A Lagasai Roxo Na Jon A Xaleie 15:24 - Kara

²⁴ Tamo ne taa pife vil a maana mo fa'ipul aava piau ta mataa fulaa fexaxaas sena vile, ri taa pife texaas o ri toxan a lalosaat. Taasaxa ri fo xalum a maana mo fa'ipul siak e ri baian faagutan nemaame Tamaang.

A Turoxoian Fa'ui Sina Piran

²⁴ Tamo ne taa pife vil a maana mo fa'ipul aava piau ta mataa fulaa fexaxaas sena vile, ri taa pife texaas o ri toxan a lalosaat. Taasaxa ri fo xalum a maana mo fa'ipul siak e ri baian faagutan nemaame Tamaang.

A Lagasai Roxo Na Jon A Xaleie 15:24 ပူးပေါင်းရင်းမြစ်များ

Matiu 11:5

a mu rabuna aava ri tamu piif ri kaalum fulaa; a mu rabuna aava ri tamu maalapen ri sangas; nari aava tari tamu tapak ri roxo paaliu. Nari aava ri tamu vaang, ri langai. Nari aava ri tamu maat ri to fa'ulaa e a mu valagof ri taxa langai a Lagasai Roxo.

Matiu 21:32

Senaso na Jon ina Fasufan maa savat simi e faxalit nami o mi taa bilai malaafaa xena fafaamamaas a Piran e nami, mi bai namkai sena lagasai sina. Taasaxa mu rabuna ina faxuvul a taakis e lutefin ina lisan xolanaan nari, ri namkai sena. Naapalaan mi xalum a mo aanabe' mi pife xul a lamonan simi xena namkai sena.”

Matiu 9:33

E layaan na Yesus a gei tapin a vovau saat aave a mataa aava tamu po a ferawai. A mu rabuna ri ipul e ri kuus, “Taara pi xaxalum ta mo malaanabe' pe Israel.”

Maak 2:12

E a maalapen a tamasiak marasaxa e siak a ivin sina e savat xe lamalei. A mu rabuna xapiak ri xalume e ri ipul e ri kuus fati a isina Piran. E ri kuus malaan, “Taara pi xaxalum a buk vilaana malaan lumua.”

Luuk 24:19

E na Yesus a fiai, “A so ta mo?” Nare, re suie, “A maana mo se Yesus ti Nasaret. Nane ve a mataa ina kuus fatuxai aava toxan a gutan lana ferawaian e vilaana sina la matana Piran e mu rabuna xapiak.

A Lagasai Roxo Na Jon A Xaleie 10:32

E na Yesus a fin nari, “Ne fo faxalit nami pana mu fakalimaanan roxo aava filimaan sina Tamaang. A so ta fakalimaanan ve rao mi soxoiau pana faat sena?”

A Lagasai Roxo Na Jon A Xaleie 10:37

Tamo ne pife vil a faisok sina Tamataara, lavaxa muta namkai sega.

A Lagasai Roxo Na Jon A Xaleie 12:10

E voxo nari mu memai priis ri fo lamon faati o ri taa punuk na Lasarus sait,

A Lagasai Roxo Na Jon A Xaleie 12:45

Layaan mi taxa xalumau, mi fo xalum sait nane aava fengau.

A Lagasai Roxo Na Jon A Xaleie 14:9

Na Yesus a suie, “Ne fo waan xuvul pami pana yaan xaves paaliu Filip e mi pife taraxaliau lunai? Nane aava fo xalumau fo xalum na Tamataara. Xenaso no taxa finau, ‘Faxalit nemaam pa Tamataara?’

A Lagasai Roxo Na Jon A Xaleie 15:21

Taasaxa ri taa vil a maana mo aanabe' xe simi sena isaak. Senaso ri pife texaas sena Saxa aava fengau.

A Lagasai Roxo Na Jon A Xaleie 15:22

Tamo nenia, ne taa pife savat xena fasei nari, ri taa pife texaas o ri toxan a lalosaat la tari. Taasaxa naboxo ri fo texaas e voxo ri pife fexaxaas sena kuus vof a saatan siri.

A Lagasai Roxo Na Jon A Xaleie 15:23

Nane aava baian faagutanau, nane taxa baian faagutan na Tamaang sait.

A Lagasai Roxo Na Jon A Xaleie 16:9

Nane i taa famasam nari o layaan ri pife namkai sega ri taxa faasaal.

A Lagasai Roxo Na Jon A Xaleie 3:2

a savat si Yesus la vung e kuus malaan, “Mataa ina Fepitaa, maam texaas o no fo filimaan xe nabe' ti la bina sina Piran xena vil a faisok ina fepitaian. Maam lamon malaan senaso a mataa sang mon pife fexaxaas sena vil a maana mo fa'ipul malaan sema, tamo Piran pife waan xuvul pana.”

A Lagasai Roxo Na Jon A Xaleie 5:36

“Taasaxa a kuusan sega a molava sena kuusan si Jon. A mu faisok aava na Tamaang fo tavaiau pana xena fataxapine, a maana faisok aave nenia, ne taxa vile. A mu faisok aanabe' ri kuusanau sait e ri faxalit nami o na Tamaang fo fengau.

A Lagasai Roxo Na Jon A Xaleie 6:36

Ne xuus nami o mi fo xalumau taasaxa mi pife namkai lunai sega.

A Lagasai Roxo Na Jon A Xaleie 7:31

A mu rabuna xaves lana malila, ri namkai sena e ri kuus, “Layaan a Mataa Failai taa savat, i taa vil a maana fakalimaanan xaves sena mataa aanabe'?”

A Lagasai Roxo Na Jon A Xaleie 9:32

Taara pi lalangai maan ti paamua xa pana saxa mataa fo vil fatalakas a matana mataa aava fo luxan pana matana piif.

A Lagasai Roxo Na Jon A Xaleie 9:41

Na Yesus a xuus nari, “Tamo mi rabuna piif, mi taa pife vupuno. Taasaxa mi fo kuus o mi fexaxaas sena kaalum e voxo mi taxa vupuno lunai.

Faisok 10:38

Mi texaas o a Piran a noxol na Yesus ti Nasaret pana Vovau Xaradak e gutan. E na Yesus a falet xolai pana vilaana roxo e nane mulus tapin a mu rabuna xapiak aava ri sisiak si Setan. Nane vile senaso a Piran a waan xuvul pana.

Faisok 2:22

“Nami mu Israel, langaiau: na Yesus ti Nasaret, a Piran a turoxoian nane. E pana gutan sina Piran, nane xo fo vil a maana faisok ina gutan e mo fa'ipul la palou imi. A maana mo aanabe' ri faxalit fatexaas nami o a Piran fo fenge.

A Si Pol Lagasai Xe Sina Mu Rom 1:30

Ri xaiyaasan a Piran e ri sarak sena. Ri fuuna lamon falavai nari xa e ri malalava. Ri fuuna seng fatuaian a vilaana saat e ri langai pesalai sina mu ninari e tamari.

2 Timoti 3:4

Ri fuuna bilai fasaat e pife lamon faroxo pana toyan sina xasanofuna. A lamonan siri a milung pana lavayan siri e ri famasi nari xa pana usi soxotaana vubuxanan siri e pife vubuxanan sina Piran.

Jems 4:4

Mi malaan sena tefin aava pife mati xuvul pa lavana taasaxa mati xuvul pana xasanofuna. Mi pife masam o tamo a mataa i taa fesing xuvul pana vilaana ti la xavala nane bai fesing xuvul pana Piran, bo? Nase' ta mataa i taa siak fati a vilaana ti la xavala e usie, nane ve a xaiyaas sina Piran.