Welpiath ci Luk cithiei ke gɔɔr 10:2 - Lek Jot de Jecu Kritho 1940

² Go ke yɔɔk, Ye ka ci luɔk aajuec, ku kɔc tem ke aalik: yen laŋka Bɛnydiit de ka ye luɔk, bi kɔc ke luɔi tuɔc ne kakeek ci luɔk yic.

Welpiath ci Luk cithiei ke gɔɔr 10:2 ပူးပေါင်းရင်းမြစ်များ

Mathayo 20:1

Ceŋ de pan nhial acit ran de baai, ci riar miakdur le kɔc ke ariɔp kɔɔr bik domden de abiɛi bi loi.

Welpiath ci Mak cithiei ke gɔɔr 13:34

Acit ran ci keny pan dɛ, ku nyiɛŋ ɣonde piny, ku tek aluɛkke riɛr ku luɔi, ŋɛk ne luɔide, ku ŋɛk ne luɔide, ku yook metit bi ya tiit.

Welpiath ci Mak cithiei ke gɔɔr 16:15

Ku yook ke, Ye laka ne piny nom ebɛn, ku yaka raan ebɛn piɔc ne welpiath.

Welpiath ci Mak cithiei ke gɔɔr 16:20

Goki lɔ, ku yeki kɔc piɔc ne piny ebɛn, ku ye Bɛnydit lui kene keek, ku ye wɛt cɔk rir ne cit ye bioth. Amen.

Welpiath ci Luk cithiei ke gɔɔr 9:1

Go Yecu thiɛrkurou cɔɔl, ku yin ke riɛr ye kek jak rac tiam kedhia, ku bik kɔc ya cɔk dem ne bec.

Dutuuc 11:19

Ku kɔc ci thiɛi wei ne ŋet ne bɔ ne Thepano aa keny ɣetki Poinike, ku Kupurio ku Antiokia, nyoothki wɛt nyuthki Judai kepɛc ku cin jur dɛ.

Dutuuc 13:2

Ɣɔn yi loiki ka ke Bɛnydit ku yi thielki, ke Jɔŋdiit Lajik jam, Ye wɛkka Baranaba ku Thaulo, weke ke luɔi can ke caal thin.

Dutuuc 13:4

Goki jaal ɣetki Theleukia ne tuɔc de Jɔŋdiit Lajik; ku jiɛlki thin lek riɛi leki Kupurio.

Dutuuc 20:28

Ŋɛmka roth apiath, ku biook ebɛn; Jɔŋdiit Lajik ee we cɔk ye biceep, bak kanitha de Nhialic ya miɛɛth, kanitha ci ɣɔɔc ne riɛmde.

Dutuuc 22:21

Go ɣa yɔɔk, Ye lɔɔr: yin ba tuɔc temec ne Juurkɔk yic.

Dutuuc 8:4

Ku kɔc ci thiai aa wɛt caath ne bɛi yic weet kek kɔc.

1 Korinthoi 12:28

Ku Nhialic ee kɔk taau ne kanithaic, ka tueŋ aaye dutuuc, ku ye ka ke rou nebii, ku ye ka ke diak dupiooc, ku jɔl ya ka yeneke gai, ku miɔc yene kɔc cɔk dem, ku kuny, ku dok, ku nyiny de thook kuɔt yic.

1 Korinthoi 15:10

Ku an ye tɔ ci mandie ne athiɛi de Nhialic; ku athiɛiden ci yiɛn ɣa ee cie ke de ciɛlic; ku an ci ya lui awar ke kedhia: ku kee cie ɣɛn, ee ya athiɛi de Nhialic e ye tɔ ke ɣa.

2 Korinthoi 6:1

Luɔi ye wɔ lui wɔne yen netok ayook wɔ week eya, duɔke we bi athiɛi de Nhialic ya loom ne ciɛlic

Pilipoi 2:21

Keek kedhia aaye ka ke gupken kɔɔr, ke cie ka ke Yecu Kritho.

Pilipoi 2:25

Ku kaca yok ne piath ba Epaprodito tuɔc week, man ye wanmaath ku ye lui kene ɣɛn ku yuku lathkeer netok, ku ye atocduɔn ku ye melui de ka yaeke dak;

Pilipoi 2:30

ee luɔi de Kritho yenekee duur e cɔk thou, ku cii diɛɛr ne weike, bi luɔiduɔn e ci dak bi cuɔl ɣɛn.

Kolothai 1:29

Ku yeneka yan lui eya, ya them ci man de luɔide, luɔiden ye lui ne ɣaic ne riɛr gok.

Kolothai 4:12

Epapara, ran toŋ de week yic, ye awun de Yecu Kritho, ee we muɔth, ku kee piɔu ya lɔŋ ne nyindhia ne week bak ya kɔɔc ke we lɔcar ku yaka naŋ gam rir ne piɔn de Nhialicic ebɛn.

1 Thethalonikei 2:9

We ye wenhiim ciɛɛt, we mɛɛthkuɔ, ne luɔida ku guɔmda: luɔi cuk ya loi ne wɛɛr ku akɔl, kɛlke we buk ya nuan, a goku we ya wɛɛt ne welpiɛth ke Nhialic.

1 Thethalonikei 5:12

We yukuke lɔŋ, mɛɛthkuɔ bak kɔc ya nyic, kɔc ye lui ne weyic, ku yiki tɔ ne wenhiim ne Bɛnyditic, ku yiki we waai;

2 Thethalonikei 3:1

Keciɛn, mɛɛthkuɔ, ee bak ya lɔŋ ne wɔɔk, bi wɛt de Bɛnydit ya cath ku ye noom, ci man yen tɔ kene week eya;

1 Timotheo 4:10

Ya yekene yeneka ye wɔ lui ku yuku them, ne ke cene ŋɔthda tau Nhialiny ye piir, man ye ya Duluɛŋ de kɔc kedhia, ye dit enɔŋ kɔc ye gam.

2 Timotheo 4:5

Ye rɔt muk apiath ne kaŋ kedhia yic, ye karir guum, ye luɔi de dupiony de welpiath loi, cɔk luɔidu ye rɔt dhiɛl.

Pilemon 1:1

Paulo, ran ci mac de Yecu Kritho, ku Timotheo wanmaathda, aagɛɛr Pilemon ran nhiarku ku ye mat kene wɔ ne luɔi,

Eberuu 3:6

ku ye Kritho naŋ adot ne ɣonde nom ebɛn ɣɔn yen wa; ku wɔ eka ye ya ɣonde, te ye wɔ ŋeenyda muk arir ku nuɔm de ŋathda agut wada.

Nyooth 2:1

Gare malaika de kanitha tɔ ne Epetho; Wu ya keekake aaluelke ne yen yen man ye kuel keedherou muk ne ciin cuecde, ku ye cath ne camadaan ke wɛnhjini ciɛl yic keedherou: