1 Samwili 13:9 - Luganuzi Luswanu Kuli Wanhu Wose 2002

⁹ Sawuli yakawalonjela wanhu yakawatya, “Ale, mundetele makumbiko manyanywe, hamonga ne makumbiko go mulamu.” Hodu yakawa kwanza kulavya likumbiko linyanywe.

1 Samwili 13:9 ပူးပေါင်းရင်းမြစ်များ

2 Samwili 24:25

Yakamuzenjela Muwaha Mulungu cikumbicilo, yakamulavizya cilavywa cinyanywe, hamonga ne cilavywa co mulamu. Nayo Muwaha Mulungu yakawupitula nhondo no wulombe wakwe, ne lihuhuji likawa kuwuka muli Isilayeli.

1 Watemi 3:4

Mwi'zuwa linji, Solomona yakabita ku Gibeyoni ho yakalavye makumbiko kuko, hambi kuko ku Gibeyoni, nha ho hali hocili cikumbicilo cono cali cikumucile muno. Nayo halulongozi, yali yakondya kulavya kuko vilavywa vinyanywe magana na magana.

Zabuli 37:7

Ale, wutule hali Muwaha Mulungu, wumulindilaje ko wukangalizi, hamba wulece kwigaza na awalya wono wakumota muli vyawo, hamba kuli walya wono wakwitujila vinhu mu zinzila zimbi.

Zimbazi 15:8

Nayo Muwaha Mulungu, kendezwaga no wulombe we wanhu we ling'ani. Ninga yagasulile makumbiko gono wamulavizyaga i wanhu wabi.

Zimbazi 20:22

Wulece kumulipiciza yunji, so wubi wono yakutendeye. Ninga agwe, wumwitumbile du Muwaha Mulungu, nayo yo kokulipila.

Zimbazi 21:27

Nayo Muwaha Mulungu, hamba si yendile i wanhu wabi, wamulavizye makumbiko, ko muno, gono gakulawa mu wuhile wawo wubi.

Zimbazi 21:3

Nhondo zose, weze kwituma ze ling'ani na zo mugoloka, zono zikumwendeza Muwaha Mulungu, si nho kumulavizya makumbiko.

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Wukumbucize wo Wulajilize 12:5

Ninga Muwaha Mulungu, kohagula hanhu hamonga du mu yisi yose, i hanhu hono i wanhu wose we milango yenyu yose, mowa kumubitila no kumuhemba.

Wukumbucize wo Wulajilize 12:6

Ne hanhu baho ho mowa kuvilavizya vilavywa vyenyu vinyanywe, ne makumbiko genyu ganji ganji, ne zaka zenyu, ne vilavywa, ne vipegwa vyono muvihuwize nyenye nyo weneco kuli Muwaha Mulungu. Hamonga ne vilavywa vye lihewa. Ne zinyana zinongozi kulelwa, ze zing'ombe zenyu ne zingholo zenyu.

1 Samwili 14:18

Hodu Sawuli yakawa kumulonjela Ahiya u mukohani, yakatya, “Ale, wuyiletaje ahano efodi.” (Na mwi'zuwa lilyo Ahiya mukohani yali yayidinghuye efodi mu mawoko, ha mwande ye Waisilayeli.)