Pilipoi 2:2 - Lek Jot de Jecu Kritho 1940

² ke we yaka yumdien de piɔu cɔk ye ya yic, bak ya naŋ taŋ thoŋ, ku yaka naŋ nhiɛr thoŋ, yaka mat ne tok, yaka naŋ piɔn tok,

Pilipoi 2:2 ပူးပေါင်းရင်းမြစ်များ

Welpiath ci Jɔn cithiei ke gɔɔr 3:29

Ran nɔŋ nya, yenekee ran de thiek: ku mɛthe de ran thiek, ye kɔɔc ku piŋ, ee piɔu lɔyum areet ne ror de ran thiek: yene miɛtdien de piɔu ee jal ya yic.

Dutuuc 1:14

Ku dhiacki e ke laŋ Nhialic areet etok kene diar ku kene Mari, man e Yecu, ku kene mithakɛcke.

Dutuuc 2:1

Ɣɔn ye akol e Thiɛrdhiec ye bii, ke kɔc gueer tetok.

Dutuuc 2:46

Ku ye kɔc cool e te ye lɔ mat yekalu ne akol yic, ku lek monoi waak ne bɛiken,

Dutuuc 5:12

Ku ciit juec ku kagɛieke kaa loi ne kɔc nyin ne dutuuc cin. Goki ya gueer etok kedhia ne akuanh de Tholomonic.

Romai 12:16

Yaka piɔth thoŋ ne roth. Duɔka piɔth ye naŋ ka ke bany; yaka piɔth kuur. Duɔka nhiimkuɔn ye cɔk dit ne nyiny de kaŋ.

1 Korinthoi 1:10

Yen yemane we laŋ keek, watmathcie, ne rin ke Bɛnydiitda Yecu Kritho, bak ya jam ne wɛt tok, ku cin ke ye we puɔk yic; ku bak ya mat apiath ne taŋ tok ku ne luŋ tok.

2 Korinthoi 13:11

Kaŋ cok eka, we mɛɛth, dɔŋka. Ne we ye lɔcap; ne we ye duut piɔth, ne we ye naŋ piɔn tok; yaka ceŋ ne dɔɔr; ku Nhialiny de nhiɛr ku dɔɔr abi ya tɔ ke we.

2 Korinthoi 2:3

Ɣan e gar yekene, kɛlke, na miak ku laar, ke an yok rɛɛc de piɔu enɔŋ kɔc ete lan ke piɔu yum; ne gei yan rɔt gɛi week wedhia, ke lɔyumdien de piɔu ye ya lɔyumduɔn de piɔu wedhia.

2 Korinthoi 7:7

ku kacie bɛnde yetok, ee duɔt e cene ye duut piɔu ne weyic eya, ee wɔ cɔk piŋ kɔɔrduɔn, ku dhienduɔn, ku tɛŋ piɛthduɔn ne ɣɛn; a guɔ piɔu jal miɛt areet.

Pilipoi 1:4

ku te yan lɔŋ ne we wedhia, ke ɣan ye lɔŋ ne lɔyum de piɔu.

Pilipoi 2:16

ku yaka wɛt de piir muɔk nhial, ba naŋ ke bene ɣa lɛc nom ne kol de Kritho, ya kɛn ya riŋ ne ciɛlic ku kɛn ya lui ne ciɛlic.

Pilipoi 2:20

Acin ran dɛ cite yen, bi diɛr areet ne ceŋduɔn ci yen.

Pilipoi 4:2

Ɣan ye Ewodia yɔɔk, ku yɔɔk Thuntuke, ya bik piɔth ya thoŋ ne Bɛnyditic.

Kolothai 2:5

Na cak guɔp ya liu, ke ɣan ye tɔ wɔne week ne tiɛp, ya piɔu lɔyum ku ya daai ne kɔɔcduɔn, ku cuɔk wɛk de gamduɔn ne Krithoic.

2 Thethalonikei 2:13

Wɔ bi Nhialic ya dhiil ne lɛc ne nyindhia ne week, mɛɛthkuɔk nhiarke ke Bɛnydit, ne lony ee ci Nhialic we lɔc ne acitnom loc we luak ne lajiŋ de Jɔŋditic ku gam de yic:

2 Timotheo 1:4

ya yi ŋaŋ ne ŋem, ku ɣan ye piu ke yinyin tak, bi ɣa ya thiɔŋ ne yum de piɔu.

Pilemon 1:20

Ee yic, wanmaath, ne an mit piɔu ne yi ne Bɛnyditic: cɔk piɔndie cɔk ye ke jot ne Krithoic.

2 Jɔn 1:4

An mit piɔu areet ne ke can mithkuk kɔk yok e ke ye cath ne yith yic, ci man ci wɔ loŋ loom enɔŋ Wun.

3 Jɔn 1:4

An ee ken piɔu kan lɔyum ci emane te piɛŋ an mithcie ne ye cath ne yicic.