A Lagasai Roxo Na Jon A Xaleie 16:20 - Kara

²⁰ Ne xuus tuunei nami, mi taa mamaaluk e mi taa taangiis taasaxa a mu rabuna ti la xavala ri taa faamamaas; mi taa nasam a mamaxusan la xunus imi taasaxa mamaxusan simi taa fasavat a faamamaasan molava.

A Turoxoian Fa'ui Sina Piran

²⁰ Ne xuus tuunei nami, mi taa mamaaluk e mi taa taangiis taasaxa a mu rabuna ti la xavala ri taa faamamaas; mi taa nasam a mamaxusan la xunus imi taasaxa mamaxusan simi taa fasavat a faamamaasan molava.

A Lagasai Roxo Na Jon A Xaleie 16:20 ပူးပေါင်းရင်းမြစ်များ

Matiu 21:38

“Taasaxa layaan a mu rabuna aave ri xalum a lak tomexaan, ri fexuus, ‘A lak tuaan aanabe' i taa siak a maana mo si tamana. Man, taara taa punuxe xena siak a maana mo xapiak sina.’

Matiu 5:4

Nari aava ri mimilisaat, naboxo a naian siri a roxo paaliu senaso Piran i taa famalulum nari.

Maak 14:72

E fataapus lamina faaxolusan sina saxa pura a fataragui a raweian sina. E na Pita a lamon fa'ulaa o na Yesus a xuuse malaan, “Paamuina pura i taa rawei faataragua no taa kuus faaxolusanau faatalatul.” E na Pita a mimilisaat faagut e a savat xe lamalei e fetaangiis.

Maak 16:10

E nane falet fataapus e fe xuus fatexaas a xasano fefeng aava ri taxa lo taangiis e mamaxus lunai.

Luuk 22:45

Nane fataxapin a fenungan sina e tamasiak e ulaa xe sina mu yaamut e fe tingin nari ri taxa matef senaso ri maagus pana mimilisaatan siri.

Luuk 22:62

E na Pita a savat xe lamalei e taangiis faagut.

Luuk 23:27

A malila ri usie e la palou iri a toxan a saxano lutefin aava ri muluk na Yesus.

Luuk 24:17

Nane fin nare, “A so ta mo me taxa paa fexuusane?” Re tigina kasam, a nonau ire a nanosaat.

Luuk 24:21

Taasaxa maam fo lamon o nane a saxa aava i taa maraan fa'uli na Israel. E naboxo a yaan talatul fo falet xo.

Luuk 6:21

Faamamaas, nami aava mi lagai naboxo senaso mi taa maasi. Faamamaas, nami aava mi taangiis naboxo senaso mi taa nangan.

A Lagasai Roxo Na Jon A Xaleie 16:33

“Ne fo xuus nami pana maana mo aanabe' talo lapaana isaak a xunus imi taa luai. La palou ina mu rabuna ti la xavala mi taa toxan a matafanan taasaxa muta mataut, ne fo xasliu a maana vilaana ti la xavala.”

A Lagasai Roxo Na Jon A Xaleie 16:6

Naboxo a xunus imi a bas pana mimilisaatan senaso ne fo xuus fatexaas nami pana maana mo aanabe'.

A Lagasai Roxo Na Jon A Xaleie 20:20

Nane kuus malaan e faxalit nari pana ro mana e usik ina. Layaan a mu fefeng ri xalume ri faamamaas temasaat.

Faisok 5:41

A mu yaamut ri ta'ulan a lifu ina tiisan e ri merao. Ri texaas o a Piran a faamamaas pana vilaana siri senaso nane turoxo o nari, ri taa siak a maasaxan malaan sena vilaana a rabuna ri mo vile se Yesus.

A Si Pol Lagasai Xe Sina Mu Rom 5:11

A maana mo aanabe' a tuuna e taara faamamaas vaxa senaso lapaana Memai sitaara, na Yesus Krais, taara waan la xuvulaian xuvul pana Piran.

2 Korin 6:10

lana mamaxusan simaam maam taxa faamamaas; maam piau ta faat xaves, taasaxa maam fasavat a fafanaian molava xana maana rabuna; maam mu valagof, taasaxa maam toxan a maana mo xapiak.

Galesia 5:22

Taasaxa Vovau sina Piran a fasavat a mu vilaana fatak malaan sena vubuxan xasingitan, faamamaasan, luaian, waan fananapan, fangaasixan, vilaana roxo, waan fatateaxan,

1 Tesalonaika 1:6

Mi faxa'usi a vilaana simaam e sina Memai; tuuna, mi yaas a maasaxan molava sena namkaian simi taasaxa mi siak a lagasai aave pana faamamaasan aava Vovau Xaradak a tavai nami pana.

Jems 1:2

La maana yaan layaan a so ta lagafan taa savat simi, kamu tiak, faamamaas!

Juut 1:24

A Piran a fexaxaas sena faxatang faroxoi nami talo mi taa pife kalaxoi. Nane fexaxaas sena lisan nami xe lana bina aava lang pana roxoyan sina. I taa saf tapin a maana miraxana vusiit xapiak semi e mi taa faamamaas.

Kuusan Fasavatan 11:10

A maana mu rabuna lapia ri taa nanam sena maatan sirie e ri taa tatavai pana mo roxo xe sina saxanu fesing siri. Senaso a ro mataa aava re fuuna fakasanam a rabuna ti la xavala, re fo maat.

Kuusan Fasavatan 18:7

Nane sang fo tavai nane xa pana maana mo roxo paaliu e pana isin lava. Rao nano, Piran, no taa tavaie pana mamaxusan e fakasanaman a fexaxaas sena. Lana lalamonan sina, nane fuuna nanomai malaan, ‘Nenia ve, ne matalava tefin, a ‘kwiin’. Ne taa pife waan nakmaal. Ne pi tataangiis.’