Mathayo 24:24 - Lek Jot de Jecu Kritho 1940

²⁴ Krithoi ke adhuɔɔm ku nebii ke adhuɔɔm aabi tuɔl, ku kaabi cit dit ku kagɛiyeke nyuɔɔth; bik kɔc yiɛc wei, aɣet kɔc cike lɔc.

Mathayo 24:24 ပူးပေါင်းရင်းမြစ်များ

Mathayo 22:14

Juaac aye cɔɔl, ku kalik keeka ye lɔc bei thin.

Mathayo 24:11

Ku nebii juec ke adhuɔɔm aabi ya tuɔl, ku yiki juaac yiɛc wei.

Mathayo 24:22

Ku ne keeakolke ken yic ciɛk, ee te cin ran ci luɔk: ee bian de kɔc cike lɔc yeneka cɔk ke ciek.

Mathayo 24:25

We cake lɛk ke ŋoot wei.

Mathayo 24:31

Ku kabi malaikaike tooc ne awuɔɔu dit de tuŋ, ku bik kɔckek cike lɔc kuɔɔt yic ne yom ye yic ŋuan, ciɛk ne nhial ŋeep lee guɔt ŋeme.

Mathayo 24:5

Juaac abi bɛn ne rincie, ku ye jam, Ye ɣan ye Kritho; ku bi juaac ya yiɛc wei.

Mathayo 7:15

We ya nyiɛn ne nebii ye we dhoom, ye bɛn enɔŋ week e ke ceŋ biɔŋ ke amɛl; ku cik wath ne biɔk thin yiki baŋbaar.

Welpiath ci Mak cithiei ke gɔɔr 13:22

Krithoi ke adhom ku nebii ke adhom aabi tuɔl, ku kaabi cit ku kagɛike nyuɔth, bik kɔc yɛc wei, aɣet kɔc cike lɔc, te leu kek yen.

Welpiath ci Luk cithiei ke gɔɔr 18:7

Ci Nhialic kɔckeek ci lɔc bi luɔk luk, kɔc ye cool e cɔl en akol ku wɛɛr, ku ye kac de piɔu luut enɔŋ keek?

Welpiath ci Jɔn cithiei ke gɔɔr 4:48

Go Yecu yɔɔk, Ye na kɛnka cit ŋem ku kagɛiyeke, e kacak gam.

Welpiath ci Jɔn cithiei ke gɔɔr 6:37

Ke ye Awa yiɛn ɣa ebɛn abi ya bɛn enɔŋ an, ku ran ye bɛn enɔŋ an acaa ciec wei.

Welpiath ci Jɔn cithiei ke gɔɔr 6:39

Ku yekene ee piɔn de yen man ci a tuɔc, ye keriɛc ebɛn ci yiɛn an, acin ke ba muɔr, aba jɔt ne kol ciɛn.

Dutuuc 20:16

Nɔŋ Paulo piɔu wɛɛn Epetho, duɔke bi gaau ne Athia; ee cath areet them lan ben lɔ Jeruthalem leu ne kol e Thiɛrdhiec.

Romai 12:18

Te ye we ye leu, ne biakduɔn, ke we ye naŋ dɔɔr ne kɔc kedhia.

Galatai 4:15

Ye lɛcduɔn de roth tɔ teno? an leu kɔc ne lek ne week, ya te ye we ye leu, ee te cak wenyin tuɔk bei ku yiɛnake ɣɛn.

2 Timotheo 2:19

Ke lɔcap de Nhialic ci wɛc ee kɔɔc, ke nɔŋ yecine, Ya Bɛnydit anyic ka ye ya kake: ku, Ya ne raan ebɛn ran ye rin ke Bɛnydit cɔɔl ne ye kat ne rɛɛc.

1 Petero 1:5

ku riɛr de Nhialic ee we gel ne gam agut luaŋ ci juir bi nyuɔɔth ne kol ciɛn.

2 Petero 3:17

Yen week, kɔc nhiar keek, na yaka keekake kan nyic, ke we yaka roth ŋem kɛlke we bi nyaai ne awany de kɔc rac, ku jalka yuik ne kɔcduɔnic.

1 Jɔn 2:18

Miththi, kol ciɛn ee tɔ: ku ci man ci we ye piŋ ya atiir de Kritho kabɔ, ke atiir juec ke Kritho ci roth jɔt emane; ekene eka ye wɔ ye nyic lan tɔ kol ciɛn.

1 Jɔn 2:22

Ŋa ye alueth? Cie yen man ye Yecu jai ke ye Kritho? Yenekee ya atiir de Kritho, ee yen man ye Wun jai ku Wa.

1 Jɔn 5:18

Ayuku nyic raan ebɛn ye dhieth ne Nhialic ace kerac ye loi; ku yen man ci bɛn bei enɔŋ Nhialic aye muk, ku kacii jɔŋ rac ye jak.

Nyooth 19:20

Go lɛi kuakpiny, kene nebii ke adhuɔm eke ye ciit loi ne yenyin ka eke yen ke kɔc dhoom kɔc ci cin de lɛi loom, ku kɔc eke ye kecithɔɔŋ de lɛi door: keek keerou aake cuat bɛɛr bar de many ye dep ne thulpur: