Kolothai 1:18 - Lek Jot de Jecu Kritho 1940

¹⁸ Ku yenekee nom de guɔp, man ye ya kanitha: yenekee gɔc, ku kee ya aŋɔɔrbei ne thouic; bi ya kɔɔc ne kaŋ nhiim kedhia.

Kolothai 1:18 ပူးပေါင်းရင်းမြစ်များ

Mathayo 23:8

Ku ne we cie cɔɔl Rabi: ee tok yenekee dupionyduɔn; ku we wedhia we ye ŋɛk ke manhe.

Mathayo 28:18

Go Yecu lɔ enɔŋ keek, ku yook keek, jiɛm, Ye riɛr ebɛn ee yiɛn ɣa nhial ku piiny.

Welpiath ci Jɔn cithiei ke gɔɔr 1:1

Ne gɔc gɔce kaŋ ke Wɛt ee tɔ, ku Wɛt ee tɔ ke Nhialic, ku Wɛt ee ye Nhialic.

Welpiath ci Jɔn cithiei ke gɔɔr 1:16

Ke ci ye thiɔŋ acuk lom wɔdhia, ku athiɛi ne athiɛi.

Welpiath ci Jɔn cithiei ke gɔɔr 1:27

yeneka biɔth ɣa, ku an ce piath, a ɣan ce cou de war de ecok dak.

Dutuuc 26:23

ya Kritho abi guɔm dhiil, ku dhuk ben bɛr dhuk bei ne thouic, yeneka bi kɔc ke Judaya ku Juurkɔk kan piɔc ne wel ke ɣɛɛr.

Romai 8:29

Kɔc eke kɔnke nyic, aacike kan cɔk kɛɛr guɔp de Wende, bi ya wenkaai ne watmɛthken juec yic:

1 Korinthoi 11:3

Ku keeyabak ya nyic, ke Kritho ye nom de raan ebɛn; ku ye nom de tiik ya moc; ku nom de Kritho ye Nhialic.

1 Korinthoi 12:27

Yen emane we ye ya guɔp de Kritho, ku yaka ya biɔk juecke.

1 Korinthoi 15:25

Abi ceŋ ne riɛl ya dhiil, agut te cen kɔc nɔŋ ater kene yen kac ne ecok.

Epethioi 1:10

bi kaŋ kedhia mat netok ne Krithoic ne thok de ruɔn bɔ, kanhial, ku kapiiny; ne yen,

Epethioi 5:23

Ne ke ye moc yen ya nom de tiik, ci man ye Kritho eya yen nom de kanitha, ku ci rɔt cɔk ye duluɛŋ de guɔp.

Kolothai 1:24

Emane ɣan ye guɔmdie yuum piɔu ne keduɔn, ku an ye te ye dak de ka ye Kritho dhal aya thiɔŋ nom ne ɣaguɔp ne ke de guɔpde, man ye ya kanitha;

Kolothai 2:19

ku cii Nom ye muk arir, man ye guɔp ebɛn cɔk dit, ke ye miɔɔc ku duut etok ne yomnyin ku rar, ne dit de Nhialic.

1 Jɔn 1:1

Ke e tɔ ɣɔn ciɛke piny, ke cuk piŋ, ku cuk ŋem ne wɔnyin, ku cuk ɣoi, ku cuk jak ne wɔcin, ke ye ke de Wɛt de piir,

Nyooth 1:18

ɣan Keyepiir; ku ɣan ee ci thou, ku ŋem, an ye piir agut awɛdɛ, ku an eka nɔŋ muktaar ke thou ku ka ke pan de Tip ke kɔc.

Nyooth 1:5

ku tenɔŋ Yecu Kritho, man ye duleŋ nɔŋ adot, ku ye ya wɛnkaai de kɔc ye thou, ku ye ya medoŋ de meleek ke tiɔp nom. Eeyabi nuɔm ku ceŋ bik ya tɔ kene yen athɛɛr wada, yen man ye wɔ nhiar, ku ci wɔ lony ne rɛɛcda ne riɛmde,

Nyooth 1:8

Ɣan ye Alpa ku ya Omega, aluel Bɛnydit Nhialic, ɣan man ye tɔ, ku ne ɣan ye tɔ ku ba bɛn, ɣan man Nɔŋ Riɛr Ɛben.

Nyooth 11:15

Go malaika de dherou go kuth; ku tul rot pan nhial, jamki, Yi ceŋ de piny nom ee ya ya ke de Bɛnydiitda, ku ye ke de Krithode: ku kabi ya dɔk athɛɛr wada.

Nyooth 21:6

Ku yook ɣa, Ye kaa tuɔm. Ɣan ye Alpa ku ya Omega, ya gɔc ku ya thok. Ran ye yal aba ya yiɛn awaŋgaak de piu ke piir ne nompaal.

Nyooth 22:13

Ɣan ye Alpa ku ya Omega, ya tueŋ ku ya can, ya gɔc ku ya thok.

Nyooth 3:14

Gare malaika de kanitha tɔ ne Laodikia; Wu ya keekake aaluelke ne Amen, duleŋ nɔŋ adot ku ye yic, ku ye gɔc de ceŋ de Nhialic: