Efasis 4:32 - Kara

³² Taasaxa bilai pana vilaana ina fangaasixan e maluluman; lamon tapin a vilaana saat la palou imi malaan sena Piran xa a lamon tapin a mu vilaana saat simi aava mi waan la xuvulaian xuvul pa Krais.

A Turoxoian Fa'ui Sina Piran

³² Taasaxa bilai pana vilaana ina fangaasixan e maluluman; lamon tapin a vilaana saat la palou imi malaan sena Piran xa a lamon tapin a mu vilaana saat simi aava mi waan la xuvulaian xuvul pa Krais.

Efasis 4:32 ပူးပေါင်းရင်းမြစ်များ

Matiu 6:12

E lamon tapin a maana vilaana saat simaam malaan semaam xo maam fo lamon tapin a mu vilaana saat sina xasanofuna xe simaam.

Maak 11:25

E fulaa, layaan mi taxa fenung xe sina Piran mi taa lamon tapin a mu vilaana saat aava xasano rabuna ri fo vile xe simi talo a Piran vaxa i taa lamon tapin a vilaana saat simi.

Luuk 1:78

A Piran sitaara a bas pana mamaaluxan e fananapan. Nane vil famatavas a texaasan ina fakaaxupan talo nari aava ri taagul lana bina ina maatan, ri taa tamulus sena, xena sangas la matavas aava savat ti laa'ui la xunavata. Nane taa vil malaane xena paamuian netaara xe lana salan ina luaian.” Nabe' ve a yanganan si Sekaraia.

Luuk 11:4

Lamon tapin a mu vilaana saat simaam senaso nemaam vaxa maam lamon tapin nari aava ri bilai fasaat xasemaam. E no tivotan nemaam sena mu vavalam.”

Luuk 17:4

Tamo, lana yaan saxa, i taa bilai fasaat fapisiguak xe siim e i taa ulaa fapisiguak xe siim e kuus, ‘Ne muluk a vilaana saat siak.’ Lavaxa, no lamon tapine.”

Luuk 6:35

Taasaxa nami, mi taa vubuxan xasingit a mu xaiyaas simi, vil a faisok roxo xe siri, tavai nari pana mo e muta lamon pana yaan ri taa lisan fa'ulie. Tamo mi taa vil malaane a sepirigus simi i tafe molava e mi taa savat rafulak sina Piran Laa'ui Paaliu, senaso nane vaxa fangasik nari aava ri vil a saat e ri pife kuus faasiroxo.

Luuk 6:37

“Muta tiis a mataa e no taa pife waan lapaana tiisan. Muta xalum fasivi a saxa mataa e pi ta saxa i taa xalum fasivi nano. Lamon tapin a mu vilaana saat sina xasano rabuna e a mu vilaana saat simi ri taa lamon tapinan.

Faisok 28:2

A mu rabuna ti la bina aave ri roxo paaliu. A raafui xo a savat e ri sung a fata talo maam taa maari la tana.

A Si Pol Lagasai Xe Sina Mu Rom 12:10

Naboxo mi waan lana matafetama sina Piran e voxo mi taa vubuxan xasingit a mu rabuna aava ri namkai malaan sena mu timi o mu vasaami e suaian faagutan a xasanofuna.

1 Korin 13:4

A vilaana sina saxa aava toxan a vubuxan xasingitan tuuna a malaan: nane waan fananap e fuuna fangaasik; a pife tarasui a saxa mataa o maana mo sina; a pife ferawai malalava e pife lamon falavaie.

2 Korin 2:10

Tamo mi lamon tapin a vilaana saat sina saxa, nenia sait ne lamon tapine. E a so ta mo ne fo lamon tapine, tamo a toxan tuunei a mo xena lamon tapine, ne fo lamon tapine la mata Krais xena xavang nami

2 Korin 2:7

Naboxo si, mi taa lamon tapine e famalulume talo i taa pife kanamsaat temasaat.

2 Korin 6:6

pana mu vilaana fatak e tuuna, pana masaman tuuna, pana vilaana fananap e fangaasik; lapaana Vovau Xaradak e lapaana vubuxan xasingitan tuuna;

Efasis 5:1

E voxo, senaso nami ve mi mu rafulak sina Piran mi taa pok a vilaana sina

Jems 5:11

Lamon fa'uli nari aava ri waan fatateak fefexaxaas a yaan ina maasaxan siri taa taxapus, taara kuus o nari ve ri taa siak a roxoyan sina Piran, bo? Mi fo langai sena vilaana ina nai fananap si Jop. E mi texaas sena so ta mo a Piran fo tavaie pana lumui lamina lagafan sina, bo? A Piran a bas paaliu pana vubuxan xasingitan e mamaaluxan.

2 Pita 1:7

e xuluna vilaana fatak aave mi taa timin a vilaana ina muluxaana mu timi e xuluna mamaaluxan aave mi taa timin a vubuxan xasingitan.

1 Jon 1:9

Tamo layaan taara taa kuusan fasavat a vilaana saat sitaara, lavaxa i taa lamon tapine e i taa saf tapin a maana saatan sitaara senaso nane a roxo xasingit e nane pife fexaxaas sena bit e voxo a ferawaian sina a tuuna.

1 Jon 2:12

Ne taxa xalei a lagasai xe simi, mu natuk, senaso a mu vilaana saat simi ri fo lamon tapinan lapaana isi Yesus.