A Lagasai Roxo Na Jon A Xaleie 6:66 - Kara

⁶⁶ Tangpat la yaan aanabe' e falet, saxano fefeng sina ri ta'ulane e ri pife sangas xuvul pana fulaa.

A Turoxoian Fa'ui Sina Piran

⁶⁶ Tangpat la yaan aanabe' e falet, saxano fefeng sina ri ta'ulane e ri pife sangas xuvul pana fulaa.

A Lagasai Roxo Na Jon A Xaleie 6:66 ပူးပေါင်းရင်းမြစ်များ

Matiu 19:22

Layaan a mataa fa'ui aave a langaie, nane kanamsaat paaliu e falet patak senaso a toxan a maana fafanaian xaves.

Luuk 9:62

Na Yesus a xuuse, “Tamo Piran fo xel a mataa xena vil a faisok sina e nane kaalum fa'ulaa xe sina maana mo sina ti la xavala, nane pife fexaxaas sena faisok lana fatataganan sina Piran.”

A Lagasai Roxo Na Jon A Xaleie 2:2

Ri xel na Yesus xuvul pana maana fefeng sina, rao ri taa waan pave sait la fenamo. E voxo nari xapiak ri fe waan.

A Lagasai Roxo Na Jon A Xaleie 6:60

E xaves ina mu fefeng si Yesus, layaan ri langai a ferawaian aanabe' ri kuus malaan, “A ferawaian aanabe' a lagaf temasaat. Nase' fexaxaas i taa langaie?”

A Lagasai Roxo Na Jon A Xaleie 6:64

Taasaxa saxanofuna imi, mi pife namkai.” Senaso na Yesus fo texaas ti la tangpat o nase' ta mu fefeng sina ri pife namkai tuuna e nane texaas o nase' i taa pet lisane.

A Lagasai Roxo Na Jon A Xaleie 7:3

E voxo nari mu ti Yesus ri xuuse, “Ta'ulan a bina aanabe' e no falet xe Jerusalem talo a mu fefeng siim pave ri taa xalum a mu faisok lava aava no taxa vile.

A Lagasai Roxo Na Jon A Xaleie 8:31

Na Yesus a xuus nari mu rabuna Juda aava ri fo namkai tapang sena, “Tamo mi vubuk waan fefeng tuuna siak mi taa sangas vulai lapaana ferawaian siak;

2 Timoti 1:15

No texaas o na Figelas nare Hermoginis e mu rabuna xapiak la mu bina pe Esia ri fo ta'ulanau.

Hibru 10:38

A mu rabuna pana vilaana fatak siak ri namkai e voxo ri taa to. Tamo ta saxa iri i taa faatasu e puk tapin nane xa xasega, a xunus iga i taa pife faamamaas pana.” Hkk 2:3-4

1 Jon 2:19

Paamua nari mu xaiyaas si Krais ve, ri fo waan la palou itaara, taasaxa ri ta'ulan netaara xo senaso ri pife malaan setaara. Tamo ri malaan setaara ri taa pife paan, taasaxa ri fo falet xena faxaalit o nari xapiak ri pife malaan setaara, ri patak.