Kolothai 3:4 - Lek Jot de Jecu Kritho 1940

⁴ Na bi Kritho nyuɔth, man ye piirda, ke week eya we bi nyuɔth wene yen ne nuɔm.

Kolothai 3:4 ပူးပေါင်းရင်းမြစ်များ

Mathayo 13:43

Ku kɔc lajik aabi ɣɛɛr ci akɔl ne ceŋ de Wuɔndenic. Nɛke piŋ ran nɔŋ yith.

Welpiath ci Luk cithiei ke gɔɔr 17:30

yeneka bi ya cɔɔk de kol de Wen de raan, ben tuɔl.

Welpiath ci Jɔn cithiei ke gɔɔr 11:25

Go Yecu yɔɔk, Ye ɣan ye jon de rɔt, ku ya piir: ran ye ɣa gam, ku ne ci cak thou, e kabi piir:

Welpiath ci Jɔn cithiei ke gɔɔr 14:3

Ku na la teduɔn juir, ke an bi bɛɛr bɛn, ku lɔɔm week ne guɔpdie; bak ya tɔ eya te yan tɔ.

Welpiath ci Jɔn cithiei ke gɔɔr 14:6

Go Yecu yɔɔk, Ye ɣan ye dhol, ku ɣan ye yic, ku ɣan ye piir: acin ran ye bɛn nenɔŋ Awa, ke ken teek ne anom.

Welpiath ci Jɔn cithiei ke gɔɔr 17:24

Yin Awa, an nɔŋ piɔu bi keekɔc cake yiɛn anke bik ya tɔ te yan tɔ, bik nuɔmdie bik ya ŋem, nuɔm ca yiɛn ɣɛn ne nhiɛr e nhiɛr yin ɣɛn ɣɔn aŋoot piny ke liu.

Welpiath ci Jɔn cithiei ke gɔɔr 20:31

ku keekake aacike gɔɔr, bak ya gam wuɔ Yecu kee Kritho, Wen de Nhialic; ku bak ya naŋ piir ne rinke ne gamduɔn.

Dutuuc 3:15

ku nakka Bɛnydiit de wei, ku beer rɔt jɔt, ci man e ŋem wɔ ye wɔ duleek.

Romai 8:18

Aya tak ke ka yukuke guum emane ye yic ciɛn ke dɛ te thooŋe ke kene nuɔm bi nyuɔɔth ne wɔyic.

Romai 8:19

Ka ci cak aaye daai, aa ŋueny ne nyooth bene wɛɛt ke Nhialic nyuɔɔth.

1 Korinthoi 1:7

yen acin miɔc dɛ dɛk we, agut te ye we nyooth de rɔt de Bɛnydiitda Yecu Kritho tiit;

1 Korinthoi 15:43

Ee com ne nyiilic; ee rɔt jɔt ne nuɔm. Ee com ne niɔpic; ee rɔt jɔt ne riɛr.

2 Korinthoi 4:17

Ke piɔl ye wɔ dhal, ye ke de emane, ee wɔ yiɛn thiɛk diit de nuɔm athɛɛr;

Galatai 2:20

Ɣan ci piaat wɔne Kritho; ku an dhiac ka piir; ku kace beer ya ɣɛn, ee Kritho yene ye piir ne ɣaic: ku yepiir yan piir ne ɣaguɔpe ayan piir ne gam, gam ye tɔ ne Wen de Nhialicic, man e ci ɣa nhiar, ku gɛm rɔt ne ɣɛn.

Pilipoi 3:21

yen man bi gupkuɔ rac wel cɔk ke ye ka jot, bik ya ciɛt guɔpden de nuɔm, ci man de luɔi ben keriɛc ebɛn ya leu ne tɛɛu ne yecok.

1 Thethalonikei 4:17

ku wɔɔk wɔ kɔc piir, ci doŋ, wɔ bike kuany nhial netok wɔne keek ne piolic, buk lɔ rɔm wɔne Bɛnydit ne nhial jɔc; ku jɔlku ya tɔ athɛɛr wɔne Bɛnydit.

1 Timotheo 6:14

ya ye looŋ muk, te cin acuɔl, ku te cin awac, agut tuɔl de Bɛnydiitda Yecu Kritho:

2 Timotheo 1:1

Paulo, metuny de Yecu Kritho ne piɔn de Nhialic ne ke de keciluel de piir ye tɔ ne Yecu Krithoic,

2 Timotheo 4:8

ku emane alɔgut an ci tau gol de lajik, man bii Bɛnydit, duluŋ lajik, yiɛn ɣa ne yekole: ku kacie ɣɛn atok, ee ya raan ebɛn ran e ci tuɔlde ya nhiar.

Tito 2:13

ku yuku ŋath cithiei kɔɔr kene tuɔl de nuɔm de Nhialinydiitda ku Duluɛk Yecu Kritho;

Eberuu 9:28

yenekee cɔɔk de Kritho eya, cene e gam naatok bi rɛɛc de juaac bi ɣaac, ku kabi bɛɛr tuɔl ne ke de rou, ke cin guɔp rɛɛc, enɔŋ keek kek kɔc ye tiit bi ke luɔk.

1 Petero 1:13

Yen yaka wenhiim juir, yaka cath ne piɔth lir, yaka athiɛi bi bɛn enɔŋ week te bii Yecu Kritho rɔt nyuɔɔth yaka ŋɔɔth;

1 Petero 5:4

Na miak tul Abiok dit, ke we bi naŋ gol de nuɔm cie riak.

1 Jɔn 2:28

Ku emane, miththiicie, yaka ceŋ ne yeyic; buk ya ŋeeny, te tul en, ku cuk nyin riɔc ne yenom te bii yen.

1 Jɔn 3:2

Kɔc nhiarke, wɔ ye ya mith ke Nhialic emane; ku ke bii wɔ ya kaŋo aken guɔ tuɔl. Kene eka nyicku, na tul, ke wɔ bi ya ciɛt en, abuk ŋem ci mande.

1 Jɔn 5:12

Ran ye naŋ, Wende ee naŋ piir; ku ran cin Wen de Nhialic acin yepiire.

Juda 1:24

Eeyabi nuɔm, ku baany, ku dit ku riɛr bik ya tɔ kene Nhialiny tok Duluɛŋda, yen man ye we leu ne gel bak cuɔk ye yuik, ku ye we bɛi ne nuɔmde nom te cin awac ne lɔyum diit de piɔu, ne Yecu Kritho Bɛnydiitda athɛɛr wada. Amen.

Nyooth 2:7

Ran nɔŋ yith, ke ne piŋ ke lekne Jɔŋdit lek kanithaai. Ran ye tiam, yenekee ran ba cɔk ye cam ne tim de piir, tim ye tɔ ne Paradeitho de Nhialicic.

Nyooth 22:1

Go ɣa nyuɔth ciir de piu ke piir, keɣer ci kuruthalo, ne bɔ bei ne thony de Nhialicic ku de Nyɔkic,

Nyooth 22:14

Kɔc aaye thiei kɔc ye alɛthken waak, bik ya naŋ bɛn te de tim de piir, ku bik lɔ bei ne thook.