Nyooth 3:5 - Lek Jot de Jecu Kritho 1940

⁵ Ran ye tiam abi ya piɔth yala ne alath ɣer; ku rinke aacaake bi kan cuɔth wei ne kitap de piiric, ku rinke aabake gam ne Awa nom, ku ne malaikaike nhiim.

Nyooth 3:5 ပူးပေါင်းရင်းမြစ်များ

Mathayo 10:32

Yen raan ebɛn ran ye ɣa gam ne kɔc nhiim, yeneka ba gam ne Awa man tɔ nhial nom.

Welpiath ci Luk cithiei ke gɔɔr 10:20

Ku duɔka piɔth ye miɛt ne yekene, ne gam ci jak rac we ya gam; yaka piɔth miɛt ne gaar cene rinkuɔn gɔɔr pan nhial.

Welpiath ci Luk cithiei ke gɔɔr 12:8

Ku we ya yɔɔk, Ya raan ebɛn ye ɣa gam ne kɔc nhiim, yeneka bii Wen de raan gam eya ne malaikai ke Nhialic nhiim:

Pilipoi 4:3

Ee yic, ku yin laŋ eya, yin ran yic mɛt wene ɣɛn, ya kony keediarka, aa lui kene an ne welpiath yic, kene Keleme eya, ku kɔc kɔk ye lui kene an, keek kek kɔc ceneke rinken gɔɔr ne kitam de piiric.

Juda 1:24

Eeyabi nuɔm, ku baany, ku dit ku riɛr bik ya tɔ kene Nhialiny tok Duluɛŋda, yen man ye we leu ne gel bak cuɔk ye yuik, ku ye we bɛi ne nuɔmde nom te cin awac ne lɔyum diit de piɔu, ne Yecu Kritho Bɛnydiitda athɛɛr wada. Amen.

Nyooth 13:8

Ku kabii raan ebɛn ya door ran ceŋ tiɔp nom, raan ebɛn ran kene rinke gaar ne kitapic kitam de piir de Nyɔŋ e nɛk ɣɔn gɔɔce piny.

Nyooth 17:8

Yelan ca ŋeme ee tɔ, ku kaliu, ku kalɔ ke bɔ bei ne abithic, ku kalɔ ne maaric. Ku kɔc ceŋ tiɔp nom aabi gai, kɔc keneke rinken gaar ne kitap de piiric elan e gɔɔce piny, te ye kek lɛi ŋem, lan e yen tɔ, ku ci liu, ku bi tɔ.

Nyooth 19:8

Ku kee ci pal bi rɔt piɔth ne alanh linon lɔ nip, ke ɣer ku le car: alanh linon lɔ nip yenekee luɔi lajiŋ de kɔc cithiei.

Nyooth 2:11

Ran nɔŋ yith, ke ne piŋ ke lekne Jɔŋdit lek kanithaai. Ran bi ya tiam aci bi bɛɛr cɔk tok ne thon de rou.

Nyooth 2:7

Ran nɔŋ yith, ke ne piŋ ke lekne Jɔŋdit lek kanithaai. Ran ye tiam, yenekee ran ba cɔk ye cam ne tim de piir, tim ye tɔ ne Paradeitho de Nhialicic.

Nyooth 20:12

Guɔ kɔc ci thou ŋem, kɔc thii ku kɔc dit, e kee kaac ne thooc nom; ku ci kitaap liep yic: go kitam dɛ liepic, kitam de piir: ku luuke kɔc ci thou ne ka ci gaar ne kitaap yic, ci man de luɔiden.

Nyooth 20:15

Ku ran kene yok rin ne kitam de piiric ee ci cuat bar de mac.

Nyooth 21:27

ku kacin ke thin cool bi kan ya lɔ thin, ku ran ye karac loi ku ye lueth toor: ye ya kɔc ci gaar ne kitam de Nyɔk de piiric.

Nyooth 22:19

ku na nɔŋ ran nɔŋ ke nyiɛɛi ne wel ke kitam de yenyoothe, ke Nhialic abi biakde nyaai ne tim de piiric, ku ne pan lajikic, ka ci gɔɔr ne yekitameic.

Nyooth 3:12

Ran bi tiam aba cɔk ye meen de luaŋ de Nhialinydie, ku cii beer kan ya lɔ biyic thin, ku rin ke Nhialinydie aabake gaar ne yekɔu, ku rin ke pan de Nhialinydie, Jeruthalem jot, man bi bɛn piny nhial enɔŋ Nhialinydie, ku gaar rin jotcie.

Nyooth 3:4

Ku yin nɔŋ kɔc diaak ne Thardith kɔc ken alɛthken cool: ku kaabi ya cath kene ɣɛn e ke ɣer; ne ke ye kek piath.

Nyooth 6:11

Go ŋɛk ne keek go ya yiɛn alanh ɣeer tok; ku yooke keek, ya bik yok e ke lɔŋ emaath, agut te bene aluɛk kɔk ye lui kene keek eya ku watmathken, kɔc bike nɔk ci keek, kan dhiɛl piny.