Welpiath ci Luk cithiei ke gɔɔr 2:14 - Lek Jot de Jecu Kritho 1940

¹⁴ Yii keewuubi nuɔm ya tɔ nhialic ke Nhialic, Ku keewuubi dɔɔr ya tɔ ne kɔc yic, ke keek man mit en ke piɔu.

Welpiath ci Luk cithiei ke gɔɔr 2:14 ပူးပေါင်းရင်းမြစ်များ

Mathayo 21:9

Ku dun ŋaar, ku dun biɔth en, ee coot, jiɛm, Ye Othana eeyabi ya tɔ ke wen de Dabid; Eeyabi athiɛi ya tɔ kene yen yen man bɔ ne rin ke Bɛnydit; Othana tɔ nhial.

Welpiath ci Luk cithiei ke gɔɔr 1:79

Bi kɔc nyuc tecol ku ne tiɛp de thouic bi ke meer; Ku bi wɔ ya dak cok dhol de dɔɔr.

Welpiath ci Luk cithiei ke gɔɔr 19:38

jamki, Yii keewuubi thiei ye Meleŋ bɔ ne rin ke Bɛnydit: ne dɔɔr ye tɔ nhial, ku ne nuɔm ye tɔ nhialic.

Welpiath ci Luk cithiei ke gɔɔr 2:13

Go remdiit de pan nhial tuɔl kene malaika elantoŋtɛi, ku lecki Nhialic, jamki,

Welpiath ci Luk cithiei ke gɔɔr 2:15

Na ɣɔn aci malaikai jaal cik dhuk nhial, go abiok goki roth yɔɔk, Yii loku Bethlekem, buk yeke ci tuɔle lɔ ŋem, ke ci Bɛnydit lɛk wɔ.

Welpiath ci Luk cithiei ke gɔɔr 3:22

go Jɔŋdiit Lajik bɛn piny ke nɔŋ guɔp, ci man de kure, lony en, ku bɔ ror nhial, Ye yin ye Wendien nhiaar; yin can piɔu lɔyum.

Welpiath ci Jɔn cithiei ke gɔɔr 14:27

Dɔɔr anyaŋ we; we yiɛnke dɔɔrdie. Yin yiɛn an e we ace cit yin de kɔc ke ka ke piny nom. Duɔka piɔnduɔn cɔk lɔ tuk, duɔka riɔc.

Welpiath ci Jɔn cithiei ke gɔɔr 17:4

Yin ca noom ne piny nom, ku an ci luɔi thol, luɔi ca yiɛn an ba ya loi.

Welpiath ci Jɔn cithiei ke gɔɔr 3:16

Nhialic ee kɔc nhiar e piny nom, ku miɔc kɔc e Wantoŋden e bɔbei, bi ran ye ye gam bi cuɔk ye thou, ku bi ya naŋ piir athɛɛr.

Dutuuc 10:36

Nhialic ee wɛt tuɔc mith ke Yithrael, lek ke dɔɔr ne Yecu Kritho (yenekee Bɛnydiit de kɔc kedhia) —

Romai 5:1

Yen na ci wɔ jal ya cɔk lajik ne gam, ke ne wɔ ye naŋ dɔɔr wɔne Nhialic ne Bɛnydiitda Yecu Kritho;

Epethioi 1:6

ne lɛc de nuɔm de athiɛide, man cen wɔ miɔc ne Toŋ Nhiɛɛr.

Epethioi 1:9

Ku ci wɔ nyuɔth keden ci kum de piɔnde, ci man yen lɔyum ne yepiɔu,

Epethioi 2:4

Ku Nhialic, ee naŋ kac de piɔu, ku nhiɛr diitde yen wɔ nhiar,

Epethioi 2:7

bi baany gokdiitden de athiɛide nyuɔɔth ne run bi bɛn ne kac kɔc en piɔu ne wɔɔk ne Krithoic:

Pilipoi 2:11

ku bi liep ke kɔc kedhia ya gam, ya Yecu Kritho ee Bɛnydit, ne nuɔm de Nhialic Wun.

Pilipoi 2:13

Nhialic yenekee lui ne weyic bak ya naŋ piɔth ku luɔi, ne keden ye lɔyum ne yepiɔu.

Kolothai 1:20

bi rɔt dhuɔk keriɛc ebɛn ne yen, te cen dɔɔr loi ne riɛm de tiɛm ageerde; lan yen kapiiny, ku lan yen kanhial, e kaaye dhuk ne yen.

2 Thethalonikei 2:16

Eewuubi Bɛnydiitda Yecu Kritho ne guɔpde, ku Nhialic Awada man ci wɔ nhiar ku yin wɔ duɔt de piɔu athɛɛr ku ŋath piath ne athiɛi,

Nyooth 5:13

Ku piɛŋ keriɛc ebɛn ci cak ke tɔ pan nhial, ku ke tɔ ne tiɔp nom, ku ke tɔ ne piny thar, ku ke tɔ bɛɛr, ku keriɛc ebɛn tɔ ne keyic, piɛŋ ke ne jam, Yi keewuubi athiɛi, ku rieu, ku nuɔm, ku ceŋ, bik ya tɔ kene yen yen man ye reer ne thooc nom, ku tenɔŋ Nyɔk athɛɛr wada.