wakajendelela kuwawinjiliza Wamidiyani.

1 Samwili 17:53

Nawo Waisilayeli wali weza kuwuya ku wulawa ku wulondelela i Wafilisiti, hobaho wakawa kuyiteka nghambi ye Wafilisiti.

1 Samwili 5:10

Ale, du, nawo wakalisola Lisanduku lilyo lye Cilagane lyo Muwaha Mulungu, wakalihamizya kwi'kaya linji kanyhi lye Wafilisiti, lyono likucemwa Ekiloni. Ninga kanyhi, lyali lyeza kufika kuko, i wanhu wa mwi'kaya lilyo, nawo wakanza kulila muno muno, wakutya, “Alu mulanje, waciletela Lisanduku lye Cilagane lyo Muwaha Mulungu we Waisilayeli, ho liciwulaje nase wose!”

1 Samwili 5:8

Holeka wakawa kutuma wanhu, wakawaceme watemi wose wahano we Wafilisiti wekongholele hamonga. Wakawawuza wakutya, “Nye nyo watemi, alu cilinoze nhawule Lisanduku lili lye Cilagane lyo Muwaha Mulungu we wa Isilayeli?” Nawo watemi wakapitula wakatya, “Mulisolaje mulihamizye ku Gati.” Wakalisola wakalihamizya kwi'kaya linji lye Wafilisiti.