A Lagasai Roxo Na Jon A Xaleie 18:32 - Kara

³² A mo aanabe' a savat talo a ferawaian na Yesus fo xuus nari pana sena so ta buk maatan sina, i taa savat tuuna.

A Turoxoian Fa'ui Sina Piran

³² A mo aanabe' a savat talo a ferawaian na Yesus fo xuus nari pana sena so ta buk maatan sina, i taa savat tuuna.

A Lagasai Roxo Na Jon A Xaleie 18:32 ပူးပေါင်းရင်းမြစ်များ

Matiu 20:19

E ri taa lisane xe sina mu rabuna aava ri pife Juda e nari xo ri taa suaxane e inise pana yeis tuturuk e niil fataxutane xuluna bolo xena punuxe taasaxa la fatalatulaana yaan mui a Piran i taa fatatoi fa'ulie ti la maatan.”

Matiu 26:2

“Nami, mi texaas o lamina yaan taragua i taa yaan ina Fenamo ina Paaliuan. Lana yaan aave ri taa lisan a Natuna Mataa xe sina mu xaiyaas sina e ri taa fataxutane e i taa maat xuluna bolo.”

Maak 10:33

Nane xuus nari malaan, “Mi langai. Layaan taara taa laak saa xe Jerusalem a mu rabuna ri taa yot a Natuna Mataa e ri taa lisane xe sina mu paamua ina faxatangaana lotu. E nari, ri taa sei pana punuxaana e ri taa lisane xe sina paamua sina mu Rom.

A Lagasai Roxo Na Jon A Xaleie 10:31

A mu Juda ri siak faat fulaa xena soxoiaana pana.

A Lagasai Roxo Na Jon A Xaleie 10:33

A mu Juda ri suie, “Piau, pife sena fakalimaanan roxo maam taa soxoi nano pana faat, taasaxa no ferawai fasaat sena Piran aava taap. E vaxa nano, no mataa mon e no taxa xali nano xa o no fexaxaas malaan sena Piran. A mo aanabe' ve a fufuna soxoiaan nano.”

A Lagasai Roxo Na Jon A Xaleie 13:18

“Ne pife ferawai semi xapiak, ne texaas seri aava ne fo xel nari. Taasaxa Ferawaian sina Piran aanabe' i taa savat tuuna: ‘Nane aava fo fangan xuvul paga, nane ve fo paas fasiviau.’ Yng 41:9

A Lagasai Roxo Na Jon A Xaleie 18:31

Na Pailat a xuus nari, “Lavaxa, nami fatak, mi xele saa e mi fe tiise lapaana vuputkai simi.” E ri sui fulane, “Taasaxa maam piau ta ngavuk ina punuk a mataa.”

A Lagasai Roxo Na Jon A Xaleie 21:19

Na Yesus a kuus malaan xena fasavat a so ta buk maatan na Pita taa nangus a Piran pana. E mui nane xuuse, “Nano, no usiau!”

A Lagasai Roxo Na Jon A Xaleie 3:14

Na Moses fo yaas fati a tiui ‘braas’ pe la bina vingil e mui a Natuna Mataa i taa yaas fatian malaan

A Lagasai Roxo Na Jon A Xaleie 8:28

Na Yesus a kuus, “Layaan mi taa siak fati a Natuna Mataa, lavaxa mi taa texaas o nenia, ne Saxa aava molava e vaxa ne pife vil ta saxa mo lapaana gutan siak, taasaxa ne taxa ferawai pana so ta mo na Tamaang fo fapitiau pana.

Faisok 7:59

Layaan ri taxa soxoi na Stefan pana faat nane fenung xe sina Piran e a kuus malaan, “Memai Yesus, siak a vovau siak.”

Galesia 3:13

Taasaxa na Krais a maraan fa'uli netaara xasena fakasanaman aava vuputkai a lisanmaane, senaso nane xa a waan lapaana fakasanaman sina Piran la nobina sitaara. A Xakalayan Taap a kuus, “Nase' ta mataa a fataxutanan xuluna wai i taxa waan lapaana fakasanaman sina Piran.” Vlp 18:5