1 Samwili 13:4 - Luganuzi Luswanu Kuli Wanhu Wose 2002

⁴ Ne Waisilayeli wose, wakalonjelwa nha vyono Sawuli yakondya kumuwulaga mulongola we Wafilisiti, na vyono alu Wafilisiti wakondya kucisula. Hodu, wanhu wakawa kwikonghola hamonga, wakawa kubita kwilunza na Sawuli ku Giligali.

1 Samwili 13:4 ပူးပေါင်းရင်းမြစ်များ

Mwamulizo 34:30

Yakobo yakawalonjela wanagwe wa Simiyoni na Lawi, yakawatya, “Nye wanangu, alu langa mwandetela wulugu no muyenyu, hambi luno, Wakanani hamonga ne Wapelizi i wekazi wa mono yisi yiyino, nha wosula. Na hono wasace, wosuma kulagana ho wahome no kunyongomeza hamonga ne mhuga yangu yose, hambi ane nha nina wanhu wacefu du.”

Mwamulizo 46:34

Nanye mumutezaje nhavi, ‘Gwe go mulumbwe, ase co wetumami wako, cili wadimi wa mitugo, ku wulawa wudodo wetu sunga nalu, hambi nha vyo wali ne wa kuku zetu.’ Ale, mumulonjelaje nhavivyo, nayo ho yamukombolenyi mwikale mu yisi ya Gosheni.” Nayo Yusufu yazilonga zizo, ku soko vyono, munhu wo wose mudima mitugo, lyali yiwifyo yiwaha kuli Wamisili.

2 Samwili 10:6

Nawo Waamoni wakamanya vyono litumo lilyo, lyakondya kuwaletela wulugu no mutemi Dawudi. Holeka wakawa kuwazima wasilikale elufu makumi mejete we Cishamu, ku wulawa ku Betilehobu na ku Zoba. Na wasilikale wanji kanyhi elufu yikumi na nyejete ku wulawa ku Tobu, na wanji kanyhi wanhu elufu monga ku walawa ko mutemi wa Maka.

Wutuluce 5:21

Wakawalonjela Musa na Haluni, wakawatya, “U Muwaha Mulungu kaziwona zose zono mwitumile, holeka nayo komulipicizenyi, vyono mumunozize mutemi hamonga ne walongola wakwe wacisule 'se. Hambi nha mwawapela soko yo kuciwulajila 'se.”

Zakaliya 11:8

Nghawa sina witumbilo kuli wadimi wadatu wa ha mwamulizo, wono wakasula muno ho baho nane nghawa kuwawusa wose mu mwezi monga.

Yoshuwa 5:9

Muwaha Mulungu yakamulonjela Yoshuwa yakamutya, “Zuwali, nakondya kumuwusizenyi cevu co wuwanda wenyu wa ku Misili.” Holeka i hanhu baho, hakacemwa “Giligali” nhunizo yayo “Wuwuse”, sunga nalu.

1 Samwili 10:8

Hanyuma wunongolele wubite ku Giligali, nane nokwagana kuko, nagwe kolo wafika kuko, wulavye makumbiko manyanywe, hamonga ne makumbiko go mulamu. Hanyuma wikale baho vilo mupunghati, sunga kolo neza kuza, nghulonjele kanyhi zono zinojeye witume.”

1 Samwili 27:12

Nayo Akishi, yakamwitumbila muno Dawudi, sunga yakawa kwihwesa mweneco mu nhumbula yakwe yakutya, “Ayu Dawudi, i wanhu wakwe wa Isilayeli wamusulile muno muno, holeka kowa mwitumami wangu mu mikalile yakwe yose.”