Romai 5:2 - Lek Jot de Jecu Kritho 1940

² yen man ci wɔ liɛp kuer ne gam buk lɔ athiɛiic, athiɛi ye wɔ kɔɔc thin; ku ne wɔ ye piɔth miɛt ne ŋath de nuɔm de Nhialic.

Romai 5:2 ပူးပေါင်းရင်းမြစ်များ

Mathayo 25:21

Go bɛnyde yɔɔk, Ye kapiath, yin ye aluaŋ piath ku nɔŋ adot: yin ci naŋ adot ne kadiaak, a yin ba taau ne kajuec nhiim. Lɔɔr ne yum de piɔu de bɛnyduic.

Welpiath ci Jɔn cithiei ke gɔɔr 10:7

Go Yecu ke bɛɛr yɔɔk, Ye we ya yɔɔk neyic, Ya ɣan ye thoŋ de thok.

Welpiath ci Jɔn cithiei ke gɔɔr 10:9

Ɣan ye thok: na ye raan ye lɔ thin ne ɣɛn, e kabi luɔk, ku kabi ya lɔ thin, ku bii bei, ku kabi te de nyuath ya yok.

Welpiath ci Jɔn cithiei ke gɔɔr 14:6

Go Yecu yɔɔk, Ye ɣan ye dhol, ku ɣan ye yic, ku ɣan ye piir: acin ran ye bɛn nenɔŋ Awa, ke ken teek ne anom.

Welpiath ci Jɔn cithiei ke gɔɔr 5:24

We ya yɔɔk neyic, Ya ran ye wɛtdie piŋ, ku gɛm en yen man ci a tuɔc, ee naŋ piir athɛɛr, ku kaci ye luɔkwei; ee thou dɛɛny ne piiric.

Dutuuc 14:27

Ɣɔn yi cik ɣet, e ke cɔl kanitha ebɛn, ku ciirki ke ka ci Nhialic ke loi kedhia, ku liem cen thoŋ de gam liɛp Juurkɔk.

Romai 11:20

Ee yic, aake dhoŋeke wei ne cuɔk gamden, ku yin ye kɔɔc ne gamdu. Duɔne nom ye dit, ye riɔc:

Romai 12:12

yaka piɔth lɔyum ne ŋath; yaka gum te ye we tɔ ne rɛɛcic; yaka dhiac ke we laŋ;

Romai 14:4

Yeŋa yin ran ye awun de ran dɛ luk? ee bɛnyde yeneka yen kɔɔc ku yuik en. Ee yic, abi ya cɔk kaac; Bɛnydit anɔŋ rir cɔk en ye kaac.

Romai 15:13

Eeyabi Nhialiny de ŋɔth bi we ya thiɔŋ ne yum de piɔu ku dɔɔr ne gam ye we gam, bak ya dit ne ŋathic, ne riɛr de Jɔŋdiit Lajik.

Romai 2:7

kɔc ye nuɔm ku rieu ku kecieluɛl kɔɔr ne piɔn liir de luɔi piath, aabi naŋ piir athɛɛr:

Romai 3:23

Kɔc kedhia aa rɛɛc loi, ku kaadɛɛk nuɔm de Nhialic;

Romai 5:5

ku ci ŋath ye yicliɛr; ne ke cii Jɔŋdiit Lajik, man e ci yiɛn wɔɔk, cen nhiɛr de Nhialic tɛk ne wɔpiɔth.

Romai 8:1

Yen emane ee ciɛn lukwei enɔŋ keek kek kɔc ye tɔ ne Yecu Krithoic, kɔc cie cath ne ke de guɔp, ye ya ke de Jɔŋdit.

Romai 8:24

Wɔ cike luɔk ne ŋath: ku ŋath ye ŋem acie ya ŋath: yeŋa ye ke ye ŋem ŋɔɔth?

1 Korinthoi 15:1

Watmathcie, we ya lɛk ne welpiath can ke we wɛɛt, ku cakka ke loom eya, ku ye we ke kɔɔc thin:

2 Korinthoi 3:18

Ku wɔɔk wɔdhia, wɔ ye ciɛn ke de kum, ku wɔ ye ciɛt mandar nuɔm de Bɛnydit ayuku nyuɔɔth, ku wɔ ye war ne yeguɔp toŋeic jal ne nuɔmic lɔ ne nuɔmic, ci ke ci bɛn enɔŋ Bɛnydit Jɔŋdit.

2 Korinthoi 4:17

Ke piɔl ye wɔ dhal, ye ke de emane, ee wɔ yiɛn thiɛk diit de nuɔm athɛɛr;

Epethioi 2:18

Wɔ ye ciith enoŋ Awada ne Jɔŋdiit tok ne yen.

Epethioi 3:12

yen man ye wɔ ŋeeny ku ye thoŋdɛn ye ɣɔr ne nompaal ne gam ye wɔ ye gam.

Epethioi 6:13

Yen jatka ka ke gel ye ceŋ ke Nhialic, bak kɔɔc ya leu ne akol rac, ku te ci we ke tiam kedhia, ke we ye kɔɔc.

2 Thethalonikei 2:16

Eewuubi Bɛnydiitda Yecu Kritho ne guɔpde, ku Nhialic Awada man ci wɔ nhiar ku yin wɔ duɔt de piɔu athɛɛr ku ŋath piath ne athiɛi,

Eberuu 3:6

ku ye Kritho naŋ adot ne ɣonde nom ebɛn ɣɔn yen wa; ku wɔ eka ye ya ɣonde, te ye wɔ ŋeenyda muk arir ku nuɔm de ŋathda agut wada.

Eberuu 6:18

buk ya naŋ ŋeeny dit, ne ka ceke leu ne wɛɛr keerou, ka cii e Nhialic ke lueth leu ne tɔr, ne wɔ wɔ kɔc ci kɛt te nɔŋ kony buk ŋath ci taau ne wɔnhiim kuɔk;

1 Petero 3:18

Ne ke ci Kritho kan gum eya ne kerac, gum Kelajik ne kɔc ce lajik, bi wɔ lar enɔŋ Nhialic; ku ci cɔk thou ne riiŋ, ku jɔl ya piir ne tiɛp:

Nyooth 21:11

ke nɔŋ nuɔm de Nhialic: ku cit ɣɛrde kuur piath areet, cit kuur de jathpi, le car ci kuruthalo:

Nyooth 21:23

Ku ci baai akɔl beer ŋaŋ, ku pɛɛi, bik ya ruɛr: ne ke ye nuɔm de Nhialic ye meer, ku ye Nyɔk ye lambade.

Nyooth 21:3

Ku piɛŋ ror dit ne thoocic ne jam, Ye ŋɛmka, akema de Nhialic atɔ ke kɔc, ku kabi ya ceŋ kene keek, ku kaabi ya ya kɔcke, ku Nhialic ne guɔpde abi ya tɔ kene keek, bi ya ya Nhialinyden:

Nyooth 3:21

Ran ye tiam, aba cɔk nyuc kene ɣɛn ne thonydie nom, ci man e can tiam eya, ku nyuɔɔc ne thony de Wurdie nom wɔne yen.