Nyooth 1:8 - Lek Jot de Jecu Kritho 1940

⁸ Ɣan ye Alpa ku ya Omega, aluel Bɛnydit Nhialic, ɣan man ye tɔ, ku ne ɣan ye tɔ ku ba bɛn, ɣan man Nɔŋ Riɛr Ɛben.

Nyooth 1:8 ပူးပေါင်းရင်းမြစ်များ

2 Korinthoi 6:18

Ku an bi ya ya Wuɔrduɔn, Ku we bi ya ya wɛɛtcie ku nyaldie, yeneka luel Bɛnydiit Nɔŋ Riɛr Ebɛn.

Nyooth 1:11

jiɛm, Ye ɣan ye Alpa ku ya Omega, ya tueŋ ku ya can; ku ke ye ŋem ye gaar ne kitapic, ku thane enɔŋ kanithaai keedherou; go ya Epetho, ku Thumurna, ku Pergamo, ku Thuatira, ku Thardith, ku Piladelpia, ku jɔl ya Laodikia.

Nyooth 1:17

Ana wen aca ye ŋem, ka cuɛt rɔt piny ne yenom ci ke ci thou. Go ciin cuecde go kan a, ku jiɛm, Ye duɔne riɔc; ɣan tueŋ ku can eka,

Nyooth 1:4

Jɔn agɛr kanithaai keedherou kanithaai tɔ ne Athia; Ye keeyabi athiɛi ku dɔɔr ya bɛn enɔŋ week, enɔŋ en yen man ye tɔ, ku ne ye tɔ, ku bi bɛn; ku tenɔŋ Jakdit keedherou ye tɔ ne thonyde nom;

Nyooth 11:17

jamki, Yi yin yuku leec, Yin Bɛnydit Nhialic, Nɔŋ Riɛr Ebɛn, man ye tɔ ku ne ye tɔ; ne ke cin riɛr diitdu loom, ku ca ya dɔk.

Nyooth 15:3

Ku yiki din de Mothe aluaŋ de Nhialic yiki ket, ku din de Nyɔk, yiki jam, Yi ka yeke loi aadit ku kaayeneke gai, Yin Bɛnydit Nhialic, Nɔŋ Riɛr Ebɛn; dhɔlku aalajik ku kaaye yith, yin Meleŋ de run.

Nyooth 16:14

aaye tip ke jak rac, ye ciit loi; ka ye lɔ enɔŋ meleek ke tiɔp nom ebɛn, bik ke lɔ kuɔt yic bik thɔr ne tɔŋ de kol diit de Nhialic, Nɔŋ Riɛr Ebɛn.

Nyooth 16:7

Ku piɛŋ kan de koc ne jam, Ye kee yic, Yin Bɛnydit Nhialic, Nɔŋ Riɛr Ebɛn, luɔkku aalajik ku kaaye yith.

Nyooth 19:15

Ku ye them moth ye rɔt cuɔk bei ne yethok, ben wɛl nɔk: ku bi ke ya dɔk ne wanweeth: ku ye ke de nhieny de piukeabiɛi de lɛth de ɣok de Nhialiny Nɔŋ Riɛr Ebɛn ye dum.

Nyooth 19:6

Ku piɛŋ ror cit ror de dun dit, ku cit apuɔu de piau, ku mar diit riir de deŋ, ne jam, Ye Aleluya: ne ke ye Bɛnydit Nhialinyda, Nɔŋ Riɛr Ebɛn, yen dɔk.

Nyooth 2:8

Ku gare malaika de kanitha tɔ ne Thumurna; Wu ya keekake aaluelke ne tueŋ ku can, man e ci thou, ku beer piir:

Nyooth 21:22

Ku cin luaŋ ŋɛm thin: ne ke yen ya Bɛnydit Nhialiny Nɔŋ Riɛr Ebɛn, ku Nyɔk, kek ye ya luak thin.

Nyooth 21:6

Ku yook ɣa, Ye kaa tuɔm. Ɣan ye Alpa ku ya Omega, ya gɔc ku ya thok. Ran ye yal aba ya yiɛn awaŋgaak de piu ke piir ne nompaal.

Nyooth 22:13

Ɣan ye Alpa ku ya Omega, ya tueŋ ku ya can, ya gɔc ku ya thok.

Nyooth 4:8

Ku keelaike keeŋuan ye piir aaye tok ke naŋ wuɔk keedhetem, ku cik thiaŋ ne nyin biyic ku ne bianthin. Ku kaaye ciɛn lɔŋ ne akol yic ku ne weer yic, yiki jam, Yi Lajik, lajik, lajik, ee ya ke de Bɛnydit Nhialic, Nɔŋ Riɛr Ebɛn, man e tɔ, ku ye tɔ, ku bi bɛn.