1 Pita 2:7 - Kara

⁷ A faat aave a faat peraroxo xami aava mi namkai, taasaxa, a Xakalayan ti Kavai a kuus malaan seri aava ri pife namkai: “A faat aave, a mu rabuna ina vavesai ri baiane senaso ri lamon o a faat palau mon, taasaxa naboxo a faat aave fo savat faat roxo xasingit.” Yng 118:22

A Turoxoian Fa'ui Sina Piran

⁷ A faat aave a faat peraroxo xami aava mi namkai, taasaxa, a Xakalayan ti Kavai a kuus malaan seri aava ri pife namkai: “A faat aave, a mu rabuna ina vavesai ri baiane senaso ri lamon o a faat palau mon, taasaxa naboxo a faat aave fo savat faat roxo xasingit.” Yanganan 118:22.

1 Pita 2:7 ပူးပေါင်းရင်းမြစ်များ

Matiu 21:42

E na Yesus a kuus xe siri, “Mi pife kat paamuin a Xakalayan Taap aava kuus: ‘A Faat aava mu rabuna ina vavesai ri gilise malaan sena mo palau, a faat aave a pelalava sena xasano faat xapiak. A mo aanabe' aava maam pangaa pana ve a faisok sina Memai.” Yng 118:22,23

Luuk 2:32

A malang xena famatavas a mu rabuna aava ri pife Juda e xena tavai a mu rabuna siim aava mu Israel, pana isin lava.”

Luuk 2:34

Na Simeon a fenung xe sina Piran pari e a xuus na Maria, a ninana lak, malaan, “A lak aanabe' a Piran a siak fatie xena kawaasanaana saxanofuna ti Israel e xena fakaxup a saxanofuna. Nane ve a fakalimaanan aava maana rabuna ri taa tisuie e voxo a lamonan fufunai siri taa savat la matavas. E a matafanan malaan sena pinis modus i taa xi a viuma.”

Luuk 20:17

Na Yesus a kaalum fatak xe siri e a fiai, “Lavaxa, lana Xakalayan Taap a so ta malasuf a waan lapaana ferawaian aanabe': “A faat aava mu rabuna ina vavesai ri baiane, a faat naang xo fo savat pelalava.” Yng 118:22

A Lagasai Roxo Na Jon A Xaleie 4:42

E ri xuus a tefin aave, “Maam namkai naboxo taasaxa fufuna namkaian simaam pife sena ferawaian siim. Nemaam fatak fo langaie e maam texaas tuuna o a Mataa aanabe' ve i taa fakaxup a mu rabuna la xavala.

Faisok 26:19

“E voxo King Agripa, ne pife langai pesalai sena kaaluman siak ti la xunavata.

A Si Pol Lagasai Xe Sina Mu Rom 10:21

Taasaxa na Aisaia a ferawai sena mu Juda malaan: “La maana yaan xapiak ne talangai xe siri xena xel nari xe siak taasaxa ri fuuna tisuiau e ri langai pesalai sega.” Ais 65:2

A Si Pol Lagasai Xe Sina Mu Rom 15:31

Fenung xe sina o i taa fakaxupau xasena mu Juda pe Jerusalem aava ri tisui a Lagasai Roxo sina Piran e vaxa fenung xe sina o a mu rabuna fatak aave ri taa faamamaas pana xakaavangan aava ne fo lisan ete.

2 Korin 2:16

Xe sina saxa, taara malaan sena lasan ina maatan e xe sina xasafuna a lasan ina toyan. E nase' fexaxaas tuuna sena vil a faisok ina ngavuk lava aanabe'?

Kolaasi 2:10

E nami xo, a Piran fo tavai nami pana maana mo xapiak aava waan se Krais aava paamua ina maana angelo e mu piran ti la tavegof.

Taitus 3:3

Lamon fa'uli a mu vilaana sitaara paamuina yaan taara xaveak namkai. Netaara xa taara mu lamavaang. Taara langai pesalai sena Piran e taara faasaal. A maana vubuxanan tateak ina tataara ri pis netaara talo taara yaasok siri. Taara fuuna femaraleiai e fexinaasai e taara febaian netaara.

Hibru 11:31

E lapaana namkaian malaan na Rehaap, a tefin aava fuuna solisan a tana, a pife punuxan xuvul pana mu rabuna aava ri pife usi a Piran senaso nane fasusui e xavang a ro mataa ina paroxai ti Israel.

Hibru 4:11

Lavaxa, taara taa tafang faagut xena siak a fangaafusan aave senaso a mo saat paaliu o saxa itaara i taa faasaal malaan sena mu bu Israel aava ri pife namkai.

1 Pita 1:8

Paamua mi pife xalume taasaxa mi vubuxan xasingite e naapalaan mi pife xalume naboxo mi namkai sena e mi faamamaas faagut sena pana faamamaasan aava ferawaian simi a pife fexaxaas sena kuusane senaso a faamamaasan aave a bas pana malangan.

1 Pita 2:4

Filimaan xe sina Memai, nane ve a faat aava taxa to. A mu rabuna ina vavesai ri gigiran tapine senaso ri lamon o a faat palau mon. Taasaxa Piran a siak fatie talo i taa faat roxo paaliu.

1 Pita 2:8

E saxa Xakalayan ti Kavai fulaa a kuus: “A faat aanabe' i taa fakalaxoi a rabuna e i taa fapoxoi nari.” Ais 8:14 Ri taa kalaxoi senaso ri pife namkai sena ferawaian sina Piran e nane xo a lamon faati o ri taa usi a vilaana ina langai pesalaian aanabe'.