Kolothai 1:23 - Lek Jot de Jecu Kritho 1940

²³ na yaka dhiac ke we ye ceŋ ne gamic, ke we yaka kɔɔc ke we ci roth ye wek, ku cak roth ye ɣooc ne ŋath de welpiathic ka cakke piŋ, ka eke yeneke keriɛc ebɛn ci cak ne piny nom wɛɛt; ka cene ke ɣa cɔk ye awunden, ɣan Paulo.

Kolothai 1:23 ပူးပေါင်းရင်းမြစ်များ

Welpiath ci Mak cithiei ke gɔɔr 16:15

Ku yook ke, Ye laka ne piny nom ebɛn, ku yaka raan ebɛn piɔc ne welpiath.

Welpiath ci Luk cithiei ke gɔɔr 22:32

yeneka can lɔŋ ne yin, duɔke gamdu bi liu: ku na ca rɔt bɛɛr wel miak, ke yin cɔk mithakɛcku ye riɛr.

Welpiath ci Luk cithiei ke gɔɔr 6:48

abi ciɛt ran loi ɣonde, wec cok yic e ke thuth, agut te bik kek kuur lɔ yok: ku bɔ aboor, ku ye piau rɔt jap ne yeɣone, ku cii kɔn leu ne luek, ne ke cene ye nyiɛc wɛc piny.

Welpiath ci Jɔn cithiei ke gɔɔr 15:6

Na ci raan ye tɔ ne ayic, e kaye cuat wei ci keer, ku ye yom; ku kuany keek ku cuɛte ke mɛɛc, nyopki.

Dutuuc 1:17

Ye ran de wɔyic, ye kake kap ci wɔɔk ne luɔi ye wɔ lui netok.

Dutuuc 1:25

bi te de Judath, ran ci yuik ci jaal tede, bi look ne yeluɔine.

Dutuuc 1:8

We bi riɛr loom te cii Jɔŋdiit Lajik bɛn enɔŋ week, ku we bi ya duleekcie ne Jeruthalem, ku Judaya, ku Thamaria ebɛn agut piny thok ebɛn.

Dutuuc 11:23

ɣɔn ye ci lɔ, ku ye ŋem athiɛi de Nhialic, go piɔu jal miɛt; ku yook ke kedhia bik dhiac kene Bɛnydit e ke rir piɔth:

Dutuuc 14:22

cɔkki kɔcpiocke rir piɔth, ku yookki ke bik dhiac ne gamic, yi kɔc acie lɔ ne ceŋ de Nhialicic ke cin ŋet.

Dutuuc 2:5

Ku Judai aaceŋ ne Jeruthalem, kɔc piath ke juur kedhia tɔ ne piny nom.

Dutuuc 20:24

Ɣan ci weicie ye lɔc ci ke nhiar, ba luɔidie thol, luɔi ca loom nenɔŋ Yecu Bɛnydit, ba welpiath ke athiɛi de Nhialic luel.

Dutuuc 26:16

Jɔt rɔt, ku kaace. Yeneka ɣan ci tuɔl enɔŋ yin, ba yi cɔk ye awundie ku ye duleŋdie, ye duleŋ de ka ca ŋem, ku ka ban ke ya tuɔl ne keyic;

Dutuuc 4:12

Ku kacin kuny de dɛ, ku kacin rin kɔk ne piny thar bɔ bei ne kɔc thook bik wɔ luɔk.

Romai 10:18

Ku kaya luel, Ya ne kenki ya piŋ? Ee yic, necok, Rorden ee ci ɣet ne piny nom ebɛn, Ku ɣet welken ne piny thar agut.

Romai 15:16

ban ya ya awun de Yecu Kritho enɔŋ Juurkɔk, ne luɔi yan welpiɛth ke Nhialic loi, bi yin de Juurkɔk Nhialic, e ke ye ka ke koc, bi ya diik, ye koc ci cɔk lɔcar ne Jɔŋdiit Lajik.

Romai 2:7

kɔc ye nuɔm ku rieu ku kecieluɛl kɔɔr ne piɔn liir de luɔi piath, aabi naŋ piir athɛɛr:

Romai 5:5

ku ci ŋath ye yicliɛr; ne ke cii Jɔŋdiit Lajik, man e ci yiɛn wɔɔk, cen nhiɛr de Nhialic tɛk ne wɔpiɔth.

1 Korinthoi 15:58

Yen, wɛɛt ke awa nhiarke, yaka kɔɔc, ke we ci roth week; yaka kuɛth ne luɔi de Bɛnydit ne nyindhia, ne nyiny nyic we luɔiduɔn ke cie ke de ciɛlic enɔŋ Bɛnydit.

1 Korinthoi 3:5

Ye Apolo ye ŋa? ku ye Paulo ye ŋa? Aaye awuut ye week ke gam; ŋɛk ee naŋ ke cii Bɛnydit yiɛn en.

2 Korinthoi 10:1

Yen emane ɣan Paulo guɔp an laŋ week ne kuur de piɔu de Kritho ku kac, ɣan man ye piɔu kuur te ta an ne weyic, ɣan ye ŋeeny te liɛu an ne weyic.

2 Korinthoi 11:23

Na yiki awuut ke Kritho? (an jiɛm ne beelic), ke kaawar keek; luɔi awar an keek, mac awar an keek, dui cin thok, thon ye ɣa dai lɔny.

2 Korinthoi 3:6

yen man ci wɔ cɔk leu luɔi yuku awuut ke man jot; ku cii ye ke de loŋ ci gɔɔr, ee ke de jɔŋdit: loŋ ci gɔɔr ee nɛk, ku jɔŋdit ee wei miaac.

2 Korinthoi 4:1

Yen yeman nɔŋ wɔ yeluɔine, ci man ci wɔ naŋ kac de piɔu, wɔ cie niɔp:

2 Korinthoi 6:1

Luɔi ye wɔ lui wɔne yen netok ayook wɔ week eya, duɔke we bi athiɛi de Nhialic ya loom ne ciɛlic

Galatai 4:11

Ɣan ye riɔc ne week, kɛlke luɔi ca ya loi ne week ci ya ciɛlic.

Galatai 5:5

Gam yeneka ye wɔ ŋath de lajik tiit ne Jɔŋdit.

Galatai 5:7

We we ye kat apiath; yeŋa e gel we bak yic ya rɛɛc?

Galatai 6:9

Dukku ye dak ne luɔi piath: wɔ bi ya tem ne kol e tem, te ci wɔ ye niar.

Epethioi 1:18

Eeyabi nyiin ke wepiɔth ya yin, bak ŋath de cɔtde bak nyic, ku bak baany de nuɔm de ditde tɔ ne kɔc cithiei yic bak nyic,

Epethioi 2:21

man ye ɣoot kuɔt, ci loi e kee dik, cil e kee ye luaŋ lajik ne Bɛnyditic;

Epethioi 3:17

ku bi Kritho ya ceŋ ne wepiɔth ne gam: ku week, we kɔc cike com ku wece we ne nhiɛr,

Epethioi 4:16

Yen, yeneka ye guɔp ebɛn, te ci biɔk kedhia roth kuɛɛk mɛt ŋɛk ke ŋɛk, ye cil ne kuny de biɔk kedhia, ye yic naŋ riɛr ne ŋɛŋ ye ŋɛk ye ŋaŋ, e ke rɔt jal buth ne nhiɛric.

Kolothai 1:25

ke cene ɣa cɔk ye awut, ci man de lony de Nhialic ci yiɛn ɣɛn ne keduɔn, bi wɛt de Nhialic bi rɔt dhiɛɛl,

Kolothai 2:7

ke we ci mei cuɔɔk ku cak roth yiɛk ne yeyic, ku cak nuɛt ne gamduɔnic, ci man e cene we piɔc, ku yaka kuɛth ne lɛc.

1 Thethalonikei 3:3

bi ya ciɛn ran ye rɔt ɣooc ne yeguɔme; ne nyiny ye we ye nyic ke wɔ ci meek ne yekene.

1 Thethalonikei 3:5

Yekene, yeneka na ɣɔn acaa guɔm beer ya leu, guɔ tuc ba gamduɔn ya nyic, kɛlke luɔida bi ya ciɛlic, ne them bene we ya them ne methem.

1 Thethalonikei 5:8

Ne wɔ cie miɔl eman ye wɔ kakɔle, yuku luŋ de yɔu gɛɛŋ de gam ku de nhiɛr; ku luŋ de nom man ye ŋath de luak.

2 Thethalonikei 2:16

Eewuubi Bɛnydiitda Yecu Kritho ne guɔpde, ku Nhialic Awada man ci wɔ nhiar ku yin wɔ duɔt de piɔu athɛɛr ku ŋath piath ne athiɛi,

1 Timotheo 1:12

Aya leec ye ke ye ɣa cɔk rir, ye Yecu Kritho Bɛnydiitda, ne ke yen ɣɛn nyic ke ɣan ye naŋ adot, ku ci ɣa lac ne luɔideic;

1 Timotheo 2:7

yeneka cene ɣa lɔc ke ɣan ye duweet ku ya metuc (ee yic e ya luel, acie lueth), ya ya dupiony de Juurkɔk ne gam ku yic.

1 Timotheo 3:16

Kecikum de luɔi de Nhialic ee dit te cin teer; Yen ye ke e ci cɔk tiɛc ne guɔp, ku ci cɔk lajik ne tiɛp, ku ŋem ne malaikai, ku cene juɔr wɛɛt, ku cii piny nom gam, ee jal laar nhial ne nuɔm.

Tito 3:7

ku, ci wɔ cɔk lajik ne athiɛide, bi wɔ ya cɔk ye adiit ne ke de ŋath de piir athɛɛr.

Eberuu 10:38

Ku kedien lajik abi ya piir ne gam: Ku na dhuk ciɛn ne riɔc, ke ɣan ce piɔu bi ya lɔyum ne yen.

Eberuu 3:14

ne ke cii wɔ jal ya kɔc ye naŋ biakda wɔne Kritho, te ye wɔ gɔc de gamda muk arir agut wada:

Eberuu 3:6

ku ye Kritho naŋ adot ne ɣonde nom ebɛn ɣɔn yen wa; ku wɔ eka ye ya ɣonde, te ye wɔ ŋeenyda muk arir ku nuɔm de ŋathda agut wada.

Eberuu 4:14

Yen na yuku naŋ bɛnydiit lɔwai de ka ke Nhialic, man ci teek ler nhial, Yecu Wen de Nhialic, ke ne wɔ ye gamda muk arir.

Eberuu 6:19

ke ye ya ke de many de tiɛp, ku ye ya yic ku ye kɔɔc lɔcap, ku ye ya lɔ te ci geeŋ ne alath;

1 Petero 1:3

Eeyabi athiɛi bi ya tɔ ke Nhialic Wun de Bɛnydiitda Yecu Kritho. Ne kac diitden kɔc yen piɔu acene wɔ bɛr dhieth ne ŋath ye piir ne jon de Yecu Kritho cen rɔt jɔt ne thouic,

1 Petero 1:5

ku riɛr de Nhialic ee we gel ne gam agut luaŋ ci juir bi nyuɔɔth ne kol ciɛn.

1 Jɔn 2:27

Ku week, tony cak loom enɔŋ yen ee ceŋ ne weyic, ku we ci toŋ dɛ ye ŋaŋ bi we ya piɔc; ku tonyde ee we piɔc ne kaŋ kedhia, ku kee ya yic, ku cii ye ya lueth, ku ci man cen we ya piɔc, ke we ye ceŋ ne yeyic.

Nyooth 2:10

Duɔne ye riɔc ne ka bake ya guum: ŋem, durieth anɔŋ piɔu cuɛt de kɔk ke week ɣon de dom, bi we ya them, ku we bi naŋ kadhal we ne nin keethiɛr. Ye naŋ adot agut thou, ku yin ba yiɛn gol de piir.