1 Samwili 13:3 - Luganuzi Luswanu Kuli Wanhu Wose 2002

³ Yonazani yakamuwulaga mulongola we Wafilisiti, kuko ku Geba. Ne Wafilisiti wose wakazihulika zizo. Hanyuma Sawuli yakatuma wanhu watowe ndulele mu yisi yose, wawalalice Wahebelaniya wose waze ku wulugu.

1 Samwili 13:3 ပူးပေါင်းရင်းမြစ်များ

2 Samwili 2:28

Hobaho Yowabu yakawa kuyitowa ndulele, ciwe citanjilo co kuwemila wanhu wakwe, walece kujendelela kuwatyatilila kanyhi Waisilayeli hodu wakawa kuleka kwihoma.

2 Samwili 20:1

Ale, kuko ku Giligali, kukawa na munhu litagwa lyakwe Sheba mwana wa Bikili, we mbeyu ya Benyamini. Yuyo Sheba yakawa yena mikalile mibi muno muno. Mwi'zuwa linji yakawa kutowa ndulele, yakawa yakuwalonjela i wanhu wa Isilayeli yakutya, “Anye nyo wanhu wa Isilayeli, ase cisina yigawo lyolyose na Dawudi! Holeka cisina soko yo yose yo kumutyatya! Alenyi ciwuye ku zikaya zetu!”

2 Samwili 23:14

Na mwipango lilyo, mwene Dawudi yali yali mwigomawakali mwitunda, nayo mhuga ye Wafilisiti wali wayisola Betelehemu.

Isaya 10:29

Wakalowoka cilowoko, wakagona ha Geba! I wanhu we cikaya ca Lama wenjilwa no woga wuwaha. Nawo wanhu wono wekalaga mu Gibeya cikaya co mutemi Sawuli, wakondya kutiza wose.

Zakaliya 14:10

Ne yisi yose, ku wulawilila Geba lubavu lwe sumuka, sunga ko ku lubavu lwe takama ku Limoni, yolotelemezwa ho yiwe ya wuhihi. Nayo Yelusalemi, yolozengwa mu cizuli ce yisi yono yipilime. Ne likaya lyololawilila kwi 'lango lya Benyamini, sunga ko kwi'lango lya kumhelo, hono hali ho wuli mulango mulongozi. Na ku wulawilila ha munala wa Hananeli, sunga kono kogali makobonjelo ge zizabibu go mutemi.

Yoshuwa 18:24

Cefalamoni, Ofini, na Geba. Makaya yikumi na mejete, hamonga ne matumbi gono gali gagapilime.

Yoshuwa 21:17

Wakawonjeleza kanyhi makaya mane, mu wulawa mu yisi yo wo mulango wa Benyamini, Gibeyoni, Geba, Anatoti na

Walamuzi 3:27

Na lono yali yakondya kufika ku yisi ye matunda ya Efulayimu, yakayitowa ndulele, yakuwacema wanhu wa Isilayeli ho wabite ku wulugu. Yakawa kuwalonjela lono wutenenhuka ga mu matunda.

Walamuzi 6:34

Muhe wo Muwaha Mulungu wukamuziza Gideyoni, yakaputa ndulele yakawacema wanhu we mhuga ya Abiyezeli wamutyatye.

1 Samwili 10:5

Hanyuma wuwe kubita kwi Tunda lyo Mulungu ku Gibeya, kono koyili nghambi ye Wafilisiti. Kolo weza kufika he 'lango lye likaya, baho naho, mokwitang'anila na mhuga ye wawizi wakuwuya wakulawilila he'tunda ha cikumbicilo, akuno wakutowa masumbi ne zing'oma, ne zifilimbi, hamonga no musesele. Nawo wowa wakuwila.

1 Samwili 13:16

Ale baho, Sawuli no mwanagwe Yonazani, hamonga ne wanhu wono wali wena nawo, wakasimya nghambi yawo ha Geba, mu yisi ya Benyamini. Nghambi ye Wafilisiti, yali yili ha Mikimashi.