Nyooth 3:21 - Lek Jot de Jecu Kritho 1940

²¹ Ran ye tiam, aba cɔk nyuc kene ɣɛn ne thonydie nom, ci man e can tiam eya, ku nyuɔɔc ne thony de Wurdie nom wɔne yen.

Nyooth 3:21 ပူးပေါင်းရင်းမြစ်များ

Mathayo 19:28

Go Yecu ke yɔɔk, Ye we ya yɔɔk neyic, Ya na miak ne kol jot te bi Wen de raan nyuc ne thonyden de nuɔm nom, ke we man ye ɣa biɔthka we bi ya nyuc eya ne thoc keethiɛr ku rou, ku luɔkka jur de Yithrael thiɛr ku rou.

Mathayo 25:21

Go bɛnyde yɔɔk, Ye kapiath, yin ye aluaŋ piath ku nɔŋ adot: yin ci naŋ adot ne kadiaak, a yin ba taau ne kajuec nhiim. Lɔɔr ne yum de piɔu de bɛnyduic.

Mathayo 28:18

Go Yecu lɔ enɔŋ keek, ku yook keek, jiɛm, Ye riɛr ebɛn ee yiɛn ɣa nhial ku piiny.

Welpiath ci Luk cithiei ke gɔɔr 22:30

bak ya cam ku dɛkka ne agendie nom ne ceŋdieic; ku bak ya nyuc ne thoc nhiim, yaka juur keethiɛrkurou ke Yithrael luk.

Welpiath ci Jɔn cithiei ke gɔɔr 13:32

Na ye Nhialic ye nom ne yen, ke kabii Nhialic noom ne guɔpde, ku kabi noom nelantoŋtɛi.

Welpiath ci Jɔn cithiei ke gɔɔr 16:33

Keekake aacake lɛk week, ya bak naŋ dɔɔr ne ayic. Piny nom aye we naŋ ka ye we dhal: ku yaka piɔth miɛt; an ci piny tiam nom.

2 Timotheo 2:12

na yuku gum, ke wɔ bi ya ceŋ etok wɔne yen: ku na buk ye ya jai, e kabi wɔ ya jai eya:

Nyooth 1:6

ku ci wɔ cɔk ye ceŋ, ku cɔk wɔ ye bany ke ka ke Nhialinyde ku ye Wun. Amen.

Nyooth 12:11

Ku kee tiamki ne riɛm de Nyɔk ku ne wɛt de lekden; ku cik piirden ye nhiar agut thou.

Nyooth 17:14

Keekake aabi thɔr kene Nyɔk, ku kaabii Nyɔk ke tiam, ne ke yen Bɛnydiit de bany, ku ye Meleŋ de meleek; ku kɔc rɛɛr kene yen aabi ya tiam eya, kɔc ci cɔɔl ku cike lɔc ku yiki naŋ adot.

Nyooth 2:7

Ran nɔŋ yith, ke ne piŋ ke lekne Jɔŋdit lek kanithaai. Ran ye tiam, yenekee ran ba cɔk ye cam ne tim de piir, tim ye tɔ ne Paradeitho de Nhialicic.

Nyooth 20:4

Guɔ thoc ŋem, ku kɔc rɛɛr ne kenhiim, ku ci ke yiɛn luɔk: ku ŋem tip ke kɔc ci tɛɛm nhiim wei ne lek de Yecu, ku ne wɛt de Nhialic, ka ken lɛi ya door, ku kecithɔɔŋde, ku kenki ciit loom ne kenhiim thook ku ne kecin; goki ya ceŋ, ku yiki dɔk kene Kritho ne run keebianabur.

Nyooth 20:6

Raan ee thiei ku ye lajik ran nɔŋ biakde ne jon de rɔt tueŋic: keekake acine thon de rou ke riɛr; aabi ya bany ke ka ke Nhialic ku ka ke Kritho, ku kaabi ya dɔk kene yen ne run keebianabur.

Nyooth 5:10

ku ca ke loi e ke ye ka ke ceŋ de Nhialinyda, ku yiki bany ke ka ke Nhialic, ku bik piny ya dɔk nom.

Nyooth 6:2

Guɔ anyin jɔt, ke ajɔŋkoor ɣer tul, ku ran ci nyuc ne yekɔu ee muk dhaaŋ; ku ci yiɛn gol: go bɛn bei ke tiɛm, ku bi lɔ tiam.

Nyooth 7:17

ne ke biie Nyɔŋ ye tɔ ne thooc ciɛlic ke ya biɔɔk, ku ye ke ŋaar te de awaŋgɛɛk ke piu ke piir: ku kaabii Nhialic ke piu ya wɛɛc wei ne kenyin.