A Lagasai Roxo Na Jon A Xaleie 21:22 - Kara

²² A Memai a suie, “Tamo ne vubuk i taa waan fefexaxaas sena yaan ina ulaian siak, pife mo siim. Nano, no taa usiau.”

A Turoxoian Fa'ui Sina Piran

²² A Memai a suie, “Tamo ne vubuk i taa waan fefexaxaas sena yaan ina ulaian siak, pife mo siim. Nano, no taa usiau.”

A Lagasai Roxo Na Jon A Xaleie 21:22 ပူးပေါင်းရင်းမြစ်များ

Matiu 16:24

E na Yesus a kuus xe sina mu fefeng sina, “Nase' ta mataa a buk usiau, i taa faaxolusan nane xa e i taa yaas a bolo sina e i taa usiau.

Matiu 24:27

Layaan a Natuna Mataa i taa savat i taa malaan sena yaamit; i taa savat fa'ipul e taa fabas a tavegof pana malang talo a mu rabuna xapiak ri taa xalume.

Matiu 24:3

Layaan na Yesus taxa nai xulu Put Olif, a mu fefeng sina sang mon ri savat sina e ri kuus, “Xuus nemaam laso ta yaan a maana mo aanabe' ri taa savat e a so ta mo i taa fakalimaan a yaan ina filimaanan siim e a fataxapiak ina yaan.”

Matiu 24:44

E voxo nami vaxa mi taa tamasiak vulai e faxatang senaso a Natuna Mataa i taa savat layaan mi pife faigot!

Matiu 25:31

“Layaan a Natuna Mataa a filimaan pana gutan e malang molava piis sina, xuvul pana mu angelo, i taa nai lana miridingan molava xuluna nai piranan sina.

Matiu 8:22

Taasaxa na Yesus a suie, “Usiau e ta'ulan a mu rabuna aava ri fo maat xena xaafan a mamaat siri xa.”

Maak 9:1

E nane xuus nari, “Ne xuus tuunei nami, saxano rabuna aava ri taxa tigina la palou itaara tanin, ri taa pife maat lunai layaan a fatataganan sina Piran taa savat pana gutan.”

A Lagasai Roxo Na Jon A Xaleie 21:19

Na Yesus a kuus malaan xena fasavat a so ta buk maatan na Pita taa nangus a Piran pana. E mui nane xuuse, “Nano, no usiau!”

A Lagasai Roxo Na Jon A Xaleie 21:21

Layaan na Pita a xalume, a fin na Yesus, “Memai a so ta mo taa savat sena?”

1 Korin 11:26

La so ta yaan mi ngan a bret e mi num lana lisa mi taxa xuus a mu rabuna pana maatan sina Memai fefexaxaas a yaan ina filimaanan sina.

1 Korin 4:5

E voxo, muta tiis a mo paamuina yaan ina tiisan: waan bang a filimaanan si Memai. I taa fasavat a so ta mo a fufunai la suk xe lana malang. E i taa kas famatavas a fufuna lamonan la xunus ina mataa. E lana yaan aave a Piran xa i taa fasepirigus a mu rabuna saxa saxa pana kuus faatulaian sina.

1 Tesalonaika 2:19

A so ta mo mi lamon o i taa fafaamamaas nemaam? E a so ta mo a lamon fanaian simaam e maam taa ferawai falalava pana? Nami mon! Nami ve mi taa ligilot roxo paaliu simaam layaan maam tigina la nona Memai Yesus sitaara lana filimaanan sina.

Jems 5:7

Mu tiak, nai bang fananap sena yaan ina savatan sina Memai. A mataa ina tara'uma fuuna waan bang a maana fanganan roxo ti la xavala. E nane taxa nai bang fananap fefexaxaas sena yaan ina yefet i taa taxapus e a mariaas pana raafui modak i taa savat.

Jems 5:8

Nami sait, mi taa nai bang fananap pana tateaxan senaso a yaan ina savatan sina Memai fo faasilak.

Kuusan Fasavatan 1:7

“Kaalum! Nane taxa filimaan xuluna vata e maana mu rabuna xapiak ri taa xalume. E nari aava ri fo xie sait, ri taa xalume. A maana mu rabuna ti la maana pok bina xapiak, nari xapiak ri taa xalume e ri taa muluxe.” Skr 12:10 A malaan. Pevoxo!

Kuusan Fasavatan 2:25

Taasaxa tao fatateak a maana lamonan roxo simi fefexaxaas sena savatan siak!

Kuusan Fasavatan 22:20

Nane aava kuus o a maana mo aanabe' a fatak, nane taxa kuus malaan, “Tuuna, nenia, ne taa savat fa'ipul!” “A tuuna! Filimaan, Memai Yesus.”

Kuusan Fasavatan 22:7

“Faxatang! Nenia, ne taa savat fa'ipul! A mataa aava usi fatak a maana ferawaian lana buuk aanabe' i taa faamamaas.”

Kuusan Fasavatan 3:11

A yaan ina savatan siak pife lasuun. Lamon fatateak a vilaana simi saxa saxa. Muta faatasu senaso pife roxo a xasa mataa i taa paxai a ligilot simi.