Kolothai 3:24 - Lek Jot de Jecu Kritho 1940

²⁴ ku nyiɛcka we bi ariop de ceŋ adooc ya loom enɔŋ Bɛnydit, ne ke ye we Bɛnydit Kritho luɔi.

Kolothai 3:24 ပူးပေါင်းရင်းမြစ်များ

Mathayo 10:41

Ran ye nebi loor ne rin ke nebi, abi riop de nebi kap; ku ran ye ran lajik loor ne rin ke ran lajik, abi riop de ran lajik kap.

Mathayo 5:12

Yaka piɔth lɔyum, miɛtka piɔth: ariopduɔn ee dit nhial: aake ye nebii ŋaar ne wenhiim kan ŋet yila.

Mathayo 5:46

Na yaka kɔc ye we nhiar nhiar, ke ariɔmduɔn ye kan ŋo? Cii dujueer ye loi yila?

Mathayo 6:16

Ku dɛne eya, na yaka thieel, ke we duɔka nyiin ye kuany, ci man de dudhuum. Aaye kenyiin jiit, bi kɔc ke ŋem lan thiel kek. We ya yɔɔk neyic, Ya kaaci ariopden kap.

Mathayo 6:5

Ku na yaka lɔŋ, ke we duɔka ye ciɛt dudhuum, ne ke nhiɛr kek kɔɔc ku lɛŋki ne luek ke gueer yic ku ne ŋep ke dhɔl, bi ke ya ŋem ne kɔc. We ya yɔɔk neyic, Ya kaaci ariopden kap.

Welpiath ci Luk cithiei ke gɔɔr 14:14

ke yin bi jal thiei; ne ke cin kek ka bik kek ke yi cuɔt: yin bi cuɔt ne jon de rɔt de kɔc lajik.

Welpiath ci Luk cithiei ke gɔɔr 6:35

Yaka kɔc nɔŋ ater kene week nhiar, ku yaka ke loi apiath, ku yaka kɔc yuɛt, ku duɔka dhukden ber ya ŋɔɔth; ku riopduɔn abi dit, ku we bi ya mith ke Nhialinydit: ne ke yen piɔu kac enɔŋ kɔc cie leec ku yiki kɔc rac.

Welpiath ci Jɔn cithiei ke gɔɔr 12:26

Na ye raan a luɔi, ke ne ye ɣa biɔth; ku te yan tɔ, abi awundie aben ya tɔ eya: na ye raan a luɔi, e kabi Awa ya yiɛn rieu.

Dutuuc 20:32

Emane we nyaŋke Nhialic, ku we nyaŋke wɛtden de athiɛi. Aleu we ne yik nhial, ku cɔk we ye adiit wene kɔc ci thiei.

Romai 1:1

Ɣan Paulo, aluaŋ de Yecu Kritho, ɣan man ci cɔɔl ba ya metuc, ku ci a wɛk welpiɛth ke Nhialic,

Romai 14:18

Ran ye Kritho luɔi ne keekake ee Nhialic ya yuum piɔu, ku ye lɛc nom ne raan ebɛn.

1 Korinthoi 11:23

Ne ke can e loom enɔŋ Bɛnydit yeke ca yiɛn weeke eya, ne ke cii Yecu Bɛnydit mono loom ne wɛɛr e nyiine yen,

1 Korinthoi 3:8

Yen ran ye com ku ran ye piook aaye tok: ku ŋɛk abi ariopde ya loom ci man de luɔide.

1 Korinthoi 7:22

Ran ye cɔɔl ne Bɛnyditic, ku ne ye aluak, e kee ya ke laau de Bɛnydit: yenekee cɔɔk de ran ci cɔɔl, ke laau nom, ee ya aluaŋ de Kritho.

Galatai 1:10

Ye kɔc e yake kuɛm nhiim, ka ye Nhialic? Ka ye bi kɔc piɔth ya miɛt e ya kɔɔr? Na ne ɣan ŋoot ke ɣan ye kɔc cɔk mit piɔth, e kee te caa ye ya awun de Kritho.

Epethioi 6:6

kacie luɔi ye tic ne nyin, ci kɔc ye kɔc pal nhiim; yaka ciɛt awuut ke Kritho ye piɔn de Nhialic loi ne kepiɔth;

Epethioi 6:8

nyiɛcka yekene, ke ye ŋɛk loi ebɛn yenekee cɔɔk de ke bi bɛr ya loom enɔŋ Bɛnydit, lan yen luɛɛk ku lan yen laau.

Kolothai 2:18

Ne ye ciɛn ran ye riopduɔn peec ne kuur de piɔuden tɔ ke ye, ku duɔr de malaikai, ran ye ceŋ ne kaŋ yic ka yeke ŋem, ku ye piɔu dit ne ciɛlic ne tɛŋden de guɔp,

Eberuu 10:35

Yen duɔka ŋeenyduɔn ye biɔk wei, ee naŋ riop diit de cuɔt.

Eberuu 11:6

acie leu ne yuɔm piɔu te cin gam: ran ye bɛn enɔŋ Nhialic abi ya dhiil ne gam lan yen tɔ, ku ye gam ke ye meriom de kɔc ye ye kɔɔr.

Eberuu 9:15

Ku yekene ayen ya medoor de man jot, bi thon cen thou ne wɛɛr de kɔc rɛc ekee tɔ ne man thɛɛric, bi kɔc ci cɔɔl bik kek keciluel de adiit athɛɛr bik ya loom.

1 Petero 1:4

buk naŋ kakuɔk ke dit ka ci bi riak, ku ka cie cuɔl, ku cik ye jaal, cike juɛr week pan nhial,

2 Petero 1:1

Thimon Petero man ye awut ku ye dutuny de Yecu Kritho, agɛr kɔc ci gam mit lom ci wɔɔk ne lajiŋ de Nhialinyda ku Duluɛŋda, Yecu Kritho:

Juda 1:1

Juda, awun de Yecu Kritho, ku ye manhe de Jakob, agɛɛr enɔŋ kɔc ci cɔɔl, kɔc nhiɛrke ne Nhialic Wunic, ku ci ke tau Yecu Kritho.