1 Samwili 10:1 - Luganuzi Luswanu Kuli Wanhu Wose 2002

¹ Hobaho Samwili yakawa kusola cupa ye mafuta, yakawa kumwitila Sawuli mu mutwe, hanyuma yakawa kumunonela, yakamutya, “Muwaha Mulungu kakwitila mafuta, ho wuwe mutemi muli wanhu wakwe wa Isilayeli. Kotema muli wanhu wakwe, kanyhi kowacitila muli walugu wawo. Naco aci co citanjilo kuli'gwe, cono cikukulajila vyono Muwaha Mulungu yo yakuhaguye wuwe mutemi muli wanhu wakwe.

1 Samwili 10:1 ပူးပေါင်းရင်းမြစ်များ

1 Samwili 16:13

Samwili yakawa kusola mafuta yakawa kumwitila Dawudi, ha meso ge wanduguze. Ho baho baho u Muhe wo Muwaha Mulungu wukamuziza Dawudi, no Muhe yuyo vikawezana na Dawudi ku wulawa mwizuwa lilyo. Nayo Samwili yakawa kuwuya ku Lama.

Zabuli 78:71

yamucema lono yali yali mu wudima litewa lyakwe, yakamunoza ho yamudime Yakobo, mono lye kungugo lyakwe, yawadime Isilayeli wanhu wakwe.

1 Samwili 9:16

“I mitondo, mu mapango gono genha gaga, ane nokuletela munhu yakulawa mu mulango wa Benyamini, holeka nhondo mwitile mafuta munhu yuyo, yawe mutemi muli wanhu wangu Waisilayeli. Mwene yo kowaponya mu miwoko ye Wafilisiti. Hambi nha nakondya kuwuwona wugaye we wanhu wangu. Kanyhi nakondya kucihulika ne cililo cawo, vyono wakusaka wutazi.”

Zabuli 2:12

hono mulece kunoza nhavivyo, mwene kosimba nanye mokongomezwa, hambi likuwo lyakwe nha lyakaga nhinicizo. Nyemo mbaha kuli wose wono wakwihundika muli mwene!

Metumo ge Watumwa 13:21

Hanyuma wakasaka wawe na mutemi, u Mulungu yakawapela Sawuli mwana wa Kisi, wo mulango wa Benyamini, yawe mutemi wawo mu myaka makumi mane.

1 Samwili 26:11

Hambi Muwaha Mulungu nha yanemeza, ndece kwijelela kumutamisa munhu wo wose mono mwene Muwaha Mulungu yamwitiye mafuta, no kumunoza yawe mutemi! Langa ane nghuwona, ciwusolaje mugoha wakwe du, hamoga ne ciya cakwe ce malenga, hodu ciwe kubita.”

Wukumbucize wo Wulajilize 32:9

Ninga yakehagulila we ndelo ya Yakobo wawe wanhu wakwe.

2 Watemi 20:5

yawuye ne nyuma kanyhi kuli mutemi Hezekiya, u mutemi we wanhu wo Muwaha Mulungu, yakamulonjele yatye, “Ane no Muwaha Mulungu, no Mulungu wo sogo Dawudi, nicihulika cililo cako, hamonga no wulombe wako. Holeka alu nokuponya, nagwe mu vilo vidatu kojenda no kobita ko ku Nyumba yo Mulungu.

2 Watemi 9:1

Hanyuma Elisha yakamucema yumonga wa muli wawizi we cizelelo, yakamutya, “Alu, wiwikanizaje, wubite ku Lamoti ya ku Gileyadi. Wusole ne cupa ayi ye mafuta,

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.

Wahebelaniya 2:10

Nayo yali yili ling'ani, vyono u Mulungu mono kaviwumbaga i vinhu vyose no kuvibatiliza, yo yamunoza Yesu yawe yakwilaniciye mu nzila yo wugazwe wakwe, ho yasume kuwaleta wana wenji ku lukumyo lwakwe. Hambi Yesu nha yo yakuwatonga ku mhonelo.

1 Watesalonike 5:26

Muwalamusizaje wandugu zetu wose mu citanjilo co wendo.

Hoseya 13:2

Sunga nalu wakucila kwituma wubi, wakwinozeza vihwani ho wavihembe. Wakwinozeza vihwani vya fweza, vinozwe ne miwoko ye wanhu kwe mahala gawo weneco. Nawo wakutya, “Ale muvilavizyaje makumbiko!” Alu wanhu ho wovinonela wule vihwani vivyo, i vihwani vyono vine futa ye zindama!

Yelemiya 10:16

Hambi u Mulungu wa Yakobo, nha si yehwanile na wene, hambi mwene, nha yo yavinoza vinhu vyose, kanyhi yo mweneco mono yawahagula i wanhu wa Isilayeli, wawe wo wanhu wakwe wahagulwa. Ne litagwa lyakwe yakucemwa, U Muwaha Mulungu, we mihanga.

Zabuli 135:4

Muwaha Mulungu yakehagulila Yakobo, yawe munhu wakwe, ne wanhu wa Isilayeli, wawe sawo yakwe mweneco.

1 Watemi 19:18

Hamba nhavivyo, nane nosigaza wanhu elufu mupunghati mu Isilayeli, wono wanyogopile nene, kanyhi wono si wamuhembaga Baali, hamba kucinonela ne cihwani cayo.”

2 Samwili 19:39

Hanyuma ya zizo, Dawudi hamonga ne wanhu wakwe wose, ho wakawa kulowoka likolongo lya Yoludani. Dawudi yakamunonela muno Balizilayi, yakamulugutiza. Nayo Balizilayi yakawa kuwuya ku kaya kwawo.

2 Samwili 5:2

hamba baho katali lono Sawuli yali yakali yacitemile, agwe wawalongozaga i wanhu wa Isilayeli ku wulugu. No Muwaha Mulungu yakwihuwiza vyono agwe yo kowalongoza wanhu wakwe Waisilayeli, na kanyhi yo kowa wuli mutemi mu Isilayeli.”

1 Samwili 24:6

yakawa kuwalonjela i wanhu wakwe, yakawatya, “Muwaha Mulungu, yanyhitile, ho ndece kwituma nghani yo yose ye citamisi kuli muwaha wangu, mono Muwaha Mulungu yamuhagula yawe mutemi! Holeka si yinojeye ane nimutamise hamba hadodo, hambi nha mutemi muhagulwa no Muwaha Mulungu!”

1 Samwili 13:14

Ninga aluno, hodu, wutemi wako hamba si wojendela yaye. Hambi nha kumubedegala Mulungu. Holeka nayo Muwaha Mulungu kokwihagulila mweneco munhu mono yakumwendeza, yamunoze yawe mutemi muli wanhu wakwe.”

1 Samwili 8:19

Ninga hamba nhavivyo, i wanhu hamba si wamuhulika Samwili yaye, langa wakatya, “Ng'o 'gwe! Ase cikusaka langa du cituje mutemi,

1 Samwili 8:9

Holeka agwe wuwahulicizaje du muli zose. Ninga hamba nhavivyo, wuwakagaje hawaha muno muno, kanyhi walolosezaje sunga na zono yuyo mutemi wawo kowatendela.”

1 Samwili 2:10

Nawo wono wesumanizaga no Muwaha Mulungu wokongomezwa, hambi nha kowatowa ne limuli lya ku wulanga, Muwaha Mulungu koyiling'aniza yinze yose, no komupela mutemi wakwe vilungo, komupela wusume u mutemi wakwe muhagulwa.”

Wutuluce 30:23

“Ale, wulondole vihatilwa avino vye mhunjile swanu muno muno: Manemane ge malenga gawe kilo mutandatu, mudalasini nawo we mhunjile swanu, wuwe kilo yidatu, magaji ge mhunjile swanu, gawe kilo yidatu.

1 Samwili 9:27

Ninga wali weza kufika ku mhelo ye kaya, baho Samwili yakamulonjela Sawuli yakatya, “Ale mulonjele mwitumami wako yabite yalongole.” Ale u mwitumami yakawa kulongola, nayo Samwili yakajendelela kutya, “Sawuli, wime ta hadodo, nghuhila nghulonjele zono Mulungu yateye.”

1 Samwili 12:3

Alu, ane yone. Nghusaka munonjele hono yiwe namunozezenyi zimbi, ale muhomelele zuwali hali Muwaha Mulungu, hamonga no mutemi mono yamuhaguye. Hono niwe nasola ng'ombe ya munhu, hamba ndogowe yakwe? Hamba hono niwe namusolela yunji cinhu cakwe ko wusugu, hamba lunji namwiwonela yunji? Hamba lunji nabocela mafupo kuli yunji wa muli'nye? Na hono niwe netuma limonga lya muli makani gaga, ale nane nohaliza muli cinhu co cose cono nacisola.”

1 Samwili 15:1

Hodu, Samwili yakawa kumulonjela Sawuli yakatya, “Ane yo nene, mono Muwaha Mulungu yanhuma kuli'gwe nghwitile mafuta wuwe mutemi muli wanhu wakwe Waisilayeli. Alu nghukulomba, wuhulicize zono Muwaha Mulungu Mudaha Vyose, yakulonga yakutya nhavi,

1 Samwili 16:1

Muwaha Mulungu yakamutya Samwili, “Alu ho kojendelela kumulilila Sawuli sunga nili lo? Ane nakondya kumulema yalece kuwa mutemi we Waisilayeli. Ninga aluno, wusole mafuta, wubite ku Betelehemu, kuli munhu mono kacemwaga Yese. Hambi ne nha nakondya kumuhagula yumonga wa muli wanagwe yawe mutemi.”

1 Samwili 26:9

Ninga Dawudi yakamupitula Abishayi yakamutya, “Aa ng'o, wulecele lukulu kumutamisa! Hambi Muwaha Mulungu nayo nha komulipiciza munhu wo wose mono komutendela vibi u mutemi mono mwene Mulungu yamwitiye mafuta.

2 Samwili 1:14

Dawudi yakamuwuza kanyhi yakatya, “Alu 'gwe, nhawule kuwa kwijelela kumuwulaga u munhu mono Muwaha Mulungu yamuhagula yawe mutemi?”

1 Watemi 1:34

nayo Zadoki u mukohani, hamonga na Natani u muwizi, wamwitile mafuta baho, yawe mutemi wa Isilayeli. Hanyuma muwe kuzitowa zindulele akuno mukuzoza mukutya, ‘Go mutemi Solomona, wikale cibitilila!’

Ezekiyeli 16:13

Nhavivi vyo wahambwa zahabu ne fweza, ne vivwalo vyako vye bafuta swanu, hamonga no wihambo. Wukalya wusaje wuswanu wono wunamuce, hamonga no wuci ne mafuta. Wukawa muswanu muno, sunga wukawa mugolece wo mutemi.

1 Samwili 15:17

Samwili yakamupitula yakamutya, “Hamba wuwe wukwiwona agwe nha si wukwiliye cinji, ninga wahagulwa wuwe mulongola mu nghungugo yose ye Isilayeli. Nayo Muwaha Mulungu yakakwitila mafuta, ho wuwe mutemi we Waisilayeli.

2 Samwili 20:19

Hambi likaya lyetu lili, nhe 'kaya yiwaha muno, kanyhi lyo likaya liyagwe ne makaya gono gena mulamu ne cihuliko mu Isilayeli yose. Alu nhawule agwe wukuhila kulihodanga? Agwe lu wukuhila kuwuhodanga wuhazi wo Muwaha Mulungu.”

2 Watemi 9:12

Nawo wakatya, “Aa, ng'o, ase si cimanyile yaye, holeka cikukulomba wucilonjele zono yakulonjeye!” Yehu yakatya, “Kanonjela katya, ‘Muwaha Mulungu kanyitya nha vyono yakunyitila mafuta niwe mutemi wa Isilayeli.’ ”