Nyooth 2:23 - Lek Jot de Jecu Kritho 1940

²³ Ku mithke aaba ya nɔk ne thuɔu; ku kabii kanitha ebɛn nyic lan yen ɣan e ye piɔth kɔɔr yic ku kathin: ku ŋɛk ne week aba ya miɔc ci man de luɔide.

Nyooth 2:23 ပူးပေါင်းရင်းမြစ်များ

Mathayo 16:27

Wen de raan abi bɛn ne nuɔm de Wun kene malaikaike; ku bi raan ebɛn tɛk ne luɔide.

Welpiath ci Luk cithiei ke gɔɔr 16:15

Go ke yɔɔk, Ye we ye roth cɔk lajik ne kɔc nyin; ku Nhialic ee we nyic piɔth: ke ye leec areet ne kɔc ee ya ke man ne Nhialic nyin.

Welpiath ci Jɔn cithiei ke gɔɔr 21:17

Go bɛr thiec naadiak, Ye Thimon, wen de Jɔn, ye ɣa nhiar? Go Petero piɔu dhiau ne ke cen e thiec naadiak, Ye ye ɣa nhiar? Ku yook, Ye Bɛnydit, yin ye kaŋ nyic kedhia; ku kanyic ke yin ya nhiar. Go Yecu yɔɔk, Ye ye dauciɛk ke amɛl miɛɛth.

Welpiath ci Jɔn cithiei ke gɔɔr 4:16

Go Yecu yɔɔk, Ye lɔ cɔl monydu, ku baka etene.

Dutuuc 1:24

Goki lɔŋ ku jamki, Ya yin, Bɛnydit, yin man nyic kɔc piɔth kedhia, nyuɔthe wɔɔk ran ca lɔc ne keekɔcke keerou,

Romai 14:12

Yen raan ebɛn de wɔɔk abi luɔide ciɛr Nhialic.

Romai 8:27

ku yen man ye piɔth kɔɔr yic yeneka nyic tɛŋ de Jɔŋdit, ne ke yen lɔŋ ne kɔc cithiei ci man de piɔn de Nhialic.

2 Korinthoi 5:10

Wɔ wɔdhia wɔ bi tic dhiil ne luŋ de Kritho nom; a ŋɛk abi ka ke guɔp cike loi loom, ci man de keden ci loi, te piɛth en ka te rɛɛc en.

Galatai 6:5

Ŋɛk abi anuande ya ɣaac yetok.

Eberuu 4:13

Ku kacin ke cie lɔ gek ne yenyin ne ka eke ciɛkke: keriɛc ebɛn ee tat ku kee ɣɔɔr ne yenyin, ye yen man nɔŋ wɔ luɔi.

1 Petero 1:17

Ku na yaka ye cɔɔl Wuɔrduɔn yen man ye luk apiath ci man de luɔi ye ŋɛk loi, ke we yaka reer e tiɔp nom ne rieu:

Nyooth 2:11

Ran nɔŋ yith, ke ne piŋ ke lekne Jɔŋdit lek kanithaai. Ran bi ya tiam aci bi bɛɛr cɔk tok ne thon de rou.

Nyooth 2:7

Ran nɔŋ yith, ke ne piŋ ke lekne Jɔŋdit lek kanithaai. Ran ye tiam, yenekee ran ba cɔk ye cam ne tim de piir, tim ye tɔ ne Paradeitho de Nhialicic.

Nyooth 20:12

Guɔ kɔc ci thou ŋem, kɔc thii ku kɔc dit, e kee kaac ne thooc nom; ku ci kitaap liep yic: go kitam dɛ liepic, kitam de piir: ku luuke kɔc ci thou ne ka ci gaar ne kitaap yic, ci man de luɔiden.

Nyooth 20:13

Ku gɛm bar kɔc ci thou ne yeyic; ku gɛm thou kene pan de atip ke kɔc gɛmki ka tɔ ne keyic, go ke luɔɔk ŋɛk ci man de ke e ye loi.

Nyooth 22:12

Ŋɛmka, ɣan bi dai bɛn; ku ariɔmdie atɔ kene ɣɛn, ŋɛk aba riɔp ci man de luɔide.

Nyooth 6:8

Guɔ anyin jɔt, ke ajɔŋkoor ŋok tul: ku ran ci nyuc ne yekɔu, ee cɔɔle rinke Thou; ku biɔth pan de atip ke kɔc cok. Ku cike yiɛn riɛr ne biak de ŋuan de tiɔp, bik ya nɛk ne theep, ku ne pawɛɛr, ku ne thuɔu, ku ne lai roor ke tiɔp nom.