Nyooth 1:18 - Lek Jot de Jecu Kritho 1940

¹⁸ ɣan Keyepiir; ku ɣan ee ci thou, ku ŋem, an ye piir agut awɛdɛ, ku an eka nɔŋ muktaar ke thou ku ka ke pan de Tip ke kɔc.

Nyooth 1:18 ပူးပေါင်းရင်းမြစ်များ

Mathayo 11:23

Ku yin Kapernaum, bi yi jat pan nhial? Yin bi laar piny pan de tip ke kɔc. Nee kadit loike ne Thɔdom, ci man loie ke ne yiyic, e kee te ci dhiac agut ci yemane.

Mathayo 16:19

Ku yin ba yiɛn muktaar ke ceŋ de pan nhial: ku ke ba ya deer piiny abi ya deer pan nhial: ku ke ba ya lony piiny abi ya lony pan nhial.

Welpiath ci Luk cithiei ke gɔɔr 24:5

ana yii riɔcki, ku gutki kenyiin piny, e ke yookki ke, Yii yeŋo ye we ran piir kɔɔr te de kɔc ci thou?

Welpiath ci Jɔn cithiei ke gɔɔr 11:25

Go Yecu yɔɔk, Ye ɣan ye jon de rɔt, ku ya piir: ran ye ɣa gam, ku ne ci cak thou, e kabi piir:

Welpiath ci Jɔn cithiei ke gɔɔr 14:19

Kɔc ke ka ke piny nom aaci ɣa beer ŋem miak ne ninka; ku we bi ɣa ya ŋem: piir yan piir abi we ya piir.

Romai 6:9

Anyicku Kritho, man ci rɔt bɛr jɔt ne thouic, ace thou ber leu; thou aci ber ya riɛr ne yen.

2 Korinthoi 13:4

ne ci cak piat ne niɔp, ke kee piir ne rir de Nhialic. Wɔ ye niɔp eya ne yeyic, ku wɔ bi ya piir wɔne yen ne riɛr de Nhialic ne keduɔn.

Galatai 2:20

Ɣan ci piaat wɔne Kritho; ku an dhiac ka piir; ku kace beer ya ɣɛn, ee Kritho yene ye piir ne ɣaic: ku yepiir yan piir ne ɣaguɔpe ayan piir ne gam, gam ye tɔ ne Wen de Nhialicic, man e ci ɣa nhiar, ku gɛm rɔt ne ɣɛn.

Kolothai 3:3

We ci thou, ku piirduɔn ee thian kene Kritho ne Nhialicic.

Eberuu 1:3

man ye ya mer de nuɔmde, yen yen man ye guɔpde ciɛt en ebɛn, ku ye kaŋ muk kedhia ne wɛt de riɛrde, ɣɔn cen karɛckuɔ puk, ke jɔl nyuc ne ciin cuec de Kediitgok nhialic;

Eberuu 12:2

ku yuku Yecu ɣoi man ye gamda gɔɔc ku ye cɔk lɔcap, yen man e gum tiɛm ageer ne yum de piɔu ci taau tueŋ ne yenom, tɔɔn en yicliɛr, ku jɔl lɔ reer ne ciin cuec de thony de Nhialic.

Eberuu 7:16

ci cak ne riɛr de piir cin thok, ku cie loŋ de raan:

Eberuu 7:25

Yen ee kɔc leu ne luak taiwei, kɔc ye roth cuɔt Nhialic ne yen, abii ceŋden yen ceŋ athɛɛr ya cɔk laŋ ne keek.

Nyooth 10:6

ku kueeŋ mel ne yen yen man ye piir athɛɛr wada, man e cak nhial ku ka ye tɔ ne yeyic kedhia, ku piny kene ka ceŋ enom kedhia, ku bar kene ka ye tɔ thin kedhia, ye bi bɛɛr ciɛn akol kɔk:

Nyooth 15:7

Go toŋ de lai ye piir keeŋuan go malaikai keedherou yiɛn aduuk ke wɛnhjini keedherou ne thiaŋ ne ɣok de Nhialic, man ye piir athɛɛr wada.

Nyooth 2:8

Ku gare malaika de kanitha tɔ ne Thumurna; Wu ya keekake aaluelke ne tueŋ ku can, man e ci thou, ku beer piir:

Nyooth 20:13

Ku gɛm bar kɔc ci thou ne yeyic; ku gɛm thou kene pan de atip ke kɔc gɛmki ka tɔ ne keyic, go ke luɔɔk ŋɛk ci man de ke e ye loi.

Nyooth 20:14

Ku cuɛte thou kene pan de atip ke kɔc cuɛteke bar de mac. Yekene yenekee thon de rou, ye bar de mac.

Nyooth 3:7

Gare malaika de kanitha tɔ ne Piladelpia; Wu ya keekake aaluelke ne yen yen man lajik, ku ye ya yic, ku ye tɔ ke muktar de Dabid, yen man ye liep, ku cin ran bi e ya leu ne thiek, yen man ye thieek, ku cin ran leu e ne liep:

Nyooth 4:9

Ku na ye keelai ye piirke ye yiɛn nuɔm ku rieu ku lɛc yen man ye reer ne thooc nom ku ye ceŋ athɛɛr,

Nyooth 5:14

Go lai keeŋuan ye piir jam, Yi Amen. Ku cuɛt roordit roth piny duurki.

Nyooth 6:8

Guɔ anyin jɔt, ke ajɔŋkoor ŋok tul: ku ran ci nyuc ne yekɔu, ee cɔɔle rinke Thou; ku biɔth pan de atip ke kɔc cok. Ku cike yiɛn riɛr ne biak de ŋuan de tiɔp, bik ya nɛk ne theep, ku ne pawɛɛr, ku ne thuɔu, ku ne lai roor ke tiɔp nom.

Nyooth 9:1

Go malaika de dhiec go kuth, guɔ cieer ŋem ne ci loony ne tiɔp nom pan nhial: ku kee ci yiɛn muktar de thuɔɔth de abith.