1 Samwili 10:3 - Luganuzi Luswanu Kuli Wanhu Wose 2002

³ Ninga agwe wujendelele du, sunga wufice ha mubici waha Taboli. Na baho naho mokwitang'anila na wanhu wadatu we cilume, wono wowa wakubita ku Beteli kumulavizya Muwaha Mulungu likumbiko. No munhu monga muli wene, kowa yakuhwaga nyana za mhene yidatu. U muyagwe nayo, kowa yadinghuye mikate midatu. Na yunji nayo we kadatu, kowa yadinghuye mufuko wa nyhingo, wumemile divayi.

1 Samwili 10:3 ပူးပေါင်းရင်းမြစ်များ

Mwamulizo 28:19

Yakawa kuhacemela hanhu baho, litagwa Beteli. Ninga ilitagwa lilongozi lye hanhu baho, hacemwaga Luzu.

Mwamulizo 28:22

Ale, agwe go Muwaha Mulungu, gwegwe yo kowa wuli Mulungu wangu. Ne libwe lilino lyono nilisimizye bahano nhe sumbili, yowa yo nyumba yako go Mulungu. Nane nokupela monga kwe 'kumi ya muli vyose vyono komhela gwegwe.”

Mwamulizo 35:1

Mulungu yakamulonjela Yakobo, yakamutya, “Ale wuwuce bahano, wuhamile ku Beteli ko wukekale kuko. Na lono kowa wuli kuko, ale wunzenjelaje wukumbicilo nene no Mulungu mono nakulawila mwi'daha lono wamutizaga muwahawo Esawu.”

Mwamulizo 35:3

Hanyuma cibite ku Beteli, nghamuzenjele wukumbicilo Mulungu mono yanhaza lono nali nili mu wugaye, kanyhi yakawa yali hamonga nane hanhu hose hono nabitaga.”

Zabuli 89:12

Wawumba kusumuka na kutakama, ne matunda ge Taboli na Helimoni, gakusangalalila litagwa lyako.

Yelemiya 32:8

Na lulolulo du baho, u Muwaha Mulungu yali yeza kukondya kulongana nane, nayo Hanameli yakawa kunyiziza mumo mwi'kumbo lye nyumba yo wutemi, nha vyono yanonjela Muwaha Mulungu, yakawa kunonjela nha vyono mwene yakusaka niwugule mugunda wakwe. Nane baho nghamanya nha vyono, mbeka nghani yiyi yilawa kuli Muwaha Mulungu.

Walawi 1:10

“Na hono munhu yawe kulavya cilavywa ce ngholo hamba mhene, yimunojeye yalavye nduwilu hamba mvulati yono yisina cilema cinji.

Walawi 23:13

Hamonga na vivyo, wuleteleze no wusaje, lete no wusaje wa kilo nyejete wono muhanzahanzwe ne mafuta, wuwe cilavywa ce ndigwa. Ne mhunjile ye cilavywa cico, yikwendeza kuli Muwaha Mulungu. Kanyhi hamonga ne cilavywa cico, wulavye na lita monga ya divayi.

Walawi 3:12

“Na hono munhu yunji yalavye mhene,

Walawi 3:6

“Na hono ngholo hamba mhene yiwe yikwitumamilwa mu cilavywa co mulamu, yidahile yiwe nume hamba nyhekulu, ninga yinojeye yiwe nhelevu yono yisina cilema co cose.

Walawi 7:13

Ninga hamonga na zizo, munhu yuyo yadahile kulavya hamba mikate yono yina cisase.

Yoshuwa 19:12

Na ku wulawilila ku lubavu luyagwe lwa Salidi, wukabita ku lubavu lwa kucilima sunga ko ku mupaka wa Cishiloti-taboli, hanyuma ku Debela, sunga ko ku Yafiya.

Yoshuwa 19:22

Mupaka wukafika ko ku Taboli, na Shahazuma na Bete Shemeshi, wukadumiliziza ha Yoludani. Wukahanguliza makaya yikumi na mutandatu, hamonga ne matumbi gose gono gali gagapilime.

Walamuzi 20:18

Waisilayeli wakasejelela hanhu ho kuhembela ha Beteli, wakawa kumuwuza Mulungu wakutya, “Gwe go Mulungu, alu wo mulangoci wono walongole kuwahoma Wabenyamini?” Nayo Muwaha Mulungu yakawapitula yakatya, “Wo mulango wa Yuda.”

Walamuzi 20:23

Wakamuwuza Muwaha Mulungu wakutya, “Wule ciwuyajile kanyhi, cikehome ne wandugu zetu wa Wabenyamini?” U Muwaha Mulungu yakawapitula yakawatya “Heya mubite.” Lulo wasilikale we ci Isilayeli wakekamiliza mu mitima yawo, wakawa kuwatandalika wasilikale wawo bahalya du nha vyono wali wawatandalice ha lulongozi.

Walamuzi 20:27

Ne lisanduku lye cilagane lyo Muwaha Mulungu, lyekalaga ha Beteli mu vilo vivyo.

Walamuzi 4:12

Nayo Sisela yali yeza kumanya nha vyono Balaka yakondya kubita mwi'tunda lya Taboli,

Walamuzi 4:6

Zuwa linji yakatuma wanhu wabite wamucemele Balaka u mwana wa Abinowamu mono yekalaga mwi'kaya lya Kedeshi mu yisi ya Nafutali, yakamulonjela yakamutya, “U Muwaha Mulungu u Mulungu wa Isilayeli, kakulajiliza yakutya nhavi, ‘Wusole wanhu we cilume elufu yikumi, ku wulawa mu mulango wa Nafutali, na Zabuloni, wuwategule sunga kwi'tunda lye Taboli.

Walamuzi 8:18

Hobaho Gideyoni yakawawuza Zeba na Zalumuna yakawatya, “Alu wanhuci wono mwawawulaga ku Taboli?” Nawo wakamupitula wakamutya, “I wanhu wawo wali wehwanile gwegwe du. Nawo wose wali kotya nha wana wo mutemi.”

1 Samwili 10:4

Nawo wokulamusa, kanyhi wokupela mikate myejete ya muli yiyo mikate yawo midatu. Nagwe nhondo wubocele.