Nyooth 2:13 - Lek Jot de Jecu Kritho 1940

¹³ Ye luɔidu aya nyic ku te yin ceŋ thin, agut te tɔe thony de Catan thin: ku yin ye rincie muɔk adot, ku yin ken gamdie akɛne ya jai, agut ci man ɣɔn ne akol ke Antipa duleŋdie, randien nɔŋ adot, ci nɔk ne weyic, te ye Catan ceŋ.

Nyooth 2:13 ပူးပေါင်းရင်းမြစ်များ

Mathayo 10:23

Na ye we ŋet pane, ke we yaka kɛt pane: we ya yɔɔk neyic, Ya we ci bɛi dit ke Yithrael bi bak yic ke Wen de raan ŋoot ke ken bɛn.

Mathayo 24:9

Ku kaabi we ya yiɛn dhieu, ku yiki we nɔk bak thou: ku we bi ya maan ne juɔɔr ebɛn ne rincie.

Mathayo 4:10

Go Yecu yɔɔk, Ye nyai, Catan: ee gɔɔr, Ya yin bi Bɛnydit Nhialinydu aba ya door, ku kede yetok eka ba ya loi.

Welpiath ci Luk cithiei ke gɔɔr 21:17

Ku we bi ya maan ne raan ebɛn ne ke de rincie.

Dutuuc 22:20

ku ɣan e kaac tethiɔk ɣɔn nɛkne Thepano duleŋdu, guɔ thonde gam, ku muɔk alɛth ke kɔc eke nak e.

Dutuuc 9:14

ku kanɔŋ riɛr eene riɛr de banydit ke ka ke Nhialic bi kɔc rek kedhia kɔc gam rinku.

1 Thethalonikei 5:21

yaka kaŋ kedhia them; yaka ke ye kepiath muk arir;

1 Timotheo 5:8

Na nɔŋ ran ci dhiende ye dɔp, ku kee nyin dit enɔŋ kɔcke, e kee gam cok ya jai, ku ye ran ken gam wuɔr ne rɛɛc.

2 Timotheo 1:13

Ye cok ke wel yith cake piŋ enɔŋ an ye ke muk, ne gam ku ne nhiɛr ka ye tɔ ne Yecu Krithoic.

2 Timotheo 2:12

na yuku gum, ke wɔ bi ya ceŋ etok wɔne yen: ku na buk ye ya jai, e kabi wɔ ya jai eya:

Eberuu 10:23

ku ne wɔ ye gam de ŋathda muk arir bi ya cuɔk ye yai; yen man e luel kaake ee naŋ adot:

Eberuu 3:6

ku ye Kritho naŋ adot ne ɣonde nom ebɛn ɣɔn yen wa; ku wɔ eka ye ya ɣonde, te ye wɔ ŋeenyda muk arir ku nuɔm de ŋathda agut wada.

Jakob 2:7

Cik rin piath ye laat, rin ceneke we cak?

Nyooth 1:5

ku tenɔŋ Yecu Kritho, man ye duleŋ nɔŋ adot, ku ye ya wɛnkaai de kɔc ye thou, ku ye ya medoŋ de meleek ke tiɔp nom. Eeyabi nuɔm ku ceŋ bik ya tɔ kene yen athɛɛr wada, yen man ye wɔ nhiar, ku ci wɔ lony ne rɛɛcda ne riɛmde,

Nyooth 11:3

Ku duleekcie keerou aabake taau, ku kaabi nyooth ne bianabur tok ku thiɛrnyɛny rou ku thiɛrdhetem de nin, e ke ci pioth ne alɛth ke cual.

Nyooth 12:11

Ku kee tiamki ne riɛm de Nyɔk ku ne wɛt de lekden; ku cik piirden ye nhiar agut thou.

Nyooth 13:2

Ku yelan ca ŋeme ee cit kuac, ku cit cok bear, ku cit thok cuɛr: go darakon yiɛn aŋoŋde, ku thonyde, ku riɛr dit.

Nyooth 14:12

Liɛr de piɔu de kɔc cithiei eke, kɔc ye looŋ ke Nhialic muk, ku gam de Yecu.

Nyooth 17:14

Keekake aabi thɔr kene Nyɔk, ku kaabii Nyɔk ke tiam, ne ke yen Bɛnydiit de bany, ku ye Meleŋ de meleek; ku kɔc rɛɛr kene yen aabi ya tiam eya, kɔc ci cɔɔl ku cike lɔc ku yiki naŋ adot.

Nyooth 17:6

Guɔ tiik ŋem ne ci miɔl ne rim ke kɔc cithiei, ku ne rin ke duleek cike nɔk ke Yecu. Ana wen ya ŋɛm yen, ka gɛi ne gai dit.

Nyooth 2:2

Ye luɔidu aya nyic, ku luɔidun thiekic, ku liɛrdun de yipiɔu, ku cuɔk mandu wene kɔc rac, ku them cin kɔc ye roth cɔɔl dutuuc, ku cik ye keek, ya them, go ke yok e ke ye kɔc ke adhuɔm;

Nyooth 3:11

Ɣan bi dai bɛn: kuak ke tɔ ke yin arir, bi ciɛn ran bi goldu loom.

Nyooth 3:3

Yen ciɛte yinom ne loom cin loom ku piŋ cin piŋ; ku ye muk, ku wel yipiɔu. Yen na cii ye tiit, ke ɣan bi bɛn ci rueeny, ku yin bi thaadien de bɛn enɔŋ yin aba kuc.